ဖေဖေါ်ဝါရီလ ၁၁ ရက်၊ ၂၀၁၄ ခု၊
ရခိုင်ပြည် မြေပုံမြို့မှာ ဘင်္ဂလီဒုက္ခသည်တိကိုရာ အကူအညီပီးနိန်ပြီးကေ ရခိုင်ဒုက္ခသည်တိကို အကူအညီမပီးဘဲ ခွဲခြားဆက်ဆံစော်တိနန့်ပါတ်သက်လို့မြေပုံမြို့ ပြည်သူတိက ကန့်ကွက်ဆန္ဒပြလားဖို့လို့ လေးဝတီက သတင်းရဟိပါရေ။
ယင်းဆန္ဒပြဖို့အတွက် ဖေဖေါ်ဝါရီလ ၅ ရက်နိန့်မှာ မြို့မိမြို့ဖတိနန့် ပြည်သူတိက မြို့မဓမ္မာရုံမှာ နိန့်ခင်း ၂ နာရီမှာ အစည်းအဝေးကျင်းပခပါရေလို့သိရပါရေ။
ယင်းအစည်းဝေးတက်ရောက်တေ မြေပုံမြို့ ဈီးပိုင်းရပ်ကွက်မှာနိန်ထိုင်ရေ ကိုညီစေ့ကေက
“ယင်းအင်ဂျီအိုတိက အရေးအခင်းကြောင့်ဒုက္ခရောက်ကတ်တေ လူတိက နှစ်စုပါ။ယင်းဘင်္ဂလီတိတစ်ခုတည်းဒုက္ခရောက်စော်မဟုတ်ပါ။ ကျွန်တော်ရို့ရခိုင်တိလည်းဒုက္ခရောက်ပါရေ။
အကူအညီတိက ကျွန်တော်ရို့ ရခိုင်တိလည်းလိုနိန်ပါရေ။ ယင်းပိုင် နိုင်ငံတကာကို ကိုယ်စားပြုရေ လူတိက အဖွဲ့အစည်းတိက ဒေပိုင် ကူညီစော်မှာ ဘင်္ဂလီတိကိုရာ ကူညီပြီးကေ ရခိုင်ဒုက္ခသည်တိကိုချန်လှပ်ထားရပါရေ။ ကျွန်တော်ရို့ ပြည်သူတစ်ယောက်အနိန်နန့် မတရားခွဲခြားဆက်ဆံရေလို့ ယူဆပါရေ။ ယင်းအတွက်နန့် ကန့်ကွက်ဆန္ဒထုတ်ဖေါ်ဖို့အတွက် ဒေပိုင်မြို့မိမြို့ဖတိနန့်အစည်းအဝေးလုပ်ရစော်ပါ”လို့ အစည်းအဝေးလုပ်ရရေ ရည်ရွယ်ချက်ကို ပြောပါရေ။
အစည်းအဝေးဆုံးဖြတ်ချက်အရ ဆန္ဒပြပွဲခွင့်ပြုချက်ကို မြို့နယ်အုပ်ချုပ်ရေးကော်မတီကို တင်ပြထားပြီးကေ ယင်းခွင့်ပြုချက်ကို စောင့်ဆိုင်းနိန်ရေအတွက် ဆန္ဒပြပွဲရက်ကို အတိအကျမသတ်မှတ်သိမ့်လို့
အစည်းအဝေးတက်ရောက်တေ ကိုညီစေ့ကေ ဆိုပါရေ။
လေးဝတီ (မြေပုံ)
No comments:
Post a Comment