ဖေဖေါ်ဝါရီ ၁၉ ရက်၊ ၂၀၁၄ ခု။
စစ်တွေမြို့မဈီးမှာရောင်းချနိန်ရေ ချဲအတိတ်ပီးစာရွက်
ရခိုင်ပြည်မှာ ချေးထီလောင်းကစားလုပ်မှုတိရေ အယင်နှစ်တိကထက် ၁၅ ရာခိုင်နှုန်းအထိမြင့်တက်လာပြီးကေ ဆက်သွယ်ရေးဖုန်းလိုင်းတိတိုးပွားလာရေအတွက် အယင်ဒေသတွင်းမှာ လောင်းကစားရာကနိန် ရန်ကုန်အထိတက်ပြီးကေ လုပ်လာကတ်တေလို့သိရပါရေ။ ရခိုင်ပြည်သူတိ တစ်ယောက်ချင်းဝင်ငွေ ၂၀ ရာခိုင်နှုန်းလောက်ရေ လောင်းကစား ချဲထီတိမှာ လည်ပတ်နိန်ကတ်တေလို့လည်းသိရပါရေ။
နှစ်လုံးထီနန့်ပတ်သတ်လို့ အတိတ်နမိတ်ပီးရေ ဟောတမ်းစာရွက်စာတမ်းတိကို လူမြင်သာရေ နိန်ရာတိမှာ တရားဝင်လိုလို ရောင်းချနိန်ကတ်စော်တိကိုလည်းသက်ဆိုင်ရာတိ အရေးယူမှုတိ နည်းပါးလာရေလို့ သိရပါရေ။
စီးပွားရေးရှု့မြင်သုံးသပ်သူတိက ရခိုင်ပြည်မှာ လောင်းကစားမှုတိကို သက်ဆိုင်ရာက ထိထိရောက်ရောက် အရေးယူလိုက်ကေ ရခိုင်ပြည်သူတိ၏ တစ်ဦးချင်းဝင်ငွေတိုးလာဖို့ဖြစ်တေလို့ သုံးသပ်ထားကတ်ပါရေ။
လေးဝတီ (စစ်တွေ)
No comments:
Post a Comment