ဘီဟာရီ
ဘီဟာရီ
=====
ရခိုင်သားမှာ စာလည်းမဟိ
သူစကားနှင့် ရွီးလို့ခြီနီ
ဘီဟာရီ --။
ဘစ္စကုတကား အကောင်းမဟိ
သူ့စကားနှင့် ပြောလို့ခြီနီ
ဘီဟာရီ --။
တံတွေးသိန်းတန် အဘာခေါ်လို့
ကျိကျိပက်ပက် ချွဲလို့ နွဲ့လို့
ဖွဲ့လို့ခြီနီ ဘီဟာရီ --။
ပုဂံအက ကပြခါမှ
ဝေသာလီမျောက်ရုပ်
လှုပ်ကာပြသည် ဘီဟာရီ --။
ရခိုင်ဘုရင် ပုဏ္ဏားဂေါင်းပေါင်း
ဆောင်းကာပြသည် ဘီဟာရီ
ဆုတ်လခြမ်းနှင့် ဘီဟာရီ
ဆုတ်လခြမ်းနှင့် ဘီဟာရီ
=============
လခြမ်းဆိုစွာ သဘာဝမှာ
ဆန်းလခြမ်းနန့် ဆုတ်လခြမ်းလို့
လခြမ်းနှစ်ခြမ်းဟိရေပိုင်
လူမျိုးမှာလည်း
အာရီယံနန့် ဘီဟာရီဟု
လူမျိုးနှစ်မျိုးဟိပါသည် --။
ယခီး (နှင့်) ဗချီး (၂)
ယခီး (နှင့်) ဗချီး (၂)
----------------------
မျန်မာများလည်း နားလည်အောင်
မျန်မာတိလည်း နားလည်အောင်
ဆရာ့၏စာ မောင်မျန်မာ
ယောင်လို့တောင်က မဖတ်ပါ --။
မျန်မာဖတ်ဖို့ မျန်မာဖတ်ဖို့
ဆရာ့ရို့ဆောင်းပါး မောင်မျန်မာက
မဖတ်ပါကား --။
ဆရာငပြာ ၀မ်းရီဆာ
ရန်ကုန်မြို့က ပြန်လို့လာ
ဒေါကီးလို့လာ --။
မျန်မာအောက်ချီး မောင်ဗချီး
ငါ့ကို “ယခီး” လို့ခေါ်ရေ --။
(သာလှဦး)
သဇင်
သဇင်
====
ပန်းဂေါ်သဇင်
နန်းတော်ဝင် --။
ဘ၀င်လီဟပ်
အညှာကျွတ် --။
သဇင်ပိုးထိုး
အညွန့်ကျိုး --။
ပိုးထိုးသဇင်
ဖုန်းဆိုးတောကို
တိုးလို့ဝင် --။
သဇင်ပန်းခြောက်
အနံ့ပျောက်
ဖုန်းဆိုးဘားမှာ
ငါးပါးမှောက် --။
ယခီး (နှင့်) ဗချီး (၂)
ယခီး (နှင့်) ဗချီး (၂)
----------------------
မျန်မာများလည်း နားလည်အောင်
မျန်မာတိလည်း နားလည်အောင်
ဆရာ့၏စာ မောင်မျန်မာ
ယောင်လို့တောင်က မဖတ်ပါ --။
မျန်မာဖတ်ဖို့ မျန်မာဖတ်ဖို့
ဆရာ့ရို့ဆောင်းပါး မောင်မျန်မာက
မဖတ်ပါကား --။
ဆရာငပြာ ၀မ်းရီဆာ
ရန်ကုန်မြို့က ပြန်လို့လာ
ဒေါကီးလို့လာ --။
(လက်သီးဆုတ်ပနာ)
မျန်မာအောက်ချီး မောင်ဗချီး
ငါ့ကို “ယခီး” လို့ခေါ်ရေ --။
(တက်သီးခေါက်ပနာ)
မိုးကောင်းတုန်းခါ လယ်ထွန်ထား
ကျမန်းသားကောင်း ဖျောင်းပစ်မည် --။
(ခတောင်းကျိုက်ပနာ)
ဇာမှတ်တေလဲ ဇာကောင်လဲ
စနီနိဖွား ရခိုင်သား
ကျားဖမ်းရေ ဆင်ဖမ်းရေ --။
(သာလှဦး)
ညှော်ဝင်သော တော်ဝင်သဇင်
ညှော်ဝင်သော တော်ဝင်သဇင်
-------------------
မျန်မာဆို “ချိုရေ” “ချိုရေ”
မျန်မာကို “လိုရေ” “လိုရေ”
မျန်မာဆို “ကိုကိုရယ်” “ကိုကိုရယ်”
(လူဂွဇာ)
ဝါတွင်းဝါးပြောက် (သို့မဟုတ်) ခြင်ထောင်ထဲက ပစိကိုက်ပြသူများ
ဝါတွင်းဝါးပြောက် (သို့မဟုတ်) ခြင်ထောင်ထဲက ပစိကိုက်ပြသူများ
-------------------------------------------
သမိုင်းမှာ အထောက်အထားမပါ
စီးချင်းထိုးခါ ဒါးလှံမပါကေ
ကျည်ကုန်သေနပ် တုံးပိုင်းထက်လီးရေ
(မပြီးနိုင်ကေ)
နောက်ကျခြီထောက် သစ္စာဖောက်
ဒုန်းပေါက်ဆောက်ဖို့ ကျလိမ့်မည် --။
နတ်ကောင်းမ
နတ်ကောင်းမ
---------
အမှားလည်းမဟိ အမှန်လည်းမဟိ
ဆန်နီစိခုနှစ်စိနန့်
“ကောင်းပါ” “ကောင်းပါ”
ဂါထာကို တဖွဖွရွတ်
ရွာက နတ်ကောင်းမပိုင်
အေနီရာမှာလာ
ဆရာမလုပ်ကဲ့တချက် --။
ရခိုင်သားတော်လှန်ရေး
ရခိုင်သားတော်လှန်ရေး
--------------
“တော်လှန်းရေး” လုပ်တေဆိုပနာကုန်းကွ
မောင်းမောင် “တော်” စွာက
“လှန်” စွာမှာ --။
သဇင်အတု
သဇင်အတု
-------
သစ်ဆွီးထက်တွင်
ဘောက်သာဆိုးနှင့်
နွားချီးအုံလို့
နောက်ဖေးမှာပွင့်ရေ ပန်းသဇင်တိ
ဥက္ခောင်းထက်တင်
မင်္ဂလာမဟိ --။
ကြက်မချေ
ကြက်မချေ
-------
ကတေတိုက်တေ ကြက်မချေ
ကြက်ဖချေ လာနီးနီး
ညိတိုင်း Comments ရွီး --။
လူ
----
နွားကို
သနားစွာလည်းလူ
စားစွာလည်းလူ --။
လူ
သူများကို တရားပြပျာယ်
ကိုယ်တိုင်ကျ
ဘုရားတသူ --။
လူ
အညမညတရားကို
လက်ကိုင်ထားပျာယ်
ပဋိပက္ခနှင့် မိတ်ဖွဲ့သူ --။
လူ
တရားသူကြီးလုပ်ပျာယ်
လာဘ်စားသူ --။
လူ
ဘုရားတကာရာထူးနှင့်
မယားတဏှာရူးသူ --။
လူ
အေဆူ
အမှန်လူရာမလား --။
(သာလှဦး)
ငါးဈီးတန်း
ငါးဈီးတန်း
------------
စစ်တွေ ကမ်းနားလမ်းက
ယင်ကောင်များစုဝဲရာ အရပ်ကို
အမှိုက်ပုံဟုခေါ်ပါသည် --။
အလိုတော်ရိများသို့
အလိုတော်ရိများသို့
-----------------------------------
မြန်မာအငုတ်ကို အဟုတ်ဟုထင်
လုလင် ဘ၀င်မြင့်မြင့်
စပ်ငြင့်ငြင့်
ဝမ်းကြင့်နီပျာလား --။
(သာလှဦး)
ရခိုင်ဇမ်းကဗျာများ
မယ်နှင့်မောင်
---------------
အထက်မှာရာလေ သံဖြူ
အောက်မှာရာလေ ပျိုင်ချပ်
အလယ်ဂေါင်မှာ မှန်ဘောင်သပ်လို့
ဗောဓပ်ကျောင်းမှာ
အပွင့်မှာရာလေ ၀ါဝါ
အညှာမှာရာလည်း မဲမဲ
ပန်းမစင်ကို တင်မိခလို့
မေနှင့်မောင်မှာ မပေါင်းရဘဲ
ကွဲရရေလား ပုယေ --။
ဒေဘ၀ီ ဒေဘ၀မှာ မပေါင်းရသော်လည်း
နောင်ဘ၀ီ နောင်ဘ၀မှာ ပေါင်းရလီအောင်
တရိစ္ဆာန် အမှန်ရာလည်းစင်စစ်
ငှက်လီလီလေ ငှက်ပင်လည်းဖြစ်ငြား
မောင်ကားဂြိုးဘို မယ်ကားဂြိုးမ
တလင်းရာမှာ ၀ဲကာကျကေ
စားရပါစီ ပုယေ --။
တရိစ္ဆာန် အမှန်ရာလည်းစင်စစ်
နွားလီလီလေ နွားပင်လည်းဖြစ်ငြား
တသျှိုင်းတည်းထွန် တခြံတည်းနွား
တခုံးတိုင်မှာ ချိုင်ကာထားကေ
စားရပါစီ ပုယေ --။
ဘုရားပေါ်ကေ ကံ့ကော်တောသို့
မေယင်ယင် မေယင်သော်လည်း
မေစောင့်နီဝေ
မောင်ယင်ယင် မောင်ယင်သော်လည်း
မောင်စောင့်နီမည် --။
ဆီမီးရာလေ တတိုင်
ပန်းတခိုင်နှင့် ပျိုင်တချပ်မှာ
နှစ်ယောက်ထိုင်ကေ တူပြိုင်လောင်းလို့
ဆုတောင်းကတ်မည် ပုယေ --။
(ကျောက်ဖြူနယ်မှ ဇမ်းကဗျာ)
ရွှီခိုင်ပြည်အလွမ်း
------------------
နွီရာသီ
ဂိမ္မာန်ရာလည်းပြောင်းလို့
တပေါင်းရာလေချိန်ကူး
ရွက်ဟောင်းညှာကြွီ
ရွက်သစ်ဝီကေ နွီရတုမှာ
ပျိုနုလည်းသာယာ
ဟေမ၀ါမှာ
ဝဲကာရာလည်းကျီးငှက်
သီးချက်ပွင့်ချက် တကြိုင်ကြိုင်နှင့်
ဂနိုင်ရာစုံစမ်း
နီညိုညိုကေ ညနီချမ်းမှာ
ပျံသန်းကျီးငှက်
တကြော်ကြော် ခေါ်နှုတ်ဆက်လို့
ဇရွက်ကေလေ တမန်
တညံညံကေ ခေါ်သံရာလည်းမစဲ
ဒိုးဒိုးလေ ဒုန်ဒုန်
နိုးနိုးနုန်ကေ ဖိုးခေါင်ရာလည်းကျူးကျော်
မောင်ရို့ပျော်ကေ ရွှီခိုင်နန်းကို
လွမ်းမစဲဖွယ် ပုယေ --။
(ရမ်းဗြဲကျွန်းမှ ဇမ်းကဗျာ)
မောင်ပြန်ဖို့ယာ
-----------------
မိုးလင်းကြယ်ကြီး
ရောင်ဖြူလာ ထွက်ခါနီးလို့
ကြက်ကြီးလည်းတွန်
မိုးသောက်ယံ မောင်ပြန်ဖို့ယာ --။
မောင်လားရေခါ
ဆံကေသာ ဖြီကာလျှော့
ကန်တော့လိုက်ပါ --။
ကတိုးတိမ် စိုးရိမ်နှောင်းလို့
မကြောင်းကြကဲ့ --။
ဂြိုးချေကြူ
မပူလီကဲ့ --။
ငှက်တော်ထိုး
မညှိုးလီကဲ့ --။
ကျီးကန်အာ
မရှာလီကဲ့ --။
ဥသြမောင်
ဖိုးခေါင်တယောင်
မတလီကဲ့ --။
ချစ်တေဆို ပျိုနှမကို
မှာခရေနှောင်း --။
နှစ်ချောင်းချီ ဗွီလီယှက်
ရက်သပေါ့မှာ
ရွှီမျက်တောင် အသာမှိတ်
အိပ်ဟိလိုက်ပါ --။
အိမ်နောက်ဆို မောင်းကာအောက်က
မေအိပ်ရာကို မျှော်ကာကြည့်
ပြန်လှည့်လားယာ --။
နှစ်ချောင်းချီ ဗွီလီယှက်
ရက်သပေါ့မှာ
ရွှီမျက်တောင် အသာမှိတ်
မအိပ်နိုင်ပါ --။
မတွိလီရ မမြင်ရလို့
ကားရုပ်ပုံ ဆယ်စုံချ
ရူပဒေ၀ါ နတ်ထံထံလေ
တူပြန်ခကေ
ငယ်ကချစ်တေ ချစ်မောင်မောင်ကို
ကြိုက်မ၀ပါ --။
(ရမ်းဗြဲကျွန်းမှ ဇမ်းကဗျာ)
မှာလိုက်ရစီ
--------------
မေ့သခင်မှာ ကြင်ရာသက်ထား
ချစ်တေသူ ဖြူချောချောလို့
ကိုယ့်ရည်းစားကို
မချစ်ဆို မလိုလို့လား
မခင်ပုံ မယုံစားလို့
မအပ်ဝံ့လား --။
မချစ်ဆို မလိုမဟုတ်
ပျိုမေယေမှာ ရွှီကိုလို
ဂုဏ်ကိုမက်လို့
ချစ်ပါရေလား
ရွှီမလို လူကိုမက်လို့
ချစ်ပါရေလား --။
ရွှီကိုမလို ဂုဏ်ကိုမမက်
မေအပျိုမှာ လူကိုမက်လို့
မောင်လူပျိုကို ယုံလိုကြောင်းနှင့်
တောင်းထားဖို့ယာ --။
မယုံရရေ ယုံရရေ
စကားကြွယ်ကေ ဟုတ်မည်နှမ
မိမ္မဥာဏ် ၀င်္ကန္တကို
ကြောက်ရပါရေ --။
လှလူပြောင် မောင်ကုသနှင့်
ရူပ၀တီ ဥုံဒဏ္ဍီမှာ
ပုံသီတချက်
ချစ်ကျွမ်းဝင် ကြင်သူလက်ကို
ကျောက်မျက်စိန်ပျံ
ရွှီပြည်တန်ကို အပ်နှံဖူးကြောင်း
ရှိထုံးပုံ နိဂုဏ်းဟောင်းကို
ထောက်ဆယေကြည့်ပါ --။
ပုံပြရေ ယုံဖွယ်စကား
ရူပမယ်လေ သူ့လက်ကြားက
ပုဏ္ဏားဦးယူ အသဲဆူဗျာ
စိတ်ပူမဆုံး
ကိုယ်လိုရာ ရတနာကုံးကို
အဆုံးယေချလို့
ကုသမောင်မှာ ဖြစ်ပုံကြောင်းက
ကောင်းယင့်လားယေ --။
မကောင်းရာ ဖယ်ကာယေထားပါ
ဘေးကယေပါးလို့
ကိုယ့်ရည်းစားကို အပ်ထားခပါ --။
ဂရုဏာ မိတ္တာသက်ပါ
စုံမက်သော်လည်း
ရှက်စဖွယ် ရွှီငွေအပ်လို့
တယောက်မေ ပျိုမေစစ်မှာ
မဖြစ်နိုင်ပါ --။
ချစ်တေယောင်ယောင်
ကြိုက်ယောင်ယောင်နှင့်
အဂယောင့်မှန် ဧကန်ကျက
နောက်ကိုယေဆုတ်လို့
မဟုတ်မမှန်
အကောက်ဥာဏ် ၀င်္ကန္တမှာ
ပျိုမေယေ အကယ်မှတ်လို့
တပတ်ကေကျရေ --။
အလှမဉ္ဇူ သရဖူ မြင်သူသဲစွဲ
မက်မပြေ သက်ရွှေခဲကို
မခွဲဝန့်ပါ --။
မြှောက်ရေပင့်ရေ ပြောတတ်တေ
လူလည်လူနောက်
လူကျွမ်းဝင် လူပင်ပေါက်လို့
အကောက်ကိုကြံ
ခဲမှန်ဖူးရေ စာသူငယ်
ရွယ်ရုံနှင့်လန့်
လှမယ်ပျို နောက်ကိုတွန့်လို့
မချစ်ဝန့်ယာ
မရယာ လက်သာချဖိ
သူများယူ လက်ပူတိုက်ပျာ
ကျန်လိုက်ပတ်စီ --။
အသက်ထပ်တူ မငြူစူ
ကြည်ဖြူသဲစွဲ
ချစ်တေသူ ဖြူပုလဲကို
ပီးပါလတ်မည်
သနားချစ်ခင် မိတ္တာဝင်
ကြင်နှမကို စိတ်ချရစီ --။
စကားဆက်ဆံ လက်မခံ
ဖီဆန်ငြင်းလို့ ချစ်ယင့်နှင့်ပင်
မေအပျို ရလိုရေးနှင့်
ပြောမိစွာရာ
မေ့သခင်မှာ မှန်ကိုကိုးလို့
စိတ်မဆိုးကဲ့ --။
သိုင်ခေါင်လည်းလွန် ကြက်လည်းတွန်
မောင်ပြန်ဖို့ယာ
မေစိတ်ကေသာအောင်
ပဒုန်းကျော် လီခေါ်ပေါက်က
မောင်မျက်နှာ ထွက်ခါငုံ့လို့
ပြုံ့ပြခမည် --။
ပုဆိုးယေကွက်ပြာ ကွက်တရာ
ခြူခြာသတ်လို့
နပျိုးပင်ကို စုန်လီသတ်ကေ
မိုးလင်းပတ်စီ --။
အာရုဏ်တက်လာ ရောင်ဖြူလာလို့
လူရာလေ ထစ
ချစ်တေမောင်မှာ အသရေရအောင်
ပြန်ရဖို့ယာ --။
ပြန်မည်ဆို ပျိုယေနှမ
ချစ်တေမောင်လေ
ဆံစညို ပျိုယေမက
မှာလိုက်ရစီ
ညနီရီ နီဆီရောက်အောင်
လားပါလီ --။
(ရမ်းဗြဲကျွန်းမှ ဇမ်းကဗျာ)
ဇမ်းဖွဲ့ကတ်မည်
-------------------
အသက်ရှည် လှမေရို့နှင့်
နားမလည် မချေရို့နှင့်
ဒေရက်ဆုံ ဒေပြင်ဝန်းမှာ
ဇမ်းဖွဲ့ကတ်မည် --။
ကျောင်းပါးကတောင်
ရွှီကျောင်းတောင် ဖိုးခေါင်ကြိမ်လုံး
တစိတ်ကာ လူမသုံးကေ
အမြုံမလေ --။
လီယင်ယင် ဆားပြင်စမှာ
ယက်သဲ့ဘောင် ကိုင်ကာထိုးလို့
ငါးယိုးရေလား --။
တရက်ရှာ နပ်စာမပြည့်
ထိုးရေကွန်ချာ
ပုဇွန်ဖြူ မေမစားလို့
ဂြိုးသားရှာခီ --။
ညွန့်ဆယ်ပင် တပင်ပြတ်
မောင်လက်ချယာ ပုယေ --။
သစ်ခ၀ပ်ရာလည်း ပွင့်ဖြူ
မအူရာလည်း ပင်ဖျား
အကိုင်းချေမှာ ငှက်ဝါနားကေ
ရည်းစားဟိလား ပုယေ --။
ကြက်သွန်ပင် အသျှင်မဲ့
ငှက်ဟင်္သာ ပျံကာဝဲ
ရည်းစားမဟိ --။
သဲသောင်သဲသောင် ရွှေသဲသောင်
သဲသောင်ထိပ်မှာ
ဗျိုင်းဟောက်ကေပိုင် ငိုက်လို့
တမန်းပြင် ငါးကိုချောင်း
ရကြောင်းမမြင် ချောလေ --။
ချောင်းဖျားပုစွန် လိမ္မာခံ
ပုဇွန်လိမ္မာ ဗျိုင်းအစာ --။
မောင်နှင့်မေ အတူတူ
လူချင်းကွဲလို့
စိမ်းကားရေလား ချောလေ --။
ပင်နန်းရိပ်ခို လှမေပျိုကေ
ရယ်ချိုပြုံးပြုံး သွားသန္တာကို
ပုဝါဖုံးလို့ မျက်လုံးပရိယာယ်
ချစ်ဖွယ်ပြောလို့
စကားချိုရေ ပုယေ --။
(ရမ်းဗြဲကျွန်းမှ ဇမ်းကဗျာ)
တမ်းလွှဲဇမ်း
----------------
အမောင်အမောင် တိုင်မှာမျှောင်
အမောင်ဇာကရောင် --။
သရက်ပင်ညို ရွက်ရိပ်ခို
လူပျိုပေါက်စ တန်းလွှဲက --။
ကျောက်စရစ်ကေ တန်းတင်
လီရွှင်ကေ သွတ်သွတ်
ပျိုမေရီ ပြင်စိုင်ကေဖြတ်လို့
ရီခပ်ကေ ထွက်လာ
ဘူးပွင့်ရံ ကြာတံပွင့်ကို
တွဲလို့ပါ --။
လူမြင်ကေ ရှက်တေမချိ
ဘူးပွင့်ရံ ကြာတံပွင့်ကို
ရွှတ်ပါဖိ --။
ခယင်ဝါးရှည် ခယင်ဝါးဖျား
တဆစ်ချေကို ဖြီလို့ထွင်း
စံညှင်းကေ ပုလီ
လက်ဆယ်ချောင်းနှင့် ခြောက်ချောင်းချီ
ပုလီစံကျော်
မေရို့နီ အိမ်တောင်ဖက်က မှုတ်ပျာခေါ်
နာပျော်ရေလား
မေ့အသံကို တပ်တပ်ကေ ကြားရေ --။
မေရို့အိမ် မီးလုံးလင်းလို့
ချစ်တေမောင်မှာ မ၀င်ဝံ့ဘဲ
ခြံနားကေ ယောင်လို့ --။
(ရမ်းဗြဲကျွန်းမှ ဇမ်းကဗျာ)
မေတပြည် မောင်တကျွန်း
---------------------------
အယင်ကခါ
ဗာရာဏသီလေမင်းကြီး --။
ရွှေသမင် အားတင်လိုက်ကေ
တောနက်ကလွန်
လူဝံလေမနှင့်
အကြောင်းဆုံ ငြင်းခုံရာလည်းမလွတ်
နဖူးစာ ပါသည့်ဝဋ်ကို
ချွတ်မကျွတ်ယာ --။
မေကားတပြည် မောင်ကားတကျွန်း
မြစ်အလယ် ပိုးခြည်တန်းယောင်
စာကမ်းကတ်မည် --။
(ရမ်းဗြဲကျွန်းမှ ဇမ်းကဗျာ)
ကျမျက်ရည်
--------------
လပြာသို ခွာညိုပွင့်သစ်
မောင်လူပျို မေမချစ်ကေ
ဝေးပစ်ဖို့လား --။
မောင်လူပျို မေမချစ်
ဝေးပစ်သောခါ
တဇာဇာ ငိုခါမျက်ရည်
ကျမျက်ရည် ဆည်မရလို့
မောင်လှသက်နှံ ပျိုမောင်စံ
ဝေယံနန်းမှာ
ဘယ်ကိုကိုလေ ဘယ်ကိုစောင်းလို့
ဘယ်စောင်းမျက်ရည် --။
ညာကိုကိုလေ ညာကိုစောင်းလို့
ညာစောင်းမျက်ရည် --။
သပေါ့ဖျာ မွိရာထက်မှာ
တံဘက်ဖြူ ယူကာအုပ်လို့
ကိုယ်သုတ်ရရေ --။
(ရမ်းဗြဲကျွန်းမှ ဇမ်းကဗျာ)
ဆုတောင်းရေ
----------------
ရမ်းဗြဲမာန်အောင် ကျောက်ဖြူသံတွဲ
စနဲရွာ ခေါ်သည်ရပ်မှာ
စောမဲကျီ တည်ရေဓါတ်ကို
ဖူးကတ်ခီမည် --။
ဆီမီးတတိုင် နှစ်ယောက်ကိုင်
ပျိုင်တပေါက်မှာ
နှစ်ယောက်ထိုင် တူပြိုင်ညှိလို့
ဆုတောင်းကတ်မည် --။
ဆုမကောင်း
ဖျက်တောင်းကတ်မည် --။
ပန်းမစင်
ဖျက်တင်ကတ်မည် --။
မကောင်းကြံ ဖီးရန်မှုကို
ပြုခလို့လား --။
ပန်းမစင်
တင်ခလို့လား --။
ဆုမကောင်း
တောင်းခလို့လား --။
ငှက်မောင်နှံ ပျံကာဝဲ
ကျိမ်ဆဲလို့လား --။
သူ့ရည်းစား
ခွဲခလို့လား --။
သနားဖွယ် ပုချေမေနှင့်
ဒေဘဝေ ဒေဘ၀မှာ
မပေါင်းရကေ
နောင်ဘဝေ နောင်ဘ၀မှာ
ပေါင်းရလီယောင်
မြတ်စိန္တေ ထံတော်ပါးမှာ
ဆုတောင်းရေ --။
(ရမ်းဗြဲကျွန်းမှ ဇမ်းကဗျာ)
အဆုံးစွန်
----------
ဝဲလီပျံလီ သံဂလီ
ပျံလီငှက်ခါး
ကိုင်းဟောင်းကျိုးလို့
ကိုင်းသစ်ရှာ
ရပါဖို့လား
မေစိုင်းစား --။
အဆုံးစွန်ကေ
လက်ပံယေ ကိုင်းမှာ
နားဖို့ကျရေ --။
(ရမ်းဗြဲကျွန်းမှ ဇမ်းကဗျာ)
ရောက်လာလိမ့်မည်
---------------------
ခမောင်းသုံးကြိမ် ကျေးသုံးကြိမ်
သံဂလိမ်သုံးဆင့်
တောမှာဝီကေ ဆင်ဝေပွင့်
ငုံးပန်းပွင့်ယာ --။
ယင်းပိုင်ချိန်ခါ ထီးကိုကိုင်
ရွာစိုင်လျှောက်လို့
ရောက်လာလိမ့်မည် --။
(ရမ်းဗြဲကျွန်းမှ ဇမ်းကဗျာ)
လိုက်ဝန့်ဖို့လား
-----------------
နပျိုးရာလေ တပင်
ဂရင်ရာလေ တပုဒ်
နှင်းမကြွီ လီမသုတ်
ဆင်ပုတ်ရပ်သို့
ရည်မှတ်လာ ပြောပါဖို့လား
ချစ်တေမောင် ပြောစကားကို
မေစိုင်းစားလား --။
သင်္ဘောမာလိန် ရီကိုချိန်
မာလိန်သင်္ဘော
သောင်းသောင်းကျော် ဖောင်တော်ဦးက
လက်မှတ်စာ မောင်ထုတ်ပီးလို့
မလိုက်ဝန့်ပါ --။
အမိခေါ် နောင်တော်မြစ်ကို
မလိုက်ဝန့်ပါ --။
အဖခေါ် နောင်တော်မြစ်ကို
မလိုက်ဝန့်ပါ --။
ချစ်သူခေါ်
လူမတူ မယူမြစ်ကို
လိုက်ဝန့်ဖို့လား --။
(ရမ်းဗြဲကျွန်းမှ ဇမ်းကဗျာ)
ပြန်မရွှတ်
-----------
တခွန်းခေါ် အိုလေရွှီနား
နှစ်ခွန်းခေါ် အိုလေရွှီနား
သုံးခွန်းတက်မှာ
မောင်ခေါ်သံ ညံညံကြားလို့
ဘုရားထူးရေ --။
ဘုရားဆို အလိုမဟိ
တရားဆို အလိုမဟိ
ပုချေဆို အလိုဟိ
ခေါ်မိစွာရာ --။
လပကောင်းယာ
တောက်လီယာ
လာရာလာလတ်
ပြန်မရွှတ်ပါ မောင်းမောင် --။
(ရမ်းဗြဲကျွန်းမှ ဇမ်းကဗျာ)
နွားလိုက်လားရေ
-------------------
နွားပတုန်းရာလည်း တွဲတွဲ
မိနှင့်ဖမှာ မွီးစပ်တေ
နွားချေနောက်က
မလိုက်ခင် မိခင်ကဆဲ --။
ခလောက်ကိုယူ ချစ်တေသူ
နွားဖြူနောက်က
မက္ကလာ နံမှာကျိုက်လို့
နွားလိုက်လားရေ --။
(ရမ်းဗြဲကျွန်းမှ ဇမ်းကဗျာ)
စိတ်ရူးရေ
------------
မိုးမင်းညို
မရွာတချက် ရွာတချက်
ကြောင်းပျက်တေလေ --။
မောင်လူပျို
မလာတရက် လာတရက်
စိတ်ပျက်တေလေ --။
ချောင်းဖြားရီ
ချောင်းရီတထူး
အညာခွင်ကို မ၀င်ဖူးကေ
ဖြားရူးရေလေ --။
ညရီတလီ ညဥ့်ရီတထူး
မောင်လူပျိုလေ
မေ့အိမ်ကြောက်ကို မ၀င်ဖူးကေ
စိတ်ရူးရေလေ --။
(ရမ်းဗြဲကျွန်းမှ ဇမ်းကဗျာ)
ပူဆိပူဆာ
------------
ကိုင်းလီကိုင်းလိုင်း
သစ်ကိုင်းထက်မှာ ဗျိုင်း --။
ဗျိုင်းကားဇာဖို့ နားရုံ
ငါးမြင်လို့ နားရေရာ --။
ငါးကဇာဖို့ ပေါ်ရုံ
ရီနောက်လို့ ပေါ်ရေရာ --။
ရီကဇာဖို့ နောက်ရုံ
ကျွဲစိမ်လို့ နောက်တေရာ --။
ကျွဲကဇာဖို့ စိမ်ရုံ
ပိုးကိုက်လို့ စိမ်ရေရာ --။
ပိုးကဇာဖို့ ကိုက်ရုံ
မိုးရွာလို့ ကိုက်တေရာ --။
မိုးကဇာဖို့ ရွာရုံ
ဖားအော်လို့ ရွာရေရာ --။
ဖားကဇာဖို့ အော်ရုံ
မြွီမျိုလို့ အော်ရေရာ --။
မြွီကဇာဖို့ မျိုရုံ
ပူဆိပူဆာ မနီသာလို့ မျိုရေရာ --။
(ဗိုလ်မင်းထောင်မှ ဇမ်းကဗျာ)
ချစ်စွာအပြစ်လား
ခင်ရုံပါဆိုပြီးကေ
ရင်ခုန်စရာတိကို
ဇာဖြစ်တွေးနီလဲ --။
ရိုးရိုးသိရုံဆို
ခိုးကြည့်ဖို့ လိုလား --။
ဖုံးဖိထားကေလည်း
အပြုံးတိက သက်သီ --။
အကြင်နာ မပိုသိမ့်ကေ
နဂိုရ်အတိုင်း နီကတ်မေ --။
တမင် ရှိလျှောက်လို့
ရင်မှာ မီးတောက်လာကေတော့
ကို့ကို အပြစ်မဆိုကဲ့နန်း --။
(မြတ်မင်းသူ)
ရင်ခုန်စရာတိကို
ဇာဖြစ်တွေးနီလဲ --။
ရိုးရိုးသိရုံဆို
ခိုးကြည့်ဖို့ လိုလား --။
ဖုံးဖိထားကေလည်း
အပြုံးတိက သက်သီ --။
အကြင်နာ မပိုသိမ့်ကေ
နဂိုရ်အတိုင်း နီကတ်မေ --။
တမင် ရှိလျှောက်လို့
ရင်မှာ မီးတောက်လာကေတော့
ကို့ကို အပြစ်မဆိုကဲ့နန်း --။
(မြတ်မင်းသူ)
ဘော်လုံး
ချစ်ကြည်ရေး ချစ်ကြည်ရေးဆိုဗျာ
အနှစ်မဲ့စကားလုံးတိနန့်
မြှောက်လိုက် ပင့်လိုက်
ကော်လိုက် ကပ်လိုက်
ပင်လယ်ပြင်မှာ ဗျိုင်းတရွီ
လီသလပ်ခံရေပိုင်
အချေခါ အဘုချေတိ ယိုင်းယင်စီးရေပိုင်
နားဆီခံနီလို့ ဇိမ်ခံနီလို့
ဖြစ်ဖို့လားယေ --။
ဗုဒ္ဓဟောကြား
နားဝင်ချိုသော်ငြား
အနှစ်မဲ့စကား မပြောရ --။
(သာလှဦး)
အနှစ်မဲ့စကားလုံးတိနန့်
မြှောက်လိုက် ပင့်လိုက်
ကော်လိုက် ကပ်လိုက်
ပင်လယ်ပြင်မှာ ဗျိုင်းတရွီ
လီသလပ်ခံရေပိုင်
အချေခါ အဘုချေတိ ယိုင်းယင်စီးရေပိုင်
နားဆီခံနီလို့ ဇိမ်ခံနီလို့
ဖြစ်ဖို့လားယေ --။
ဗုဒ္ဓဟောကြား
နားဝင်ချိုသော်ငြား
အနှစ်မဲ့စကား မပြောရ --။
(သာလှဦး)
အောက်မှော်
ပေါ်လစီ ပေါ်လစီလော်လီဖောက်ပြား
မောင်လျှောက်သား --။
စားရက လာလာ
မစားရက ခွာခွာ --။
စားရက အဘာ အဘာ
မစားရက ငပြာ ငပြာ --။
ပီးကေ ချီကျူး
မပီးကေ ချလူး --။
ပီးကေ သူကောင်း
မပီးကေ ဘူတောင်း --။
(သာလှဦး)
သာလှဦး ဘလော မှာ လားဖတ်လို့ ရပါရေ အေမှာနှစ်ပါ
No comments:
Post a Comment