ဖေဖေါ်ဝါရီ ၂၀ ရက်၊ ၂၀၁၄ ခု။
ရခိုင်ပြည်လွတ်မြောက်ရေးပါတီက တာဝန်ဟိလူတိနန့် မြန်မာငြိမ်းချမ်းရေးစင်တာက တာဝန်ဟိလူတိတွိ့ဆုံဇိုင်
ဦးအောင်မင်းနန့် ဆွေးနွေးခရေ ရခိုင်နိုင်ငံရေးအင်အားစုတိက ပြည်နယ်အဆင့် အပစ်အခတ်ရပ်စဲရေးအဆင့်ကို လက်မှတ်ထိုးသဘောတူထားရေရခိုင်ပြည်လွတ်မြောက်ရေးပါတီ ALP၊ လက်ရှိ ရခိုင်ပြည်ထဲမှာ နိုင်ငံရေးပါတီ၊ လူမှုရေးအသင်းအဖွဲ့ ရခိုင်ပြည်သူတိနန့် တွိ့ဆုံနိန်ရေ ရခိုင်အမျိုးသားကောင်စီ ANC နန့် ကျောက်ဖြူညီလာခံအတွက် ရခိုင်အမျိုးသားညီလာခံဆက်သွယ်ရေးကော်မတီရို့ဖြစ်ပါရေ။ ယင်းပိုင်ဆွေးနွေးစော်မှာ တစ်စုတစည်းတည်း တွိ့ဆုံစော်မဟုတ်ဘဲနန့်အဖွဲ့လိုက်သီးခြားစီတွိ့ဆုံဆွေးနွေးခရေလို့ သိရပါရေ။
လက်ရှိ ရခိုင်လက်နက်ကိုင်အဖွဲ့အစည်းတိနန့် နိုင်ငံရေးပါတီတိက ရခိုင်ပြည်လွတ်မြောက်ရေးပါတီ ALP လက်အောက်ခံ ရခိုင်ပြည်လွတ်မြောက်ရေးတပ်မတော် ALA၊ ရခိုင်ပြည်အမျိုးသားကောင်စီလက်အောက်ခံ DKBA နယ်မြေအခြီစိုက် ရခိုင်ပြည်တပ်မတော် AA နန့် ကချင်လွတ်မြောက်ရေးတပ်မတော် KIO နယ်မြေအခြီစိုက် ရက္ခိုင့်ပြည်တပ်မတော် AA ရို့ဖြစ်တေလို့သိရပါရေ။
လေးဝတီ (ရန်ကုန်)
No comments:
Post a Comment