ဖေဖေါ်ဝါရီ ၁၉ ရက်၊ ၂၀၁၄ ခု။
- ရခိုင်ပြည်အမျိုးသားကောင်စီနန့် ရန်ကုန်ရှိ ရခိုင်အသိုင်းအ၀ိုင်းရို့၏ တွိ့ဆုံပွဲတစ်ခု
ရခိုင်ပြည် ညီညွတ်ရီးနန့်ပတ်သက်လို့ အမျိုးသားညီညွတ်ရီးကို အယင်ဆုံးတည်ဆောက်ဖို့လိုရေလို့ ရခိုင်ပြည် အမျိုးသားကောင်စီ ဒုတိယဥက္ကဌ-၁ ဖြစ်တေဒေါက်တာခင်မောင်က ပြောဆိုလိုက်တေလို့ လေးဝတီက သတင်းရဟိပါရေ။
ဖေဖေါ်ဝါရိလ ၁၃ ရက်နိန့်က ရန်ကုန်မြို့ Excel Treasure Hotel မှာ ကျင်းပပြုလုပ်တေ ရခိုင်ပြည် အမျိုးသားကောင်စီနန့် ရခိုင်နိုင်ငံရေါ်ပါတီတိ၊ ရခိုင်လူမှုရေးအဖွဲ့အစည်းတိ၊ ရခိုင်မိသားစုတိနန့်တွိ့ဆုံပွဲမှာ ဒု-ဥက္ကဌ-၁ ဖြစ်တေ ဒေါက်တာခင်မောင်က ” အမျိုးသားညီညွတ်ရီးက အဓိက သော့ချက်ဖြစ်နိန်ပါရေ။ ညီညွတ်မှုဟိမှ အမျိုးသားလုံခြုံရေးကို တည်ဆောက်နိုင် ပါဖို့။ ယေမှရာ ကိုယ့်ကံကြမ္မာကိုယ် ဖန်တီးနိုင်ဖို့” လို့ဆိုပါရေ။
ဆက်လက်ပြီးကေ တိုင်းပြည်တစ်ပြည် ဖွံ့ဖြိုးတိုးတက်ဖို့၊ တိုင်းရင်းသားအားလုံး တန်းတူ အခွင့်အရေးရဟိဖို့ လိုအပ်တေပိုင် တိုင်းရင်းသားအားလုံး စစည်းလလုံးနန့် ညီညွှတ်ရီးကို တည်ဆောက်ဖို့လိုအပ်တေပိုင် ပြည်တွင်းစစ် နှစ်ပေါင်းအများကြီး
ကြာကြာဖြစ်နိန်စော်ရေ လူမျိုးကြီးဝါဒ ကြီးစိုးနိန်ပြီးကေ တိုင်းရင်းသားအချင်းအချင်းစည်းလုံးညီညွှတ်မှု၊ ယုံကြည်မှု မတည်ဆောက်နိုင်ရေအတွက် အဂုပိုင် ဖြစ်နိန်ရစော်ဖြစ်တေလို့ပြောလားခပါရေ။
လေးဝတီ (ရန်ကုန်)
No comments:
Post a Comment