ရခိုင်ပြည် နိန်ရာ ၁၀ ခု မှာ လီအားလျှပ်စစ်ထုတ်ဖို့အတွက် တရုတ်လေ့လာ

ဖေဖေါ်ဝါရီ ၁၂ ရက်၊ ၂၀၁၄ ခု။

ရခိုင်ပြည်မှာ လီအားလျှပ်စစ်စီမံကိန်းထုတ်လုပ်ရနိုင်ရေ နိန်ရာ ၁၀ ခု အထိ တိုင်းလာလေ့လာမှုတိကို တရုတ်နိုင်ငံ China Three Gorges ကော်ပိုရေးရှင်းကစီမံကိန်းတွက်ချက်ပီးအပ်မှုကို စောင့်ဆိုင်းနိန်ရေလို့ လျှပ်စစ်ဝန်ကြီးဌာန ဒုတိယ၀န်ကြီး ဦးအောင်သိန်းဦးအရ လေးဝတီက သတင်းရဟိပါရေ။
မြန်မာနိုင်ငံမှာ လီအားလျှပ်စစ် စီမံကိန်းတိအတွက် မွန်ပြည်နယ်၊ တနင်္သာရီနန့် ဧရာဝတီတိုင်းရို့မှာ အလားအလာကောင်းတိ ဟိနိုင်ရေလို့ ထိုင်းအခြေစိုက်ကုမ္ပဏီင်္တိကထုတ်ဖေါ်ပြောကြားမှုဟိနိန်ရေလို့ သိရပါရေ။ ချင်းပြည်နယ်၊ ရခိုင်ပြည်၊ ရန်ကုန်တိုင်းနန့်၊ ဧရာဝတီတိုင်းရို့မှာ စီမံကိန်း ဖြစ်မြောက်ဖို့အတွက် တရုတ်ကုမ္ပဏီနန့်
နားလည်မှုစာချွန်လွှာ MOU ရေးထိုးထားရေလို့ သိရပါရေ။
“ရခိုင်ပြည်မှာ တရုတ်နိုင်ငံက Three Gorges Coporation က လီအားလျှပ်စစ်ထုတ်နိုင်ရေ နိန်ရာ ၁၀ ခု မှာ အဂု လေ့လာသုတေသန လုပ်နိန်ပါရေ။ သူရို့ဘားကအပြီးသတ်တင်ပြလာဖို့ အခြေအနေကို စောင့်ဆိုင်းနိန်ပါရေ” လို့ ဒုဝန်ကြီး အောင်သိန်းဦးက ဆိုပါရေ။
တရုတ်ကုမ္ပဏီရေ လီအားလျှပ်စစ် စီမံကိ်းပုံစံ ဒီဇိုင်း၊ တစ်နှစ်အတွင်းမှာ ထွက်နိုင်ဖို့ လျှပ်စစ်ပမာဏ၊ စီးပွားရေးတွက်ခြီကိုက်မှု၊ သဘာဝပတ်ဝန်းကျင်ထိခိုက်မှု စရေစော်တိကို လေ့လာနိန်ဗျယ်ဖြစ်တေလို့ သိရပါရေ။
တရုတ်နိုင်ငံက နာမယ်ကြီးလျှပ်စစ် လုပ်ငန်းစုဖြစ်တေ CPI ဥက္ကဌ ဖြစ်တေ မစ္စတာလီကွမ်းဟွာ ပြောကြားချက်အရ လီအားလျှပ်စစ်စီမံကိန်းမှာ မြီနိန်ရာယူမှုကျယ်ပြန်ပြီးကေနည်းပညာရပ်ဆိုင်ရာကိစ္စတိမှာ အခက်အခဲဟိနိန်ရေလို့ သိရပါရေ။
“လီအားလျှပ်စစ်နန့် နီရောင်ခြည်လျှပ်စစ်ရယူမှုတိက ကုန်ကျစရိတ်အင်တန်များပါရေ။  ရင်းနှီးမြုပ်နှံမှုတိအများကြီးလိုဘနာ နည်းပညာပိုင်းဆိုင်ရာကိစ္စတိကလည်းတော်ရုံတန်ရုံနန့် မရနိုင်ပါ။ မြန်မာပြည်အတွက် လောလောဆယ်မှာ မလိုအပ်သိမ့်လို့ထင်ပါရေ။ လျှပ်စစ်အတွက် မြစ်တိကို အယင်အသုံးချတတ်ဖို့လိုပါရေ။” လို့ မစ္စတာလီကွမ်းဟွာကဆိုပါရေ။

                            လေးဝတီ (ရန်ကုန်)