သန်းခေါင်စာရင်းတွင် ရိုဟင်ဂျာ အမည်ထည့်သွင်း ကောက်ခံမည်ကို ကျောက်ဖြူတွင် ဆန္ဒပြကန့်ကွက်

( ၁၆ မတ်လခ ၂၀၁၄) / မင်းဆက်ခိုင်နှင့် ခိုင်မျိုးနိုင် (ကျောက်ဖြူ) ယခုလ ၃၀ရက်နေ့တွင် စတင်ကောက်ယူမည့် မြန်မာပြည်လုံးကျွတ် သန်းခေါင်စာရင်း ကောက်ယူရာတွင် ဘင်္ဂါလီအစား ရိုဟင်ဂျာဟု ထည့်သွင်းကောက်ခံမည်ကို ရခိုင်ပြည်နယ် ကျောက်ဖြူဒေသခံ ၅၀၀ ခန့်က ယနေ့တွင် ဆန္ဒပြ ကန့်ကွက်ခဲ့ကြသည်။
“ သန်းခေါင်စာရင်းကောက်တဲ့အခါမှာ ရိုဟင်ဂျာလို့ ဒီနိုင်ငံမှာ မရှိတဲ့ လူမျိုးတမျိုးကို ထည့်သွင်း ကောက်ယူမှာကို ကျနော်တို့က မလိုလားတဲ့အတွက် ကန့်ကွက် ဆန္ဒပြတာ ဖြစ်ပါတယ်။ ပြီးတော့ ရခိုင်လူထုအနေနဲ့လည်း အရင်ကလည်း မရှိခဲ့တဲ့ ဒီ ရိုဟင်ဂျာဆိုတဲ့လူမျိုးတမျိုး ပေါ်လာမှာကို စိုးရိမ်ကြတယ်။” ဟု ဆန္ဒပြပွဲတွင် ပါဝင်လှုပ်ရှားသူ ကျောက်ဖြူလူမှုကွန်ရက်အဖွဲ့မှ ဦးထွန်းလွင်က နိရဉ္စရာသို့ ပြောသည်။
ဆန္ဒပြပွဲတွင် တောင်းဆိုချက်များနှင့် ပတ်သက်၍လည်း ဦးထွန်းလွင်က“ တောင်းဆိုတာတွေကတော့ ၁၉၈၂ ဥပဒေအရ တရားမဝင် ဘင်္ဂါလီတွေကို ဖော်ထုတ်ဖို့ ကိစ္စ၊ သန်းခေါင်စာရင်းကောက်ခံတဲ့အခါ ဘင်္ဂါလီတွေကို အခြားနေရာမှာ ရိုဟင်ဂျာဆိုပြီးတော့ ထည့်သွင်း မကောက်ခံဖို့၊ ပြီးတော့ သန်းခေါင်စာရင်း ကောက်ခံတဲ့အခါ ဘင်္ဂါလီစာရင်းကောက် အယောက် ၁၄၀ ကျော်ပါဝင်မယ်လို့ သိရတယ်။ ဒါကို ကန့်ကွက် တယ်။ အဓိက အချက်တွေကတော့ ဒါပါပဲ” ဟု သူက ဆက်ပြောသည်။
ယခုလ ၁၄ရက်နေ့က ကျောက်ဖြူမြို့သို့ ဝန်ကြီးဦးခင်ရီ ရောက်ရှိလာပြီး ဒေသခံများ၊ လူထုအခြေပြု အဖွဲ့အစည်းများဖြင့် တွေ့ဆုံခဲ့သည်ဟု သိရသည်။
၎င်းတွေ့ဆုံပွဲတွင် ရခိုင်ဒေသခံများက သန်းခေါင်စာရင်းတွင် ရိုဟင်ဂျာဟု ထည့်သွင်း ကောက်ခံမည်ကို ရခိုင်လူထုအနေဖြင့် လက်မခံနိုင်ကြောင်း ပြောဆိုကြရာတွင် ဝန်းကြီး ဦးခင်ရီက မထည့်ပါနဲ့လို့ ပြောလို့လည်း ရမည်မဟုတ်ကြောင်း ပြောဆိုခဲ့သည်ဟု ကျောက်ဖြူ ဒေသခံတဦးက ပြောသည်။
အဆိုပါ ဆန္ဒပြပွဲကို ယနေ့ နံနက် ၉နာရီခန့်မှ စတင်ပြီး ၁၀နာရီအထိ ရခိုင်ပြည်နယ် ကျောက်ဖြူဒေသခံ ၅၀၀ ခန့်က ပိုစတာများ ကိုင်ဆောင်ပြီး မြို့ကိုလှည့်လည်ကာ ပြုလုပ်ခဲ့ ကြခြင်းဖြစ်သည်။
အလားတူ ဆန္ဒပြပွဲတခုကိုလည်း ယနေ့တွင် စစ်တွေမြို့နှင့် ပုဏ္ဍားကျွန်းမြို့တို့တွင်လည်း ပြုလုပ်နေသည်ဟု သတင်း ရရှိသည်။            နိရဉ္စရာ-

လူသတ်မူ သံသယဖြင့် ဒုချီးရားတန်းရွာမှ ဘင်္ဂလီ ၈ ဦးကို တရားစွဲ

(၁၅ မတ်လ ၂၀၁၄) / တင့်ဆွေမောင်
ဖမ်းဆီးထိန်းခံထားရသည့် ဘင်္ဂလီ လူမျိုး ၁၆ ဦး အထဲမှ ၈ ဦးမှာ တပ်ကြပ်ကြီး အောင်ကျော်သိန်းအား သတ်ဖြတ်ရာတွင် ကိုိယ်တိုင်ကိုယ်ကျ ပါဝင်သူများဟု ရဲတပ်ဖွဲ့ က သံသယ ရှိသဖြင့် ယခုလ ၁၁ ရက်နေ့က ရုံးတင် တရားစွဲဆိုလိုက်သည်ဟု သိရသည်။
“ ဒုချီးရားတန်း ဖြစ်စဉ်နဲ့ ဆက်စပ် ဖမ်းဆီးထားတာက ၁၆ ဦးပါ။ ဒီအထဲက ၈ ဦးက တပ်ကြပ် အောင်ကျော်သိန်းကို သတ်ဖြတ်ရာမှာ ပါဝင်နိုင်သူတွေလို့ သံသယရှိတဲ့ အတွက် ဒီလ ၁၁ ရက်နေ့မှာ ရုံးတင် တရား စွဲဆိုခဲ့ပါတယ်” ဟု ရဲတပ်ဖွဲ့နှင့် နီးစပ်သူ မောင်တော ဒေသခံ တစ်ဦးက ပြောသည်။
၎င်းတို့ (၈) ဦးမှာ ဒုချီးရားတန်တောင်ရွာမှ ရှောင်ရှင်ရှူးအာလောင် (ဘ) ဘော်ဒီ အာလောင်၊ ဒုချီးရာတန်း အလယ်ရွာမှ ဇာဟိတာလောင် (ဘ) အာလီမာမတ်၊ ဒုချီးရားတန်းတောင်ရွာမှ  ရှောင်ရှူးအာလောင်(ဘ) ဒွီလာ၊ ဒုချီးရားတန်းအလယ်ရွာမှ မူစတာကာမာ (ဘ)ဘာလီဟူဆိန်း၊ ဒုချီးရားတန်အလယ်ရွာမှ ရို့မာလီ(ဘ) ဟာလူ၊ ဒုချီးရားတန်းမြောက်ရွာမှ မာမက်ရော်ဖီ(ဘ) ဇာမာလူဒိန်၊ ဒုချီးရားတန်းအလယ်ရွာမှ  ဟာမက်အူဒိန်(ဘ) နေဇာအူဒိန်၊ ဒူးချီးရားတန်းအလယ်ရွာမှ  ခေါ်ဘီမူလာ(ဘ) နေဇာအူဒိန် တို့ ဖြစ်ကြသည်။
“ သူတို့ပါဝင်တယ်ဆိုတာကို ဘယ်လို သိသလဲဆိုရင် မျက်မြင် သက်သေတွေနဲ့ စစ်ဆေးချက်တွေ အရ သိရတာ ဖြစ်တယ်။ အခု တရားစွဲပြီးဆိုတော့ သူတို့ကို ရုံးတင်တဲ့အခါ ပိုမို ပြည့်ပြည့်စုံစုံ သိရမှာ ဖြစ်ပါတယ်” ဟု သူက ဆိုသည်။
ယခုနှစ် ဇန်န၀ါရီလ ၁၃ ရက်နေ့က ရဲတပ်ကြပ်ကြီးအောင်ကျော်သိန်းဦးဆောင်သော ကင်းလှည့်တပ်ဖွဲ့တစ်ခုသည် ဒုချီရားတန်း အလယ်ရွာ အရောက်တွင် ဘင်္ဂလီကျေးရွာသားများ၏ ၀ိုင်းဝန်း တိုက်ခိုက်ခြင်းကို ခံခဲ့ရပြီး တပ်ကြပ်ကြီး အောင်ကျော်သိန်းမှာ ယင်းအချိန်မှ စပြီး ပျောက်ဆုံးနေခဲ့သည်။
ရဲတပ်ကြပ်ကြီး အောင်ကျော်သိန်း၏ သွေးစွန်းနေသော ယူနီဖောင်းနှင့် အဝတ်အစားများကို ၎င်းကျေးရွာမှ ပြန်လည် တွေ့ရှိခဲ့သော်လည်း လက်နက်နှင့် အတူ ဦးအောင်ကျော်သိန်းမှာ ယနေ့ထိ ပျောက်ဆုံးနေသဖြင့် သက်ဆိုင်ရာ အာဏာပိုင်များက တပ်ကြပ်ကြီး အောင်ကျော်သိန်းမှာ သေဆုံးသွားပြီဟု ခန့်မှန်းထားကြသည်။     နိရဉ္စရာ-

မတ်လ ၁၆ ရက် စစ်တွေ ဆန္ဒပြပွဲ ပြည်နယ်ရဲမှူးကြီးခွင့်ပြု

(၁၅ မတ်လ ၂၀၁၄)

စစ်တွေ လူထုသည် ယခုလို အမြဲညီညွှတ်သည်။

ရခိုင်ပြည်နယ် စစ်တွေမြို့တွင် မတ်လ ၁၆ ရက်နေ့တွင် ပြုလုပ်မည့် ဆန္ဒပြပွဲကို ပြည်နယ် ရဲတပ်ဖွဲ့မှူးက ခွင့်ပြုလိုက်ပြီ ဖြစ်ကြောင်း သတင်း ရရှိသည်။
သို့အတွက် ဆန္ဒပြပွဲကို မတ်လ ၁၆ ရက်နေ့ နေ့လယ် တစ်နာရီမှ ၃ နာရီထိ ပြုလုပ်သွားမည် ဖြစ်ကြောင်း သိရသည်။
မတ်လ ၁၂ ရက်နေ့က စစ်တွေမြို့နယ် ရဲတပ်ဖွဲ့မှူးရုံးမှ ဆယ်တန်း စာမေးပွဲကို အကြောင်းပြပြီး ဆန္ဒပြခွင့်ကို ပယ်ချလိုက်ပြီးနောက် ပြည်နယ် ရဲတပ်ဖွဲ့မှူးထံ အယူခံတင်သွင်းရာ ၎င်းက ခွင့်ပြုချက်ပေးလိုက်ခြင်း ဖြစ်သည်။
၎င်းအယူခံလွှာအား ဒေါ်ကျော့စိန် (ဘ) ဦးစံထွန်းကျော်မှ ပြည်နယ်ရဲမှူးကြီးထံ တင်ပြ တောင်းခံခဲ့သည်ဟု သိရသည်။
၎င်းဆန္ဒပြပွဲတွင် လာမည့် သန်းခေါင်စာရင်းကောက်ယူရာတွင် ရခိုင်ပြည်နယ်ရှိ ဘင်္ဂလီလူမျိုးများအား အမည်မှန်ကို ရေးသွင်းရန်နှင့် နာမည်လိမ် ရိုဟင်ဂျာအမည်အား ရေးသွင်းခွင့် မပြုရန် တောင်းဆိုဆန္ဒပြသွားမည်ဟု စစ်တွေ ဒေသခံ ဦးလှမောင်က ပြောသည်။ နိရဉ္စရာ-

ဆရာတော် ဦးဝီရသူ တရားပွဲ စစ်တွေတွင် လူပေါင်း ထောင်ချီတက်ရောက်နာယူ

( ၁၄ မတ်လ ၂၀၁၄)

ဆရာတော် ဦးဝီရသူ တရားတော်ကို နာယူနေသော စစ်တွေ ပရိသတ် ( ဓါတ်ပုံ- Share Arakan News)

ရခိုင်ပြည်နယ် စစ်တွေမြို့တွင် ပြုလုပ်သော မန္တလေးမြို့၊ မဟာအောင်မြေမြို့နယ်၊ မစိုးရိမ်တိုက်သစ်၊ ဓမ္မသဟာယကျောင်း နာယက ဆရာတော် အရှင် ဦးဝီရသူ၏ တရားပွဲတော်သို့ လူပေါင်းထောင်နှင့်ချီပြီး တက်ရောက် နာယူခဲ့ကြသည်ဟု သတင်း ရရှိသည်။
ဆရာတော် ဦးဝီရသူ တရားပွဲအား မတ်လ ၁၁ ရက်နှင့် ၁၂ ရက်နေ့များတွင်  ညနေ ၅ နာရီခွဲမှ ၁၀ နာရီထိ (၂) ကြိမ်တိတိ စစ်တွေမြို့  အတုလမာရဇိန် ပြည်လုံးချမ်းသာ ဘုရားကြီးတွင် ပြုလုပ်ရာ တရားနာသူ များပြား လွန်းသဖြင့် ဘုရားရင်ပြင်တွင် မဆန့်၍  ၀င်္ကာဘာကွင်း အပြင်ဘက် ကွင်းပြင်တွင် ပရိုဂျက်တာဖြင့်  ပိတ်ကားထောင်ပြီး နာယူခဲ့ကြသည်ဟု စစ်တွေ ဒေသခံ ဦးလှမောင်က ပြောသည်။
“ ကျွန်တော်အထင်တော့ လူပေါင်း သောင်းနီးပါး ရောက်မယ်ထင်ပါတယ်။ ဘုရားကြီးရင်ပြင်မှာ ပရိသတ်အပြည့် အပြင် ၀င်္ကာဘာကွင်း ပိတောက်ပင်ကနေ လွတ်လပ်ရေးကျောက်တိုင်ထိ၊ နောက်တစ်ခါ ဘုရားကြီးနဲ့ ကျားရုပ်ကျောင်းကြား လမ်းမကြီး အပြည့် ပရိသတ်ကို ပရိုဂျက်တာနဲ့ ပြတယ်ဆိုတော့ ကျနော်က မခန့်မှန်းတတ်ဘူး။ လူတွေက အများကြီးပါ” ဟု သူက ပြောသည်။
ယခုကဲ့သို့ ဆရာတော် ဦးဝီရသူ တရားပွဲကို စစ်တွေ လူထု ထောင်နှင့်ချီပြီး တက်ရောက်နာယူကြခြင်းမှာ ဆရာတော်၏ ရပ်တည်ချက်နှင့် အမျိုးသားရေး ဆောင်ရွက်ချက် မှန်ကန်၍ ဖြစ်ကြောင်း သူက ဆက်လက် ပြောကြားသည်။
“ ဆရာတော် ဦးဝီရသူရဲ့ အမျိုးသားရေး ဆောင်ရွက်တာဟာ မှန်ကန်လို့၊ ပီးရင်းဆရာတော်ရဲ့ အမျိုးဘာသာ သာသနာတရားတော်ကို ကျနော်တို့က သဘောကျလို့၊ နှစ်သက်လို့၊ ကြိုက်လို့၊ ထောက်ခံလို့ တရားပွဲကို သွားကြတာ ဖြစ်ပါတယ်” ဟု ဆိုသည်။
ဆရာတော် ဦ၀ီရသူ၏ တရားပွဲတွင် စစ်တွေ လူထု ကြိုက်လောက်အောင် ဘာအကြောင်းအရာများ ထူးထူးခြား ပါဝင် ပါသလဲဟု မေးမြန်းရာ ဦးလှမောင်က ယခုလို ဆက်လက် ပြောဆိုသည်။

“ ကျနော်တို့က ရခိုင်လူထု ကျေနပ်အောင်ဆိုတာထက် ဆရာတော်ရဲ့ တရားတော်ဟာ လက်ရှိ မြန်မာနိုင်ငံသားတွေရဲ့ အမျိုးဘာသာ သာနာအကျိုး၊ အနာဂတ် မြန်မာနိုင်ငံရဲ့ အကျိုး၊ လက်ရှိ ဆောင်ရန်၊ ရှောင်ရန် စတဲ့ အချက်တွေ အပါအ၀င် နိုင်ငံသားတွေရဲ့ လိုအပ်ချက်နဲ့ကိုက်ညီနေတဲ့ တရားတော် ဖြစ်တဲ့ အတွက် ဆရာတော် ဦးဝီရသူ ဟောကြားတဲ့ တရားဟာ အထူး တန်ဖိုးရှိလှပါတယ်” ဟု သူကဆိုသည်။
ရခိုင်ပြည်နယ်သည် လက်ရှိ အချိန်တွင် အထိအချ မခံနိုင်သော အခြေအနေတွင် ရှိနေသဖြင့် ဆရာတော် ဦးဝီရသူ ရခိုင်ပြည်နယ်တွင် တရားဟောပြောခြင်းဖြင့် ပဋိပက္ခကို ပိုမိုကြီးထွားအောင် လုပ်ရာ ရောက်နိုင်ကြောင်း သုံးသပ်ဝေဖန်မူများလည်း ထွက်ပေါ်နေသည်။
သို့အတွက် ရခိုင်ပြည်နယ် အစိုးရ ပြန်ကြားရေး ဌာန အတွင်းရေးမှူး ဦးဝင်းမြိုင်ကို ဆက်သွယ်မေးမြန်းရာ သူက ယခုလို ပြောကြားသည်။
“ ဖြစ်နိုင်စရာ အကြောင်း မရှိပါဘူးခင်ဗျား။ ဆရာတော်က ဦးဝီရသူက သူဟာသူ တရားလာဟောတာဘဲ။ နှစ်ဘက်ရန်ဖြစ်အောင် လုပ်နေတာ မဟုတ်ပါဘူး။ ဗုဒ္ဓဘာသာ  တရားပွဲဘဲ။ ဘာသာရေး အရ လုပ်တဲ့ အတွက် ပြဿနာ ဖြစ်နိုင်စရာအကြောင်း မရှိပါဘူး။. အရင်ကလည်း ၉၆၉ ဟိုဆရာတော်ကြီးတွေ ဘူးသီးတောင်၊ မောင်တောထိတောင် လာဟော သွားတာဘဲ။ ဘာာမှ ပြဿနာ မရှိပါဘူး။ တရားတော်ကြောင့် ပိုပြီးတော့တောင် ပဋိပက္ခတွေ လျော့ကျသွားနိုင်တယ်။ တည်ငြိမ်သွားနိုင်တယ်လို့ မြင်ပါတယ်” ဟု သူက ဆိုသည်။
ဆရာတော် ဦးဝီရသူသည် မတ် ၁၃ ရက်နေ့ နေ့လယ် တစ်နာရီမှ ၃ နာရီ အချိန်ထိ ပုဏ္ဍားကျွန်းမြို့ လောကမာရဇိန် သိမ်တော်ကြီးတွင် တရားလာရောက် ဟောကြားခဲ့သည်ဟု ဒေသခံ တစ်ဦးဖြစ်သူ ဦးမောင်နှောင်းက ပြောသည်။
“ ဆရာတော် တရားကတော့ အမျိုးဘာသာ သာသနာ တည်တံ့ရေး အတွက် ဟောတာပါ။ ဆရာတော်က အရေးကြုံရင် ကိုယ့်လူမျိုးအချင်းချင်း ညီညွှတ်မူတွေ ရှိရမယ်။ တစ်မျိုးသားလုံး ညီညွှတ်မူတွေ ရှိရမယ်။ အဓိက အားဖြင့် ညီညွှတ်ရေးကို ဟောတာပါ။ ကျနော်တို့ကတော့ ခုလို ဟောကြားတဲ့ အတွက် ဆရာတော်ရဲ့ တရားကို ကြိုက်ပါတယ်” ဟု ဆိုသည်။
ဆရာတော် ဦးဝီရသူသည် ပုဏ္ဍားကျွန်းတွင် တရားဟောပြောပြီးနောက် ညနေပိုင်းတွင် ကျောက်တော်မြို့သို့ ဆက်လက် ထွက်ခွာသွားသည်ဟု သိရသည်။     နိရဉ္စရာ-

မောင်တောမြို့နယ်တွင် ကျေးရွာ အုပ်ချုပ်ရေး တာဝန်ခံ တစ်ဦး အသတ်ခံရ

(- ၁၄ မတ်လ ၂၀၁၄)
ရခိုင်ပြည်နယ် မောင်တောမြို့နယ်တွင် ကျေးရွာ အုပ်ချုပ်ရေး တာဝန်ခံ တစ်ဦး မတ်လ ၉ ရက်နေ့က အသတ်ခံခဲ့ရသည်ဟု အမည် မဖေါ်လိုသူ မောင်တော ဒေသခံတစ်ဦးက ပြောသည်။
အသတ်ခံရသူမှာ မောင်တောမြို့နယ် ဘဂုံးနား (အနောက်ရွာ) ကျေးရွာမှ အုပ်ချုပ်ရေး တာဝန်ခံ (မြေယာကော်မတီအဖွဲ့ ဝင်)  ဦးအဒူရော်ဟိန်းဖြစ်ကြောင်း သိရသည်။
သတ်ဖြတ်ပြီးနောက် တရားခံများသည် တစ်ဘက်နိုင်ငံ ဘင်္ဂလာဒေခ်ျ့သို့ ထွက်ပြေးတိမ်းရှောင်သွားကြောင်း သူက ဆိုသည်။
“ သူနေထိုင်တဲ့ရွာမှာ အသတ်ခံရတာပါ။ မတ်လ ၉ ရက်နေ့ ညဉ့်မှာ ၀င်သတ်သွားတာပါ။ မနက်လင်းမှ အာဏာပိုင်တွေက သိရတာပါ”ဟု သူက ဆိုသည်။
ယင်းလူသတ်မူနှင့် ပတ်သက်ပြီး ရဲစခန်းမှူး အမှုဖွင့်ထားကြောင်း၊ သတ်ဖြတ်သွားသူများကို ရှာဖွေ မတွေ့ရှိသေးဟု ဆိုသည်။
ယခင်ကလည်း အလာတူ မောင်တောမြို့နယ် ညောင်ချောင်းကျေးရွာ ဦးရာမောက်ဒူလာ(ခ) ဦးလှမောင် (ဘ)ဦးဖော့ရီရာမောက်သည်လည်း အသတ်ခံခဲ့ရသည်ဟု သိရသည်။
ယခု အသတ်ခံရသူများသည် မောင်တောမြို့နယ်တွင် သက်ဆိုင်ရာ အစိုးရ အာဏာပိုင်များနှင့် ပူးပေါင်းပြီး ဒေသအကျိုးအတွက် ဆောင်ရွက်နေသူများ ဖြစ်ကြောင်း သိရသည်။
(မှတ်ချက်- မောင်တောမြို့နယ်တွင် မူဆလင်ကျေးရွာများတွင် အုပ်ချုပ်ရေးမှူး မခန့်ဘဲ အုပ်ချုပ်ရေး တာဝန်ခံ ခန့်ထားသည်ဟု သိရသည်။)         နိရဉ္စရာ

သန်းခေါင်းစာရင်းနှင့် ပတ်သက်၍ ဆန္ဒပြခွင့် ကျောက်ဖြူတွင်ရရှိ၊ စစ်တွေတွင် ပယ်ချခံရ

(၁၄ မတ်လ ၂၀၁၄) လာမည့် သန်းခေါင်စာရင်းကောက်ယူရာတွင် ရခိုင်ပြည်နယ်ရှိ ဘင်္ဂလီလူမျိုးများအား အမည်မှန်ကို ရေးသွင်းရန်နှင့် နာမည်လိမ် ရိုဟင်ဂျာအမည်အား ရေးသွင်းခွင့် မပြုရန် တောင်းဆိုမည့် ဆန္ဒပြပွဲ တစ်ခုအား ရခိုင်ပြည်နယ် အနှံ့အပြားတွင် တပြိုင်တည်း တစ်နေ့တည်း ပြုလုပ်ရန် စီစဉ်နေရာ ထိုဆန္ဒပြပွဲအတွက် ကျောက်ဖြူမြို့တွင်ခွင့်ပြုချက်ရပြီး စစ်တွေတွင်မူ ပယ်ချခံခဲ့ရသည်ဟု သတင်း ရရှိသည်။
“ အမည်မှန် ဘင်္ဂလီကို ရေးသွင်းပြီး နာမည်တု ရိုဟင်ဂျာကို ရေးသွင်းခွင့် မပြုရန် တောင်းဆိုတဲ့ ဆန္ဒပြပွဲအတွက် ခွင့်ပြုချက်ကို ဒီလ ၁၁ ရက်နေ့က ကျောက်ဖြူ မြို့နယ် ရဲတပ်ဖွဲ့မှူးဆီကို တင်ပါတယ်။ ဒီလ ၁၃ ရက်နေ့မှာတော့ ခွင့်ပြုချက်ပေးလိုက်ပါတယ်” ဟု ကျောက်ဖြူ ဒေသခံ ဦးထွန်းနိုင်က ပြောသည်။
ကျောက်ဖြူတွင် ဆန္ဒပြရန် ခွင့်ပြုချက်ရသော်လည်း စစ်တွေတွင်မူ ပယ်ချခံခဲ့ရသည်ဟု စစ်တွေမြို့မှ လူမူရေး လူပ်ရှားနေသူ ဦးလှမောင်က ပြောသည်။
“ ကျနော်တို့က စစ်တွေမြို့နယ် ရဲတပ်ဖွဲ့မှူးဆီမှာ တင်ပါတယ်။ သူတို့က ပယ်ချလိုက်ပါတယ်။ ပယ်ချတဲ့ အကြောင်းအရင်းကတော့ ဆယ်တန်း စာမေးပွဲ ရှိနေတဲ့ အတွက် ခွင့်မပြုနိုင်ဘူးလို့ ပြောပါတယ်” ဟု သူက ဆိုသည်။
ယခုကဲ့သို့ မြို့နယ် အဆင့် ပယ်ချခံလိုက်ရသဖြင့် ယခုအခါ ခွင့်ပြုချက်ရရန် ပြည်နယ် အဆင့်ထိ ထပ်မံ တင်ထားကြောင်း သူက ပြောသည်။
“ ကျနော်တို့က အဲဒီညနေမှာဘဲ ထပ်ပြီး ပြည်နယ်ကို တင်ထားပါတယ်။ ပြည်နယ်ရဲ့ ဆုံးဖြတ်ချက်ကိုတော့ မသိရသေးပါဘူး။ မြို့သူမြို့သားတွေကတော့ ခွင့်ပြုချက် မရရင်လည်း ဆန္ဒပြသွားမယ်လို့ ပြောပါတယ်” ဟု ၎င်းက ဆက်ဆိုသည်။
လူဝင်ကြီးကြပ်ရေး ၀န်ကြီးဌာန ပြည်ထောင်စု ၀န်ကြီး ဦးခင်ရီမှ ဖေဖေါ်ဝါရီလ ၁၂ ရက်နေ့က ရန်ကုန်မြို့တွင်  ပြုလုပ်သော သတင်းစာ ရှင်းလင်းပွဲတွင် လာမည့် သန်းခေါင် စာရင်း ကောက်ယူရာတွင် တစ်စုံ တစ်ဦးက ရိုဟင်ဂျာအမည်ကို ထည့်သွင်းလာပါက ရေးမှတ်သွားမည် ဖြစ်ကြောင်း၊ ထိုသို့ ရေးမှတ်သော်လည်း နိုင်ငံသားဖြစ်သည်၊ မြန်မာတိုင်းရင်းသား ၁၃၅ မျိုးထဲတွင် ပါဝင်သည်ဟု သတ်မှတ်သွားမည် မဟုတ်ကြောင်း ပြောကြားသည်။
ယခုကဲ့သို့ အစိုးရမှ တရားဝင် ကောက်ခံသော သန်းခေါင်စာရင်းတွင် ရိုဟင်ဂျာဟု ရေးမှတ်ပါက တရားဝင်သဘောမျိုးသက်ရောက်သွားနိုင်ပြီး နောင်တွင် ပြဿနာများ ပေါ်ပေါက်လာနိုင်သည်ဟု ကျောက်ဖြူ ဒေသခံ ဦးသန္တာမောင်က နိရဉ္စရာသို့ ပြောဆိုသည်။
“ လူဝင်မူကြီးကြပ်ရေးဌာနက ထုတ်ထားတဲ့ သန်းခေါင်စာရင်း ဥပဒေ ပုဒ်မ ၁၆ (ခ)မှာ ဘယ်လိုပါသလဲ ဆိုတော့ တိုင်းရင်းသား  လူမျိုးစုတစ်ခု (သို့တည်းမဟုတ်) အမည် စာရင်းမပါတဲ့ လူမျိုး တစ်မျိုး ပတ်သက်လို့ မရှိတာကို မထည့်ရလို့ ပါဝင်ပါတယ်။ ဒါပေမယ့် အခု ဖြစ်နေတာက ရခိုင်ပြည်နယ်မှာ နေထိုင်တဲ့ ဘင်္ဂလီ တွေကို ရိုဟင်ဂျာ ဆိုပြီးတော့ ထည့်ဖို့ လုပ်နေတယ်လို့ သတင်းရရှိပါတယ်။ ဒီလို ထည့်ရင် ဒါကိုကိုင်ပြီး နောင်မှာ တိုင်းရင်းသား လူမျိုး တစ်မျိုးဖြစ်တယ်လို့ တောင်းဆိုလာရင် ပြသနာ ပေါ်လာနိုင်ပါတယ်” ဟု ၎င်းက ပြောသည်။
လာမည့် မတ်လ ၁၆ ရက်နေ့တွင် ရခိုင်ပြည်နယ်ရှိ မြို့နယ် (၁၇) မြို့နယ်စလုံးတွင် လူမျိုးမှန် (ဘင်္ဂလီ) နေရာတွင် လူမျိုးလိမ် (ရိုဟင်ဂျာ) နာမည်အား သန်းခေါင်စားရင်း ကောက်ယူသည့် အခါ ရေးသွင်းမည့် အစီအစဉ်ကို ကန့်ကွက် ဆန္ဒပြရန် စီစဉ်နေကြောင်း သိရသည်။
မြန်မာနိုင်ငံတွင် သန်းခေါင်စာရင်းကို မတ်လ ၃၀ ရက်နေ့မှ ဧပြီလ ၁၀ ရက်နေ့ အထိ ကောက်ခံသွားရန် စီစဉ်သည်။ ယခုသန်းခေါင်စာရင်း ကောက်ယူမူသည်  နှစ်ပေါင်း (၃၀) အတွင်း ပထမဆုံး အကြိမ်ဖြစ်ပြီး ယခင် သန်းခေါင်စာရင်းကို ၁၉၈၃ ခုနှစ်က ကောက်ခံခဲ့သည်။         နိရဉ္စရာ-

အမေရိကန်နိုင်ငံရေးသံအရာရှိ တောင်ကုတ်ဒေသခံများနှင့် တွေ့ဆုံ

(မတ်လ ၁၂ ရက် ၂၀၁၄) / တင့်ဆွေမောင်
ရန်ကုန် အမေရိကန်သံရုံးမှ နိုင်ငံရေး သံအရာရှိ Mr.Clint Fenning သည် မတ်လ ၁၁ ရက်နေ့က တောင်ကုတ် မြို့သို့ ရောက်ရှိလာပြီး ဒေသခံ ပြည်သူများနှင့် တွေ့ဆုံသွားခဲ့သည်ဟု တောင်ကုတ်မြို့ ရခိုင် လူမှုကွန်ယက် တာဝန်ခံ ကိုဇေယျာကျော်မှ ပြောသည်။
ယင်းနေ့ နံနက်ပိုင်းတွင် တောင်ကုတ်မြို့ရှိ RNDP ရုံးခန်းတွင် မြို့နယ်အဆင့် ခေါင်းဆောင်များနှင့် တွေ့ဆုံ ဆွေးနွေးခဲ့ပြီး  နေ့လယ်  ၁ နာရီ မှ ၃ နာရီထိ တောင်ကုတ်မြို့နယ်အုပ်ချုပ်ရေးမှူးရုံးတွင် မြို့နယ် အုပ်ချုပ်ရေးမှူး အပါဝင် ဌာနဆိုင်ရာ တာဝန်ရှိသူများ၊ တောင်ကုတ်မြို့မှာ နာမည်ကြီး စီးပွားရေးလုပ်ငန်းရှင် တစ်ဦးဖြစ်သူ ဦးကျောက်တောင် တို့နှင့် တွေ့ဆုံ ဆွေးနွေးသွားခဲ့သည်ဟု သူကဆိုသည်။
ညနေ ၄ နာရီတွင် ဓမ္မအဓိပဓိ စာကြည့်တိုက်တွင် တောင်ကုတ်မြို့မှ ရခိုင်လူမှုကွန်ယက် ၊ တောင်ကုတ် သွေးလှူရှင်များအသင်း ၊ နာရေးကူညီမှုအသင်း အပါအ၀င် မြို့မိ မြို့ဖ ပေါင်း ၅၀ ကျော်တို့နှင့် တွေ့ဆုံကာ ဒေသတွင်း အခြေအနေများကို အလေးထားဆွေးနွေးခဲ့သည်။
ထိုသို့ ဆွေးနွေးစဉ် တောင်ကုတ်ဒေသခံများက မေးခွန်းများလည်း မေးမြန်းခဲ့ကြသည်ဟု RNDP မှ ဦးစောဝင်းက ပြောကြားသည်။
“ အဓိက သူ့ကို ဘယ်မေးခွန်းတွေ မေးကြသလဲဆိုရင် ရခိ်ုင်ကိစ္စမှာ မပါမပြီးတဲ့ ဘင်္ဂလီ ကိစ္စပါ။ အမေရိကန် သမ္မတ မစ္စတာ အိုဘားမား မြန်မာပြည်ကို လာရောက်စဉ်မှာ  မြန်မာအစိုးရ ကိုယ်တိုင် လက်မခံတဲ့  ရိုဟင်ဂျာ အသုံးအနှုန်းကို သုံးသွားတယ်။ ဒီအသုံးအနှုန်းတွေကြောင့် ရခိုင်ပြည်မှာ ပြဿနာတွေ ကြီးထွားမှန်းမသိ ကြီးထွားနေတယ်။ ဒီစကားလုံးကြောင့် ပဋိပက္ခတွေ ကြီးထွားလာရတယ်။ ဘာလို့ ကမ္ဘာခေါင်းဆောင် တစ်ဦးက ဒီလို အငြင်းပွားနေတဲ့ စကားလုံးကို သုံးရတာလဲလို့ မေးကြပါတယ်။”
၎င်းအသုံးအနုန်းမှာ အများက အသုံးပြုနေသော စကားလုံးဖြစ်သဖြင့် သုံးနုန်းရခြင်း ဖြစ်ကြောင်း ပြောကြားသွားသည်ဟု သူက ဆက်ပြောသည်။
“ ဒီစကားလုံးကို သုံးနုန်းရတာက အများသုံးနေတဲ့ အတွက် သုံးနုန်းရတာ ဖြစ်တယ်။ နောက်ဆို ဒီအသုံးအနှုန်းကို ရှောင်ပါမယ်လို့ ကတိပေးသွားပါတယ် “ ဟု သူက ဆက်ပြောဆိုသည်။
အမေရိကန် နိုင်ငံရေး သံအရာရှိနှင့် မြို့နယ်အုပ်ချုပ်ရေးမှူး အပါဝင် ဌာနဆိုင်ရာ တာဝန်ရှိသူများ၊ စီးပွားရေးလုပ်ငန်းရှင် ဦးကျောက်တောင်တို့နှင့် တွေ့ဆုံ ဆွေးနွေးပွဲမှာ တံခါးပိတ် ဆွေးနွေးပွဲ ဖြစ်သဖြင့် မည်သည့်ကိစ္စကို ဆွေးနွေးခဲ့ကြသည်ကို မသိရှိရကြောင်း ဦးဇေယျာကျော်မှ ပြောကြားသွားသည်။
အမေရိကန် နိုင်ငံရေး သံအရာရှိ Mr.Clint Fenning ကလည်း အဖွဲ့အစည်းတွေမှာ ရန်ပုံငွေများ ရှာဖွေပုံ နှင့် ငွေကြေးအသုံးပြုပုံများကိုလည်း မေးမြန်းသွားခဲ့သည်ဟုသိရှိရသည်။   နိရဉ္စရာ

ပုဏ္ဍားကျွန်းတွင် အိမ်တစ်လုံး မီးလောင်

(၁၃ မတ်လ ၂၀၁၄) ရခိုင်ပြည်နယ် ပုဏ္ဍားကျွန်းမြို့တွင် ယနေ့ နေ့လယ် ၃ နာရီက မီးလောင်မူ ဖြစ်ပွားရာ အိမ်တစ်ဆောင် မီးထဲပါသွားကြောင်း သတင်း ရရှိသည်။
“ မီးလောင်တာက ပုဏ္ဍားကျွန်း စံပြရပ်ကွက်မှာ ဖြစ်ပါတယ်။ လူတွေက ၀ိုင်းပြီး အနီးအနားမှာရှိတဲ့ ကင်းချောင်း ရေနဲ့ ၀ိုင်းငြိ်မ်းသတ်တဲ့ အတွက် တစ်အိမ်ဘဲ ပါသွားပါတယ်။” ဟု ဒေသခံ ကိုမျိုးနိုင်က ပြောသည်။
မီးလောင်သွားသော အိမ်မှာ ပုဏ္ဍားကျွန်းမြို့ စံပြရပ်ကွက်မှ  ဦးကျော်ချေနှင့် ဒေါ်ချိုချို ပိုင်အိမ်ဖြစ်ကြောင်း သိရသည်။
“ မိဘတွေက အပြင်မှာ အလုပ်သွားလုပ်နေချိန်မှာ ကလေး ၄ ဦးကျန်နေခဲ့တယ်။ အဲဒီကလေးတွေက မီးနဲ့ ချော့ကစားရာကနေ စလောင်တာ ဖြစ်တယ်လို့ သိရပါတယ်။ အနီးအနားက လူတွေ ၀ိုင်းဝန်းငြိမ်းသတ်တော့ နောက်မီးငြိမ်းသွားပါတယ်” ဟု ဆက်ဆိုသည်။
အနီးအနားမှ လူများ ကယ်တင်မူကြောင့် ကလေး (၄) ဦးစလုံးမှာ ထိခိုက်မူ တစ်စုံတစ်ရာ မရှိကြောင်း သိရသည်။    နိရဉ္စရာ-

ဒုချီးရားတန်း စွပ်စွဲချက် တိကျသေချာသောသက်သေအထောက်အထား မတွေ့ရှိရဟု စုံစမ်းစစ်ဆေးရေးကော်မရှင် ရှင်းလင်း

(  ၁၂ မတ်လ ၂၀၁၄) / မင်းဆက်ခိုင်

ဒုချီးရားတန်း စုံစမ်းစစ်ဆေးရေးကော်မရှင်၏ သတင်းစာရှင်းလင်းပွဲကို မတ် ၁၁ ရက်က ပြုလုပ်စဉ် (ဓါတ်ပုံ- Eleven)

ရခိုင်ပြည်နယ် မောင်တောမြို့နယ် ဒုချီးယားတန်းကျေးရွာ (အလယ်ရွာ)တွင် ၂၀၁၄ ဇန်နဝါရီလ ၁၃ရက်နေ့တွင်  ရဲတပ်ကြပ်ကြီး အောင်ကျော်သိန်း အသတ်ခံရမှုနှင့် စပ်လျဉ်း၍ အင်တာနက် သတင်း စာမျက်များတွင် ဖော်ပြခဲ့သည့် ဘင်္ဂလီများ အသတ်ခံခဲ့ရခြင်း စွပ်စွဲချက်မှာ တိကျသေချာသော သက်သေ အထောက်အထား မတွေ့ရှိရဟု စုံစမ်းစစ်ဆေးရေးကော်မရှင် (ဒုချီးယားတန်း)မှ မတ်လ ၁၁ရက်နေ့တွင် သတင်းထုတ်ပြန်သည်။
စုံစမ်းစစ်ဆေးရေးကော်မရှင်မှ ဒုချီးယားတန်းဖြစ်စဉ်နှင့် ပတ်သက်ပြီး ကွင်းဆင်းလေ့လာမှုများ ပြုလုပ်ခဲ့အပြီး သတင်းစာရှင်းလင်းပွဲတရပ်ကို ရန်ကုန်မြို့ရှိ မြန်မာ ငြိမ်းချမ်းရေးစင်တာတွင် မတ်လ ၁၁ရက်နေ့က ပြုလုပ်ခဲ့သည်။
စုံစမ်းစစ်ဆေးရေး ကော်မရှင် (ဒုချီးယားတန်း)မှ အဆိုပါ ကိစ္စနှင့် ပတ်သက်၍ စာမျက်နှာ ၁၁၀ ပါဝင်သည့် အစီရင်ခံစာကိုလည်း မနေ့က ထုတ်ပြန်ခဲ့သည်။
၎င်းအစီရင်ခံစာထဲတွင် ဘင်္ဂါလီများ အသတ်ခံရခြင်းနှင့်ပတ်သက်ပြီး ဘင်္ဂါလီရွာသား ၁၁၂ ဦးကို မေးမြန်းရာ သေဆုံးမှုများ ရှိသည်ဟု ဖြေဆိုသူ (၆၆.၇) ရာခိုင်နှုန်းသည် သတင်းအချက် အလက်များကို တဆင့်ခံကြား သိရခြင်းများသာဖြစ်ပြီး မည်သည့်ဖြစ်စဉ် အကြောင်းအရာကိုမျှ တိကျ သေချာစွာ သိရှိခြင်း မရှိကြပါ ဟု ဖော်ပြထားသည်။
အလားတူ ၁၆/၁/၂၀၁၄ ရက်နေ့တွင် အမေရိကန် နိုင်ငံတွင် နေထိုင်သော Robert Elhose ၏ Facebook စာမျက်နှာတွင် ဒုချီးရားတန်း ဖြစ်စဉ်အတွင်း သေဆုံးသူ (၂၀)ဦး၏ စာရင်းအား အမည်၊ အဘအမည်နှင့် အသက်များကို ဖော်ပြထားခဲ့သော်လည်း ဒုချီးယားတန်းရွာရှိ အိမ်ထောင်စု မှတ်တမ်းစာရင်းများဖြင့် တိုက်ဆိုင် စစ်ဆေးသည့်အခါ အင်တာနက် စာမျက်နှာ တွင် ဖော်ပြထားသော စာရင်းများသည်ကျေးရွာမှတ်တမ်းတွင် မှတ်ပုံတင်ထားခြင်း မရှိသကဲ့ သို့ ထိုကျေးရွာတွင် နေထိုင်သူများ မဟုတ်ကြောင်းကို တွေ့ရှိရသည်။
ဒုချီးယားတန်းရွာမှ ဘင်္ဂါလီအမျိုးသမီး ဒေါ်အာရေးရှား ဆိုသူက ၎င်း၏ခင်ပွန်းဖြစ်သူ မာမွတ်ရော်ဖီးအား ရဲတပ်ဖွဲ့ဝင်များက သတ်ဖြတ်ပြီး တရွတ်တိုက်ဆွဲယူသွားခဲ့သည်ကို ၎င်းကိုယ်တိုင် မြင်တွေ့ခဲ့ရကြောင်း ပြောဆိုခဲ့သော်လည်း တာဝန်ရှိသူများမှ ရှာဖွေရာတွင် အဆိုပါ ခင်ပွန်းဖြစ်သူဆိုသူမှာ သံသယရှိသ တစ်ဦးဖြစ်ပြီး မောင်တောရဲစခန်းတွင် ထိန်းသိမ်း ခံထားရသူဖြစ်ကြောင်း တွေ့ရခဲ့သည်ဟု ပါရှိသည်။
လူ့အခွင့်အရေး ကော်မရှင်၏ ခရီးစဉ်အတွင်း ဒုချီးယားတန်းဖြစ်စဉ်တွင် သေဆုံးသူ (၅၂) ဦး၏ အမည်စာရင်းများအား ပေးအပ်ခဲ့သည်ဟု RB News တွင် ဖော်ပြထားသည်ကို တိုက်ဆိုင် စစ်ဆေးရာ သေဆုံးသူအမည်များအနက် (၅)ဦး၏ အမည်ကိုသာ ရှာဖွေတွေ့ရှိခဲ့ပြီး (၄၇)ဦး၏ အမည်များကိုမူ မှတ်တမ်း စာရင်းများတွင် မတွေ့ရှိခဲ့ရပါဟု ဖော်ပြထားသည်။
အဆိုပါ သတင်းထုတ်ပြန်ချက် အပိုဒ်နံပါတ် (၅)တွင်လည်း “မူဆလင် အင်တာနက် သတင်းစာမျက်နှာ RB News တွင် ဖော်ပြထားသည့် သေဆုံးသူများနှင့် သေဆုံးသူစာရင်းကိစ္စနှင့် ပတ်သက်၍ တိကျသေချာသော သက်သေမတွေ့ရှိခဲ့ပါ။ ဒေသခံ တဦးမှ မိမိ၏ မိသားစုဝင်တစ်ဦး သေဆုံးခဲ့သည်ဟု ပြောဆိုခဲ့သော်လည်း ထိုသေဆုံးသည်ဟု ပြောခြင်းခံရသူမှာ မောင်တောရဲစခန်းတွင် ထိန်းသိမ်းခံထားရခြင်းဖြစ်ပြီး သေဆုံးခြင်း မဟုတ်ပါ” ဟု ဖော်ပြထားသည်။
၎င်းအစီရင်ခံစာ စာမျက်နှာ ၃၄ အခန်း ၇ လုံခြုံရေးတပ်ဖွဲ့ဝင်များ၏ ဖမ်းဆီး၊ နှိပ်စက် လုယက်မှုများဆိုသည့် အခန်းတွင် ဒေသခံ ဘင်္ဂါလီ ၁၂၂ ဦးကိုမေးမြန်းရာတွင် ဖြေဆိုသူ ၈၅ ရာခိုင်နှုန်းက ဇန်န၀ါရီ ၁၃ ဒုချီးယားတန်း ကျေးရွာ ဖြစ်စဉ်တွင် လုံခြုံရေးတပ်ဖွဲ့များအနေဖြင့် ဖမ်းဆီးနှိပ်စက်မှုများရှိကြောင်း ပြောဆိုကြပြီး ကျန် (၁၅) ရာခိုင်နှုန်းသည် အထက်ပါ ကိစ္စကို လုံးဝမသိရှိကြောင်း ပြောဆိုကြပါသည်။
သို့သော်လည်း လုံခြုံရေးတပ်ဖွဲ့များမှ ဖမ်းဆီးနှိပ်စက်၊ လုယက်မှုများ ကျူးလွန်ခဲ့သည်ဟု စွပ်စွဲပြောဆိုထားသော ဖြေဆိုသူများ၏ (၆၉.၅) ရာခိုင်နှုန်းသည် ကျူးလွန်သည်ဟုသာ စွပ်စွဲ ပြောဆိုပြီး မည်သို့ မည်ပုံ ကျူးလွန်ကြောင်းကို အခိုင်အမာ ပြောဆိုနိုင်ခြင်းမရှိပါဟု အစီရင်ခံစာတွင် ဖော်ပြထားသည်။
စုံစမ်းစစ်ဆေးရေးကော်မရှင်အနေဖြင့် အခင်းဖြစ်ပေါ်ရာနယ်မြေများသို့ တိုက်ရိုက်လေ့လာ စစ်ဆေးမှုများကို ဖေဖော်ဝါရီလ ၁၅ရက်နေ့မှ ၂၁ရက်နေ့အထိ ပြုလုပ်ခဲ့ပြီး စုစုပေါင်း (၁၇၅) ဦးကို စုံစမ်းမေးမြန်းမှုများ ပြုလုပ်ခဲ့ကြောင်း သတင်းထုတ်ပြန်ချက်တွင် ဖော်ပြထားသည်။
ဒုချီးရားတန်း စုံစမ်းရေးကော်မရှင်၏ ထုတ်ပြန်ချက်တွင် ရခိုင်ပြည်နယ် အတွင်း ဖြစ်ပွားနေသော ပဋိပက္ခ ပြဿနာအား ပြေလည်အောင် ဖြေရှင်းရန် အတွက် အစိုးရအနေဖြင့် ၁၉၈၂ ခုနှစ် နိုင်ငံသားဖြစ်မှု ဥပဒေကို အမြန်ဆုံး အကောင်အထည်ဖော်ရန်နှင့် ရခိုင်ဒေသရှိ အစိုးရ ၀န်ထမ်းများကို အရည်အချင်း မြှင့်တင်ပေးခြင်းများ ပြုလုပ်ရန် အကြံပြုထားသည်။
၎င်း ဒုချီးယားတန်း ဖြစ်စဉ်နှင့် ပတ်သက်ပြီး အီးယူကိုယ်စားလှယ်အဖွဲ့မှလည်း ဇန်နဝါရီလ ၃၀ရက်နေ့တွင် ဒူးချီးယားတန်းအပါအဝင် မောင်တောမြို့သို့ လာရောက် လေ့လာခဲ့သည်။
စုံစမ်းစစ်ဆေးရေးကော်မရှင် (ဒူးချီးယားတန်း)၏ အစီရင်စာ (???)
ဒုချီးရားတန်းကျေးရွာ ဖြစ်စဉ်နှင့် ပတ်သက်၍ အမျိုးသား လူ့အခွင့်အရေးကော်မရှင်၏ ရှင်းလင်းချက် (Link: http://www.narinjara.com/burmese/?p=9374 )
မောင်တော ဒုချီးယားတန်း အကြမ်းဖက်မူ ဖြစ်စဉ် အစိုးရမှ အသေးစိတ်ရှင်းလင်း (Link: http://www.narinjara.com/burmese/?p=9088 )                   နိရဉ္စရာ-

သန်းခေါင်စာရင်းတွင် ဘင်္ဂလီအစား အခြားနာမည်ရေးသွင်းမည့် အစီအစဉ်ကို ကျောက်ဖြူတွင် ကန့်ကွက် ဆန္ဒပြမည်

(၁၂ မတ်လ ၂၀၁၄)/ မျိုးချစ်နိုင် (ကျောက်ဖြူ) လာမည့် မတ်လ ၁၆ ရက်နေ့၌ သန်းခေါင်စာရင်းကောက်ယူရာတွင် ဘင်္ဂလီအစား အခြား နာမည်ရေးသွင်းခြင်းကို ရခိုင်ပြည်နယ် ကျောက်ဖြူမြို့သူ မြို့သားများမှ ကန့်ကွက် ဆန္ဒပြသွားမည်ဟု သတင်းရရှိသည်။
ဆန္ဒပြခွင့် ရရှိရေး အတွက် ရခိုင်ပိုက်ဆိပ်၊ ဘုရားကြီးလမ်းနေ ဦးကျော်သန်းမှ ယမန်နေ့ မတ်လ (၁၁) ရက်နေ့က ကျောက်ဖြူမြို့၊ မြို့မရဲစခန်းမှူးထံ ခွင့်ပြုချက် တောင်းခံလိုက်သည်ဟု သိရသည်။
“ ကျွန်တော်တို့ ကန့်ကွက်ဖို့ စီစဉ်ရတာက လူဝင်မူကြီးကြပ်ရေးဌာနက ထုတ်ထားတဲ့ သန်းခေါင်းစာရင်း ဥပဒေ ပုဒ်မ ၁၆ (ခ)မှာ ဘယ်လို ပါသလဲဆိုတော့ တိုင်းရင်းသား  လူမျိုးစုတစ်ခု (သို့တည်းမဟုတ်) အမည် စာရင်းမပါတဲ့ လူမျိုး တစ်မျိုး ပတ်သက်လို့ မရှိတာကို မထည့်ရလို့ ပါဝင်ပါတယ်။ ဒါပေမယ့် အခု ဖြစ်နေတာက ရခိုင်ပြည်နယ်မှာ နေထိုင်တဲ့ ဘင်္ဂလီတွေကို ရိုဟင်ဂျာ ဆိုပြီးတော့ ထည့်ဖို့ လုပ်နေတယ်လို့ သတင်း ရရှိပါတယ်။ ဒါကြောင့် ကန့်ကွက် ဆန္ဒပြဖို့ စီစဉ်ရတာပါ” ဟု ကျောက်ဖြူ ဒေသခံ ဦးသန္တာမောင်က နိရဉ္စရာကို ပြောသည်။
ဆန္ဒပြပွဲတွင် သံဃာ ၁၀ပါး၊ အမျိုးသား ၁၁၀၊ အမျိုးသမီး ၃၀ ပါဝင်မည် ဖြစ်ပြီး ဘုရားကြီးတောင်ကွင်းတွင် စုဆုံကာ ဘုရားကြီးကျောင်းလမ်း၊ ဈေးလမ်းနှင့် ဗိုလ်ချုပ်လမ်းတို့ကို ချီတက် ဆန္ဒပြရန် ခွင့်ပြုချက် တောင်းခံထားသည်ဟု ဆိုသည်။
“ ခွင့်ပြုချက်က ရရှိမှာ ဖြစ်ပါတယ်။ လွှတ်တော်မှာ သူရ အောင်ကိုက ဘယ်လို ပြောထားသလဲ ဆိုရင် ငြိမ်းချမ်းစွာ စီတန်းလှည့်လည် ဆန္ဒပြမယ်ဆိုရင် ခွင့်ပြုချက်တင်ပါ။ ပေးမယ်၊ မပေးဘူးဆိုတာက သက်ဆိုင်ရာ အဖွဲ့အစည်းတွေရဲ့ တာဝန်သာ ဖြစ်တယ်။ မပေးရင် ထိထိရောက်ရောက် အရေးယူမယ်လို့လည်း ပြောဆိုထားတဲ့ အတွက် ခွင့်ပြုချက်က ကျလာလိမ့်မယ်လို့ မျှော်လင့်ထားပါတယ်” ဟု သူက ဆက်ဆိုသည်။
ခွင့်ပြုချက်ရရှိပါက မတ်လ ၁၆ ရက်နေ့ နံနက် ၉ နာရီခွဲမှ စတင်ကာ ဆန္ဒပြပွဲကို ပြုလုပ်သွားမည်ဟု သိရသည်။
အလားတူ ဆန္ဒပြပွဲများကို မတ်လ ၁၆ ရက်နေ့တွင် ရခိုင်တစ်ပြည်နယ်လုံး အတိုင်းအတာဖြင့် ပြုလုပ်သွားရန် စီစဉ်နေသည်ဟုလည်း ရခိုင်သားကြီး ဦးလှမြင့်မှ နိရဉ္စရာသို့ ပြောဆိုသည်။

 နိရဉ္စရာ-

(နှစ်တကျော့ ပြန်တပ်လှန့် သံ

(နှစ်တကျော့ ပြန်တပ်လှန့် သံ)
 

အဘာလေ....
ဒေနိ့ ဒေရက်ကိုရောက်လည်းမရောက်ရပါလို၊ကြုံလည်းမကြုံရပါလိုလို
့ ဇာပိုင်ဆုတောင်ဆုတောင်း
တနှစ်တခါပြက္ခဒိန်စာမျက်နှာမှာတပတ်လည်လာလို့ (သြဂုတ်လ(၁၃)ရက်နိ့ ကိုရောက်လာပြန်
ယာထော။။။။
ဇာတ်ပွဲတိမှာနောက်ပိုင်းစီးရေပိုင်အဘာလေ..အီးယောင်လေလို့ ..ရင်ကိုတီးပနာနတ်သံပိတ်လို့ ပြော
လိုက်ချင်ပါယင့် ...
ငါရို့ ဘိုးဘီ(ဖိုး၊ဖီး)၊အဇူအဇာရို့ ကကိုယ့် ရင်သွီးသားချေ၊သမီးချေတိအတွက်ရွှီဒင်္ဂ်ါး၊ငွေ(ငွိ)ဒင်္ဂါးတိကိုထုပ်
သုံးနိုင်လောက်အောင်၊သုံးစားမကုန်သယံဇာတအပြည့် အ၀ထားခရေအဖရခိုင်နိုင်ငံတော်ကြီးကို
ပါလေ....

ဆရာတော်ဒွါရာဝတီအသျှင်နန္ဒိယ(မင်
းသဇင်)ရီးသားတော်မူရေပိုင်.....( သံသရာ...အပါယ်မကြောက်...

မိစ္ဆာကောင်...ပျုအောက်ဗမာသားရို့့ ...

ရက်စက်ယုတ်မာ ...လူမဆန်လီစွာ ...

ငါရို့ ပြည်ရှင်ဘုရင်မင်းမြတ်၏... လိုင်ခြောင်းသွီးနန့် ခြီဆီးလီပနာ

မိဖုရားကို... ကျွန်ဇတ်ခင်း ...သားကိုထောင်သွင်းလို့ ...

သမီးကိုမယားလုပ်... ပြုကျင့် လီစွာ....

ရခိုင်သူ ရခိုင်သားရို့ မှာ...မဟူရာ ကျွန်ဆိုးထဲမှာ...

အမြဲထာဝရ ...ကြီကွဲမဆုံးနိုင်ပါ...)ဆိုရေပိုင်အရာရာကိုအတင်းအဓမ္မသိမ်းပိုက်ရစရာ

မရှီအောင်ယူနီကတ်တေစွာတိကိုတော့ ထားအုံး.....

တထွာဝမ်းချေဝအောင်တောင်မစားရလို့ ဘိုးဘီ(ဖိုး၊ဖီး)အမွီအနှစ်ကိုယ့် ပြည်ကထွက်တေဆန်ကိုဝမ်းမီး

တောက် ပနာငိုနီကတ်တေသားချေ၊သမီးချေရို့ ကိုမကြည့် ရက်လို့ ပူလောင်ရေအဆာ

ဓါတ်ချေငြိမ်းအောင်ဝမ်းစာဆန်ချေပီးပါလို့ ကိုယ့် ပိုင်စွာကိုကိုယ်ပြန်လို့ ဒူးချေထောက်

ပနာတောင်းခကတ်တေငါရို့ ရခိုင်သားတိကိုမညှာမထောက်လူမဆန်ရေလူမိစ္ဆာတိက

(ဆန်ကိုမပီး..ကျီဆန်ကိုပီးလိုက်လို့ )ဒေသြဂုတ်လ(၁၃)ရက်နိ့ မှာငါရို့ ရခိုင်သားတိသွီးချောင်း

စီးအောင်အသက်ပီးခရကတ်တေ..အဘာလေ....မကြားလို ၊မတွိလို၊မကြုံရလိုဒေနိ့ ကို

ရောက်လာပြန်ယာထော...။

အော်..ကိုယ်ပြည်ကထွက်တေကိုယ်ဝမမ်းဆာဆန်ကို.၀မ်းမီးပူဆာမနီသာပနာကိုယ့် စွာကိုယ်

ပြန်တောင်းလို့ အသက်ကိုစတေးခရကတ်တေ.ဂန္တ၀င်မြောက်ရခိုင်သူရဲကောင်းအပေါင်းရို့ .

ရခိုင့် သမိုင်းမှာရခိုင် သားတိုင်းအမျိုးသားရေးစိတ်တက်ကြွလာအောင်လမ်းဆောင်လမ်းပြ

ကျေးဇူးရှင်အပေါင်းရို့ အသက်ကိုစတေးခကတ်တေဒေနိ့ ဒေရက်ကိုကျရောက်လာရေအေနိ့ မှာ

( ၄၆ )နှစ်မြောက်ထိကြာလားယာလို့ ဇာပိုင်ပင်ပြောပြောဒေသြဂုတ်လ(၁၃)ရက်နိ့ ကိုရောက်

လီတိုင်းဂနိ့ လက်ရှိတွိမြင်ရရေပိုင်အသားတဆတ်ဆတ်တုန်ပနာကျမျက်ရည်ကိုအံကြိတ်လို့ 

ရခိုင်သားတိုင်းအဂင့် ရင်ထုမနာခံစားကတ်ရပါရေထော။။

ရှိဆောင်လမ်းပြအမျိုးသားရေးစိတ်ဓါတ်နိုးကြွလာအောင်အသက်ကိုစတေးပီးလားခကတ်တေ

ကျေးဇူးတော်ရှင်ရခိုင်သူရဲကောင်းအပေါင်းရို့ နောင်ဘ၀ဆက်တိုင်းအေပိုင်အဖြစ်ဆိုးမျိုးနန့် 

ကင်းလွတ်(ရွတ်)ချမ်းသာနိုင်ကတ်ပါစီ။



( ၄၆ )နှစ်မြောက်စစ်တွေဆန်ပြဿနာနိ့ ဝမ်းနည်းခြင်းအထိမ်းအမှတ်နန့် ...

အားလုံးကိုလေးစားစွာဖြင့် ......(နွယ်)

ပိုးအိမ်နားက သဇင်ပန်းချေ ဘဝ

ပိုးအိမ်နားက သဇင်ပန်းချေ ဘဝ


အို...မောင်ကြီးသျှင်ရို့

ဥသြငှက်ချေတိလေ့ ရီချေကိုသောက်

လောက်ထိုးထားရေ သစ်ပင် အခြောက်ချေ အောက်က

မလှပရေ သဇင် ပန်းခြောက်ချေရို့၏ အဖြစ်ကို

အို..အို..ဆိုပနာ ရောက်နီကတ်တေ နရာချေတိက

ယောင်ပြီးကေ တခါ လာဖူး ကတ်ပါယင့်လား

သတိတရ လမ်းချေထက်က............

အိုမောင်ကြီးသျှင်ရို့

ပျောက်ခြင်း မလှ တယောက်ပြီး တယောက် ပျောက်

ဇာတိကို ရောက်နီ ကတ်ပါလည်း

ထိုဖက် ကုလား ဒေဖက် အောက်သား

လှောင်ရယ်သံတိ ကြားမှာ

နာကြင်နီရေ ရင်ချေကို ကွဲအောင်ထုပြီး

ဝေတနာ တထွီးနန့် အနာကြီးရေ ဒေ မျက်ရည်ချေတိကြောင်း

ပြောချင်ပါယင့် မောင်ကြီးသျှင်ရို့က အထီးကျန်ရေလို့ ဆိုကေ

“အမ“ကျန်နီရေ မေထွီးချေရို့၏ အဖြစ်ဆိုးကို

အို...ဟောင်းနီရေ သီအိုရီချေကို ကိုင်

မှိုင်ပြီး ကြည့်မနီကတ်ပါကေ့ မောင်ကြီးသျှင်ရို့.................

အို..မောင်ကြီးသျှင်ရို့

ဘာသာနန့်အမျိုး သာသနာ အကျိုးတွက် ကိုယ်ကျိုးစွန့်ဖို့

အားကောင်းရေ အတောင်ချေတိကိုတပ် ပျံလားကတ်ယင့်ထော

လီဟုန်ချေ စီးပြီး အဝီးကြီးကို

လိုရာတိကိုရောက် ဦးတည်ချက် ပျောက်ပြီး

ရမ္မက်အဖေါ်နန့် ဘီယာနန်းတော် ထက်မှာ

အဖေါ်စုံရေ အပျော်ချေတိနန့် နဗန်းချေ လုံးပြီး

အဖေါ် မဟိ အထီးကျန်ရေလို့ အော်သူကအော်

အမျိုးချစ်ကြောင်း လှပရေ စာတန်းချေတိကို ကိုင်

ထိုယိုင် ဒေယိုင်နန့် ယိုင်ပနာ

မျိုးခြားသူကို လက်ထပ်လားစွာက တမျိုး

တထွာဝမ်းချေကို အလိုတော်ဖြည့်ဖို့

မြင့်မြတ်တေ သဇင်ပန်းချေကို ကိုင်ပြ

မလှပရေ အသက်ရှူခြင်းတိနန့်

အသက်ရှူနီကတ်တေ လူတိက တဖုံ

အမျိုးမျိုး အဖုံဖုံ တိကြား

အသက်ရှူ မဝရေ အဖပြည်ကြီးနန့်

ကမ်းနားသစ်ပင်“အမ“ကျန် မေထွီးချေရို့၏ အဖြစ်

ရင်ထုပြီး ကျလာရေ ဒေ ကြွီကွဲမျက်ရည်စက်တိကို

မောင်ကြီးသျှင်ရို့၏ လက်ချေတိက ဇာခါသုတ်ဖြစ်ပါဖို့လည်း..................

အို..မောင်ကြီးသျှင်ရို့

ဒေဝေတနာ အမြိုက်ချေပြတ်ဖို့ ဒေ ဆီးချေတခွက်က

လှပညီညာရေ ခြီလှမ်းချေတိနန့် မောင်ကြီးသျှင်ရို့၏အား

အားကောင်းရေ ဒေ ဆီးပေါင်းချေ တခွက် သောက်ခွင့်ရဖို့

မျှော်လင့်ခြင်း ရောင်နီဦး အလင်းတန်ထက်

လှပရေ သဇင်ချေကိုပန် ဟိန်းနီရေ ဗဟိုရ် စည်သံကြီးနန့်

မီးခွက်ချေ ကိုင်ထားရေ မေထွီးချေရို့၏ လက်

ကကောင်းကြီး မျှော်နီပါဗျာလ်ထော

မောင်ကြီးသျှင်ရို့ ပြန်လာဖို့ ရက်ချေကို...............၊၊

လေးစားစွာဖြင့်    ................ 

အစ်မချေ  လှလေးနွယ်  (တတမ်းချေ  ပြောစရာရှိရေ fbမှာ
Taw Thu May နှာမည်နှင့် ပုန်းနီရေ လူတယောက်ကို သတိမပီးချင်လို့ ပါလတ်

"ပက္ခဒိန်ညည့်"

"ပက္ခဒိန်ညည့်"

မကြည့်ချင်ရေမျက်နှာပြင်တိနန့်
ပက္ခဒိန်တခု၏ ခုနှစ်ရက်တိမှာ
ကြေကွဲခရရေအနာဂတ်တိနန့်
မြင်နီရရေ အကျွန့်ရင်မှာ
အတိတ်ကို အစပျိုး ပစ္စုန်ပ္ပန်ကိုခုတုံးလုပ်ပနာ
အနာဂတ်ကို အကျွန်ရို့ပိုင်ချင်ဗျာလ်...

နှစ်တနှစ်ကုန်လို့ ပက္ခဒိန်ခေါ်သံတိကို
ကြားနီရရေ နိရက်တိုင်းမှာ
အကျွန်ရို့ကို သတိပီးနီရေပိုင်
အဆွီရို့လေး ကြားမိပါယင့်လား....

ကြွီကွဲမူတိနန့် ငိုခရရေ နိရက်တိမှာ
လခြမ်းကွေးက ဂစ္ဆပအော်သံ
အကျွန်အဂုထိကြားနီရရေ
အတိတ်ဒဏ်ရာ အနာတရကို
အကျွန်ရို့ရင်ဘတ်မှာ ချိတ်ဆွဲထားရေ....

မိဝီးဖဝီးရီမြီဝီးမှ ရက္ခိတရို့
အချိန်တန်အိမ်ပြန် ကိုယ့်မြီကိုယ့်ရီကိုယ့် တာဝန်လို့သတ်မှတ်ပနာ
ရက္ခခြီလှမ်း ရှေ့ဆက်သင့်ဗျာလ်.....  
fbထဲက
Hnin Hnin Hlaing ရေးထားရေ ကဗျာချေ တခုကို ကြိုတ်လို့  ချယ်ထားစွာပါ

အရှင် ဦးဝီရသူအား ရခိုင်စည်တော်တီး၍ ပေါက်တောမြို့တွင် ကြိုဆို

( ၁၁ မတ်လ ၂၀၁၄) / လင်းမြတ် (ပေါက်တော)
မန္တလေးမြို့၊မဟာအောင်မြေမြို့နယ်၊မစိုးရိမ်တိုက်သစ်၊ဓမ္မသဟာယကျောင်း နာယက ဆရာတော် ဦးဝီရသူသည် ယနေ့ နံနက်က ရခိုင်ပြည်နယ် ပေါက်တောမြို့သို့ ကြွရောက်လာရာ ပေါက်တော ဒေသခံများက ရခိုင်စည်တော်တီး၍ ကြိုဆိုခဲ့ကြသည်။
ဦးဝီရသူအား ရခိုင်မင်္ဂလာစည်တော်ဖြင့် ခရီးဦးကြိုခဲ့ကြကြောင်းကို သွားရောက်ကြိုဆိုခဲ့သူ
တက္ကသိုလ်ကျောင်းသားတစ်ဦးက ယခုလို နိရဉ္စရာသို့ ပြောသည်။
“ ဆရာတော်က ဒီကနေ့ နံနက် (၈)နာရီ (၃၀)မိနစ်ခန့်မှာ  သံဃာတော်(၁)ပါး၊  တပည့်တကာ (၁၃)ဦးနဲ့ အတူ ရွှေပြည်တန်အမြန်ရေယာဉ်နဲ့ အတူ ပေါက်တောမြို့ကို ရောက် ရှိလာခဲ့ပါတယ်။ ဆရာတော်ကို ရခိုင်မင်္ဂလာစည်တော်တီးပြီး ကြိုဆိုခဲ့ကြပါတယ်။ စည်တော် ခုနှစ်လုံးကို တပြိုင်တည်းတီးတော့ ကျွန်တော်က ကြက်သီး မွှေးညင်းတွေပါ ထကုန်ပါတယ်” ဟု သူက ဆိုသည်။
ရခိုင်မင်္ဂလာစည်တော်အား ယခင်က ရခိုင်ဘုရင်များ၏ မင်းခမ်းမင်းနားများတွင် တီးခတ်လေ့ရှိပြီး လက်ရှိခေတ်တွင် နိူင်ငံတော် အကြီးအကဲများနှင့် လူရိုသေ ရှင်ရိုသေ ပုဂ္ဂိုလ်ကျော်များ လာရောက်စဉ် တီးခတ်ကြိုဆိုလေ့ရှိသည်။
ယခုကဲ့သို့ စည်တော်တီး ကြိုဆိုခြင်းသည် အရှင်ဝီရသူအား ရခိုင်လူမျိုးများက အလေးအမြတ်ထားမူ သင်္ကေတကို ပေါ်လွှင်စေသည်ဟု သူက ဆိုသည်။
အရှင် ၀ီရသူသည် နေ့လည် (၁)နာရီခွဲတွင် ပေါက်တောမြို့ ဗုဒ္ဒသာသန ဓမ္မဗိမာန်တော်အတွင်း ပေါက်တောမြို့သူ မြို့သား (၃၀၀)ခန့်အား အမျိုးဘာသာ သာသနာစောင့်ရှောက်ရေး တရားများ ဟောကြားခဲ့သည်။
၎င်းနောက် အရှင် ၀ီရသူသည် ပေါက်တောမြို့ဒေသခံများ ၀ိုင်းရံလိုက်ပါလျှက် ပေါက်တောမြို့
ဘ၀မ်းဘုန်းတော်ကြီးကျောင်းသို့ သွားရောက်ခဲ့ပြီး ယင်းကျောင်းရှိ စာသင်ကျောင်းမှ  ဆရာဆရာမများနှင့် ကျောင်းသူကျောင်းသား ကလေးငယ်များအား တွေ့ဆုံ အားပေးစကား ပြောကြားခဲ့သည်ဟု ဆရာ ဦးကျော်နိုင်က ပြောသည်။
ယင်းပြင် ဦးဝီရသူသည် မဘသအဖွဲ့ဝင်ဆရာတော်များ၊ပေါက်တောမြို့ပေါ်ရှိ လူမှုကွန်ယက်များ၊ ပေါက်တော ဒေသခံမီဒီယာ သမားများနှင့် ဘ၀မ်းဘုန်းတော်ကြီးကျောင်တိုက်တွင် တွေ့ဆုံခဲ့သည်။ ယင်းနောက် လိုအပ်သလို အသုံးပြုနိုင်ရန် အတွက် ဒီဂျစ်တယ်ကင်မရာ တစ်လုံးကိုလည်း ပေါက်တော မဘသ ဥက္ကဌ ဆရာတော်ထံ အပ်နှံလှူဒါန်းခဲ့သည်။
ဆရာတော် အရှင် ၀ီရသူသည် နေ့လယ် ၂ နာရီ မိနစ် ၂၀ တွင်  စစ်တွေမြို့သို့ ပြန်လည်ကြွချီသွားကြောင်း သိရသည်။    နိရဉ္စရာ-

မောင်တောမြို့နယ်တွင် အိမ်ခြေ ၁၀၃ ဆောင် မီးလောင်

( ၁၁ မတ်လ ၂၀၁၄)

ဒုချီးရားတန်း အလယ်ရွာ မီးလောင်ပြီး မြင်ကွင်း (ဓါတ်ပုံ- Rakhine Citizen Journalistျ)

ရခိုင်ပြည်နယ် မောင်တောမြို့နယ်မှ ဘင်္ဂလီ ကျေးရွာ (၂) ခုတွင် ယမန်နေ့ နေ့လယ်က မီးလောင်၍ အိမ်ခြေ ၁၀၃ ဆောင် မီးထဲပါသွားသည်ဟု သတင်း ရရှိသည်။
“ မီးလောင်တာက မနေ့က နေ့လယ် တစ်နာရီခွဲမှာ လောင်တာပါ။ အိမ်ခြေစုစုပေါင်း ၁၀၃ ဆောင်ပါသွားပါတယ်” ဟု မောင်တောမြို့နယ် ရဲမှူးကြီးက ပြောကြားသည်။
မီးလောင်သော ကျေးရွာများမှာ မောင်တောမြို့နယ် မြောက်ပိုင်း ဆင်သေပြင်ရွာနဲ့ ပေါင်းမြောင်း ဘင်္ဂလီ ကျေးရွာတို့ ဖြစ်ကြသည်ဟုပြောသည်။
“ လောင်တာက ဆင်သေပြင်ရွာနဲ့ ပေါင်းမြောင်းကျေးရွာပါ။ လောင်တာက ပေါ့ဆမီးပါ။ ညနေ ၅ နာရီခွဲကတည်းက ငြိမ်းသတ်နိုင်ခဲ့ပါတယ်” ဟု ရဲမှူးကြီးက ဆက်လက် ပြောကြားသည်။
ဒေသခံများ၏ အဆိုအရ ၎င်းကျေးရွာ နှစ်ခုမှာ ချောင်းတစ်ဘက်တစ်ကမ်းတွင် နီးကပ်တည်ရှိပြီး မီးစများ ကူးစက်ရာမှ နှစ်ရွာစလုံးကို လောင်ကျွမ်းခြင်း ဖြစ်သည်။
မတ်လ ၉ ရက်နေ့ နံနက် မောင်တောမြို့နယ် ဒုချီးရားတန်း အလယ်ရွာတွင် မီးလောင်ရာ အိမ်ခြေ ၁၂ လုံးနှင့် ဗလီ တစ်လုံးတို့ မီးထဲပါသွားသည်။ ၎င်းမီးမှာ ဆူပူလိုသူ ဘင်္ဂလီ တစ်ဦး၏ ရှို့မီး ဖြစ်ကြောင်း အာဏာပိုင်များက ယူဆထားသည်။     နိရဉ္စရာ-

တစ်နိုင်ငံလုံး အပစ်ခတ်ရပ်စဲရေး မူကြမ်းကို အခန်း(၇)ခန်းဖြင့် ပူးတွဲပြုစု ရေးဆွဲမည်

(  ၁၁ မတ်လ ၂၀၁၄) / မင်းဆက်ခိုင်

(ဓါတ်ပုံ- မင်းဆက်ခိုင်- နိရဉ္စရာ)

တစ်နိုင်ငံလုံး အပစ်ခတ်ရပ်စဲရေးအတွက် မူကြမ်းရေးဆွဲရာတွင် အခန်း(၇)ခန်းဖြင့် ပြုစုရေးသားရန် ပဏာမ သဘောတူညီမူ ရရှိခဲ့ကြသည်ဟု သိရသည်။

မတ်လ ၁၀ရက်နေ့က ဒုတိယမြောက်နေ့အဖြစ် ပြုလုပ်သော  ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသားလက်နက်ကိုင် အဖွဲ့အစည်းများ၏ တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့ (NCCT) တို့  မြန်မာငြိမ်းချမ်းရေးစင်တာ၌ နှစ်ဖက်တွေ့ဆုံ ဆွေးနွေးစဉ် ထိုသို့ သဘောတူညီမူ ရရှိခဲ့ခြင်း ဖြစ်သည်။
၎င်းဆွေးနွေးပွဲနှင့် ပတ်သက်ပြီး ပူးတွဲ သတင်းထုတ်ပြန်ချက်တစောင်ထုတ်ပြန်ခဲ့ရာ ၎င်းသဘောတူညီချက် ရရှိခဲ့ခြင်းကို ထည့်သွင်း ဖေါ်ပြထားသည်။
တစ်နိုင်ငံလုံး ဆိုင်ရာ အပစ်အခတ်ရပ်စဲရေး သဘောတူညီချက် မူကြမ်းတစ်ခု (Single Text) ရရှိရေးကို ဆွေးနွေးခဲ့ကြပြီး တစ်ဖက်မှ ၉ ဦးစီဖြင့် မူကြမ်းရေးဆွဲရေး အဖွဲ့ ဖွဲ့ရန် အဆိုပါနေ့တွင် သဘောတူညီခဲ့ကြသည်ဟုဆိုသည်။
“ မူကြမ်းရေးဆွဲမယ့် ကော်မတီထဲမှာ NCCT ဖက်က ဘယ်သူတွေပါလဲဆိုတာ ကျနော်တို့ ပြောလို့ မရသေးပါဘူး။ ပြန်ရောက်မှပဲ NCCT အစည်းအဝေး ထိုင်ပြီးမှပဲ ဆုံးဖြတ်ရမှာပါ။ အစိုးရဘက်ကလည်း တိတိကျကျတော့ ပေးထားတာမရှိသေးဘူး။ ဥပမာ အစိုးရဘက်ကဆိုရင်တော့ ဝန်ကြီးဦးအောင်မင်း ဦးဆောင်တဲ့ အဖွဲ့ပေါ့နော်” ဟု တွေ့ဆုံဆွေးနွေးပွဲတွင် တက်ရောက်သည့် KNU ဗဟိုကော်မတီဝင် စောတာဒိုမှူးက နိရဉ္စရာသို့ ပြောသည်။
ယခုကဲ့သို့ မူကြမ်းရေးဆွဲရေအဖွဲ့ ဖွဲ့ရခြင်းနှင့်ပတ်သက်၍လည်း စောတာဒိုမှူးက “ ကျနော်တို့ အခု မူကြမ်းရေးဆွဲရေး ကော်မတီ ဖွဲ့ဖြစ်တာက Document ၂ခုနဲ့ ပြိုင်သွားလို့ မရဘူးလေ။ နောက်ဆုံးကျတော့ ကျနော်တို့ အဖွဲ့ ၂ခုဟာ ရှင်းရှင်းပြောရရင်တော့ ကျနော်တို့ တိုင်းရင်းသားတွေဘက်ကနဲ့ အစိုးရဘက်က နောက်ဆုံး တစ်နိုင်လုံး အပစ်ရပ်စဲရေး စာချုပ်ဟာ တစ်ခုတည်း ဖြစ်ရမှာကိုး။ ဒါပေမယ့် လောလောဆယ်က သူ့ Proposal (တင်ပြချက်) ကိုယ့် Proposal ရှိနေတဲ့အပေါ်မှာ အဲဒီ ၂ခုထဲက ပေါင်းပြီးတော့ တစ်ခုတည်း လုပ်ဖို့ ဆိုတာ ကျနော်တို့ နဂိုကတည်းက အဲဒီ ရည်ရွယ်ချက် ရှိထားကြပါတယ်” ဟု ၎င်းက ဆက်ပြောသည်။
မတ်လ ၁၀ ရက်နေ့က ထုတ်ပြန်သော အဆိုပါ ပူးတွဲ သတင်းထုတ်ပြန်ချက်ပါ အခန်း (၇)ခန်းမှာ – အခန်း (၁) အခြေခံမူများ၊ အခန်း (၂) ဦးတည်ချက်နှင့် ရည်ရွယ်ချက်၊ အခန်း (၃) အပစ်အခတ်ရပ်စဲရေးဆိုင်ရာ ကိစ္စရပ်များ၊ အခန်း (၄) အပစ်အခတ်ရပ်စဲရေးကို ခိုင်မာစေရန် လုပ်ဆောင်ရမည့် နည်းလမ်းများ၊ အခန်း (၅) နိုင်ငံရေးဆွေးနွေးပွဲဆိုင်ရာ အာမခံချက်များ၊ အခန်း (၆) ဆက်လက်အကောင်အထည် ဖော်ဆောင်ရွက်ရမည့် လုပ်ငန်းစဉ်များ၊ အခန်း (၇) အထွေထွေ တို့ ဖြစ်ကြသည်။
NCCT နှင့် ဝန်ကြီးဦးအောင်မင်းနှင့်အဖွဲ့တို့ နောက်ထပ် တစ်ကြိမ်အဖြစ် မတ်လ နောက်ဆုံးအပတ်တွင် တွေ့ဆုံရန် ဆုံးဖြတ်ခဲ့ကြသော်လည်း ကြားခရီးစဉ်တခုကြောင့် ရက်ရွှေ့လိုက်ရကြောင်း ရက္ခိုင့်တပ်မတော်မှ ဒုဗိုလ်မှူးကြီးကျော်ဟန်က နိရဉ္စရာသို့ ပြောသည်။
‘အစိုးရအဖွဲ့နဲ့ ဒီလ နောက်ဆုံးအပတ် မှာ ထပ်တွေကဖို့ ပြောထားပါတယ်။ ဒါပေမယ့် ခုနားကပဲ ကိစ္စတချို့ပေါ်လာလို့ ရက်ပြောင်းမယ်ဆိုပြီးတော့ ပြောလာပါတယ်။ ဘယ်နေ့ဖြစ်မလဲတော့ အခုလောလောဆယ် မပြောတတ်သေးပါဘူး” ဟု ၎င်းက ဆိုသည်။
မူကြမ်းရေးဆွဲရေး ကော်မတီအတွက် NCCT ဘက်မှ ကိုယ်စားလှယ်များကို မတ်လ ၁၉/၂၀ တွင် ထိုင်းနိုင်ငံ ချင်းမိုင်မြို့တွင် ပြုလုပ်မည့် NCCT အစည်းဝေးတွင် ရွေးချယ်ဖြစ်လိမ့်မည်ဟု ရက္ခိုင့်တပ်မတော်မှ ဒုဗိုလ်မှူးကြီး ကျော်ဟန်က ပြောသည်။
မတ်လ ၉ရက်နေ့က ဆွေးနွေးပွဲတွင် မူကြမ်းရေးဆွဲရန်အတွက် တစ်ဖက် ၉ဦးစီပါဝင်သည့် ၁၈ဦးပါ အဖွဲ့ ဖွဲ့ရန် သဘောတူညီခဲ့ကြပြီး အစိုးရဘက် ၉ဦးမှာ တပ်မတော်သား ကိုယ်စားလှယ် ၃ဦး၊ လွှတ်တော်မှ ကိုယ်စားလှယ် ၃ဦး၊ အစိုးရဘက်မှ ၃ဦး ပါဝင်မည်ဖြစ်သည်။
ယခုတွေ့ဆုံဆွေးနွေးပွဲကို အစိုးရဘက်မှ UPWC ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ မှ ဒု ဥက္ကဌ ပြည်ထောင်စု ဝန်ကြီး ဦးအောင်မင်း ဦးဆောင်သည့်အဖွဲ့ဝင် ၁၅ဦးနှင့် NCCT ဘက်မှ ဦးနိုင်ဟံသာ အဖွဲ့ခေါင်ဆောင် (၁) ဦးဆောင်သော အဖွဲ့ဝင် (၁၁) ဦး တက်ရောက်ဆွေးနွေးခဲ့သည်။     နိရဉ္စရာ-

အမေရိကန်သံရုံး နိုင်ငံရေးအရာရှိနှင့်အဖွဲ့တောင်ကုတ်ကို သွားမည်

( ၁၁ မတ်လ ၂၀၁၄) / တင့်ဆွေမောင် ရန်ကုန် အမေရိကန် သံရုံးမှ နိုင်ငံရေး သံအရာရှိ Mr Clint Fenning ဦးဆောင်သာ အဖွဲ့ တစ်ခုသည် ရခိုင်ပြည်နယ် တောင်ကုတ်မြို့သို့ ယနေ့ သွားရောက်မည်ဟု သိရသည်။
၎င်းသံတမန်အဖွဲ့သည် ယခု အခါ ဂွမြို့နယ်သို့ ရောက်ရှိနေပြီး ဂွမှတဆင့် တောင်ကုတ်သို့ သွားရောက်မည်ဟု သိရသည်။
မတ်လ ၁၀ရက်နေ့ နံနက် ၈နာရီခန့်တွင် ၎င်းအဖွဲ့သည် ဂွမြို့နယ် ကျောက်ကြီးကျေးရွာနှင့် ကျိန္တလီ မြို့နယ်ခွဲသို့ ရောက်ရှိလာပြီး ငါးလုပ်ငန်းရှင်များနှင့် တွေ့ဆုံခဲ့သည်ဟု သိရသည်။
မတ်လ ၁၁ ရက်နေ့ နံနကတွင် တောင်ကုတ်မြို့သို့ ရောက်ရှိမည် ဖြစ်ပြီး နံနက် (၈) နာရီတွင် တောင်ကုတ်မြို့နယ် အုပ်ချုပ်ရေးမှူး ဦးတင့်လွင်နှင့် တွေ့ ဆုံမည်ဟု သိရသည်။
နေ့လယ် ၁ နာရီတွင် တောင်ကုတ်ရှိ ရခိုင်လူမူကွန်ရက် အစီအစဉ်ဖြင့် နိုင်ငံရေး ပါတီမှ ခေါင်းဆောင်များ၊ လူမူအဖွဲ့အစည်းများနှင့် တွေ့ဆုံ သွားမည်ဖြစ်သည်။
ထို့ ကဲ့သို့ အမေရိကန် သံရုံးမှ အရာရှိများ ရခိုင်ပြည်နယ်ရှိ ဂွနှင့် တောင်ကုတ်မြို့နယ်များသို့ ကွင်းဆင်းလေ့လာ ဆွေးနွေးရခြင်း အကြောင်းအရင်းမှာ ဒေသအတွင်းရှိ နိုင်ငံရေး၊ လူမူရေး၊ စီးပွားရေး တွေ့ရှိချက်များအပေါ် မူတည်ပြီး လိုအပ်ချက်ကို တတ်နိုင်သလောက် ကူညီဆောင်ရွက်သွားရန်အတွက် ဖြစ်ကြောင်း ယခင် ရခိုင်ဒီမိုကရေစီ အဖွဲ့ချုပ် တောင်ကုတ်မြို့နယ် အတွင်းရေးမှူး ဦးသောင်းဌေးမှ ပြောကြားသည်။          နိရဉ္စရာ-

ရွာမအထကတွင် ဆယ်တန်းဖြေမည့် ကျောင်းသားတစ်ဦးထံမှ ငွေငါးထောင်စီကောက်ခံမူ အမြင်မတူမူများ ပေါ်ပေါက်

(၁၁ မတ်လ ၂၀၁၄) / တင့်ဆွေမောင် ရခိုင်ပြည်နယ် တောင်ကုတ်မြို့နယ် ရွာမ အထက်တန်းကျောင်းတွင် ဆယ်တန်းစာမေးပွဲ ဖြေကြမည့် ကျောင်းသားများထံမှ တစ်ဦးလျှင် ကျပ် ၅၀၀၀ ထောင်ကျစီ ကောက်ယူမူ အပေါ် ကျောင်းသားမိဘများအကြား အမြင်မတူ သဘောထား ကွဲလွဲမူများ ပေါ်ပေါက်နေသည်ဟု ကျေးရွာသား တစ်ဦးက နိရဉ္စရာကို ပြောဆိုသည်။
“ ဒီစနစ်ကြီးက ဟိုအရင် န၀တ၊ နအဖ ခေတ်ကတည်းက ရှိခဲ့တဲ့ အစဉ်အလာပါ။ ဒါကို ခုအချိန်ထိ ကျင့်သုံးနေပါတယ်။ ဒါကို တားမြစ်ပေးစေချင်ပါတယ်” ဟု အမည် မဖေါ်လိုသူ ကျေးရွာသား တစ်ဦးက ပြောသည်။
ကျောင်းသား တစ်ဦးစီမှ ကျပ် ငါးထောင်စီကို စာမေးပွဲ ဖြေဆိုရန် အတွက် ဖေါင်ထုတ်ပေးစဉ် ကောက်ခံသည်ဟု သူက ပြောဆိုသည်။
ယခုကဲ့သို့ ကောက်ခံနေမူမှာ မိမိတို့နှင့် တစ်စုံတစ်ရာ ပတ်သက်မူ မရှိကြောင်း ရွာမ အထက လက်ရှိ တာဝန်ခံ ဆရာမ စောစန္ဒာသန်းက ပြောသည်။
“ ဒါက ကျွန်မတို့နဲ့ တစ်စုံတစ်ရာ ပတ်သက်မူ မရှိပါ။ ကျွန်မတို့မှာ အစည်းအဝေး ဆုံးဖြတ်ချက် မှတ်တမ်းတွေလည်း ရှိပါတယ်။ ဘာကြောင့် ကောက်တယ်ဆိုတာလဲ ကျွန်မတို့နဲ့ သက်ဆိုင်မူ မရှိတဲ့ အတွက် မပြောနိုင်ပါဘူး။ ကျောင်းအကျိုးတော်ဆောင်အဖွဲ့ကိုသာ ဆက်သွယ်မေးကြည့်ပါ” ဟု သူမက ဆိုသည်။
ရွာမ အထက ကျောင်းအကျိုးတော်ဆောင် ဥက္ကဌ ဦးကိုကြီးမှ ယခုကဲ့သို့ ငွေကောက်ခံရခြင်းမှာ အစိုးရဆီမှ ထုတ်ပေးသော ငွေနှင့် မလုံလောက်သဖြင့် လိုအပ်သည့် နေရာများတွင် အသုံးပြုရန် ကောက်ခံရခြင်း ဖြစ်ကြောင်း ပြောဆိုသည်။
“ ကျွန်တော်တို့က ဆယ်တန်း စာမေးပွဲ စစ်တဲ့ အခါ အထက်က လူကြီးတွေ လာတဲ့ အခါ ဧည့်ခံ ကျွေးမွေးရပါတယ်။ လုံခြုံရေး ယူပေးတဲ့ ရဲတပ်ဖွဲ့ဝင်တွေကိုလည်း ကျွေးမွေးရပါတယ်။ မေးခွန်းသွားထုတ်တဲ့ အခါလည်း ခရီးစရိတ် ကုန်ကျမူတွေ ရှိပါတယ်။ ဒီလို လိုအပ်တဲ့ ငွေတွေကို ဘယ်သူကမှလည်း ထည့်ဝင် လှူဒါန်းတာ မရှိတဲ့ အတွက် ကျောင်းသားတွေဆီက ငွေကောက်ခံရတာ ဖြစ်ပါတယ်။ ဒါကိုလည်း ကျောင်းသား မိဘတွေက ကြည်ကြည်ဖြူဖြူနဲ့ ထည့်ဝင်ကြတာ ဖြစ်ပါတယ်” ဟု ဆိုသည်။
သို့သော်လည်း ယခုကဲ့သို့ ဆယ်တန်း စာမေးပွဲ ဖြေဆိုမည့် ကျောင်းသား တစ်ဦးစီမှ ကျပ်ငွေ ၅၀၀၀ ကျစီ ကောက်ခံမည်ကို ကျောင်းသားမိဘ အများစုနှင့်မူ တိုင်ပင် ညှိနိုင်းမူများ ပြုလုပ်ခဲ့ခြင်း မရှိဟု ဦးကိုကြီးက ဆိုသည်။
“ ကျွန်တော်တို့ ဒီိလို တိုင်ပင်တာတော့ မရှိဘူး။ အဓိက လူကြီး ၂၀ ခန့်က အစည်းအဝေး လုပ်ပြီး ဒီလို ကောက်ခံကြဖို့ ဆုံးဖြတ်ခဲ့တာ ဖြစ်ပါတယ်။ အားလုံးအတွက် အဆင်ပြေအောင်လုပ်တာကို မနာလိုတဲ့ လူတစ်စုက တိုင်းတန်းတာပါ” ဟု သူက ပြောသည်။
ယခုနှစ် မတ်လ ၁၂ ရက်နေ့တွင် ကျင်းပမည့် ဆယ်တန်းစာမေးပွဲတွင် ရွာမ အထက်တန်းကျောင်းတွင် ဖြေဆိုကြမည့် ကျောင်းသား ကျောင်းသူ အရေအတွက်မှာ ၄၁၉ ဦးရှိကြောင်း သိရသည်။          နိရဉ္စရာ-

ရန်ကုန်တွင် ပြုလုပ်သော ဒေါက်တာအေးချမ်း၏ဟောပြောပွဲသို့ လူပေါင်း ၅၀၀ ကျော်တက်ရောက်

(- ၁၁ မတ်လ ၂၀၁၄) / တင့်ဆွေမောင်
“ ရခိုင်သမိုင်းမှ ပီးသော သင်ခန်းစာ” ခေါင်းစဉ်ဖြင့် ဟောပြောခဲ့သော ဒေါက်တာအေးချမ်း၏ သမိုင်းဆိုင်ရာ ရှင်းလင်းပွဲသို့ လူပေါင်း ၅၀၀ ကျော်တက် ရောက်နားထောင်ခဲ့သည်။
ယင်းဟောပြောပွဲကို ၂၀၁၄ မတ်လ ၉ ရက်နေ့က ရွှေတိဂုံ အရှေ့မုဒ်ရှိ ရခိုင်ပြည်နယ် ဓမ္မာရုံတွင်ကျင်းပခဲ့သည်။
ပါမောက္ခ ဒေါက်တာ အေးချမ်းမှ ရခိုင်သမိုင်းနှင့် လက်ရှ်ိကြုံတွေ့နေရသော ရခိုင်ပြည်၏ အနေအထားကို သူရရှိ စုဆောင်းထားသော အချက်အလက် အခိုင်အမာ အတိအကျဖြင့် ဟောပြောခဲ့သည်။
ဒေါက်တာ အေးချမ်းမှ ဟောပြောရာတွင်  ရခိုင်ပြည်နယ်တွင်း တရားမ၀င် ၀င်ရောက်နေထိုင်သော ဘင်္ဂလီများအကြောင်းအရင်းနှင့် အစုလိုက် အပြုံလိုက် ရခိုင်ပြည်နယ်တွင်းသို့ ၀င်ရောက်လာပုံများကို သမိုင်း ဖြစ်ရပ်များနှင့် ကွက်ကွက်ကွင်းကွင်း ရှင်းလင်း ဟောပြောသည်။
ယင်းနောက်ပိုင်း ယခုကဲ့သို့ ၀င်ရောက်ရသည့် နေရာတွင် မည်သူသည် သမိုင်းတရားခံလဲ။  ဘယ်သူက အားပေးအားမြှောက် ပြုခဲ့သလဲဆိုသည့် အကြောင်းအရာများကို သမိုင်း အထောက်အထားများဖြင့် ရှင်းလင်း ထောက်ပြ ပြောဆိုခဲ့သည်။
မြန်မာနိုင်ငံလွတ်လပ်ရေးမရခင် ရခိုင်ပြည်နယ်အတွင်းသို့ ဘင်္ဂလာနယ်ဘက်မှ ဘင်္ဂလီ လယ်ကူလီများ အထောက်အထားမဲ့ အလုံးအရင်းနှင့် ၀င်ရောက်လာမှုကို ကာကွယ်နိုင်ရန် ၁၉၃၅ တွင် မြန်မာအက်ဥပဒေဖြင့်  တားဆီးရန် ကြိူးစားခဲ့ကြောင်းကိုလည်း ပြောဆိုခဲ့သည်။
“ ဆရာရှင်းလင်းပြောဆိုသွားတာက တကယ်ကို ကောင်းပါတယ်။ ကျနော်တို့ မသိသေးတဲ့ အချက်တွေပါတဲ့ အတွက် အများကြီး ဗဟုသုတ ရရှိစေပါတယ်” ဟု ဟောပြောပွဲကို တက်ရောက် နားထောင်ခဲ့သူ ကိုကျော်မိုးက ပြောသည်။
အခမ်းအနားသို့ ဧည့်သည်တော်အဖြစ် တက်ရောက်လာသော ဆရာမကြီးဒေါ်စောခင်တင့်ကလဲ ရခိုင်နိုင်ငံတော် ကျဆုံးခဲ့ရခြင်းနှင့် ပတ်သက်ပြီး ဟောပြော ဆွေးနွေးခဲ့ကာ သမိုင်းထဲမှ သင်ခန်းစာ ယူကြရန် ဝေဖန်ထောက်ပြ ပြောဆိုခဲ့သည်။
၎င်းအခမ်းအနားတွင် ရခိုင်တိုင်းရင်းရေးရာဝန်ကြီး ဦးဇော်အေးမောင်၊ ဦးသာဘန်း၊ ဦးမြသိန်းနှင့် ဒေါ်စောခင်တင့် တို့က နာယကများ အဖြစ်ဆောင်ရွက်ကြသည်။
အခမ်းအနားအား နေ့လယ် ၁ နာရီမှ ညနေ ၅ နာရီထိ ကျင်းပပြုလုပ်ခဲ့သည်။
                                            နိရဉ္စရာ

ဘင်္ဂလာဒေခ်ျ့မှ ၀င်ရောက်လာသော ရွှေ့ပြောင်းဒုက္ခသည်များသို့ အလှူငွေများလှူဒါန်း

( ၁၀ မတ်လ ၂၀၁၄) / တင့်ဆွေမောင်
ရခိုင်ပြည်နယ်မောင်တောမြို့သို့ ဘင်္ဂလားဒေ့ခ်ျနိုင်ငံမှ ခိုလှုံရန်ရောက်ရှိနေကြသော ရွှေ့ပြောင်း ဒုက္ခသည်များအတွက် တောင်ကုတ်မြို့မှ ဦးဘသိန်းမှ အလှုငွေ ကျပ် ၁၅ သိန်းကို လှူဒါန်းခဲ့သည်ဟု သိရှိရပါသည်။
အဆိုပါ အလှူငွေ ၁၅ သိန်းကျပ်ကို ၂၀၁၄ ခု မတ်လ ၆ ရက်နေ့က မောင်တောမြို့မှ ဦးခင်မောင်အေးအား ဆက်သွယ်လှူဒါန်းခဲ့သည်။ ထိုမှတစ်ဆင့် အလှူငွေများကို လက်ခံရယူပြီး အလှူပစ္စည်းများကိုဝယ်ယူပြီးသွားရောက်လှူဒါန်းခဲ့ကြောင်း ဦးခင်မောင်အေးက နိရဉ္စရာသို့ ပြောသည်။
အလှူပစ္စည်းများကို မောင်တောမြို့ လေးမိုင်ရှိအမှတ် ၂ ရဲတပ်ရင်းတွင်ခိုလှုံနေကြသော မိသားစု ၁၇ စု ၊ ကန်သာယာအလယ်ရွာဘုန်းတော်ကြီးကျောင်းတွင်ခိုလှုံနေကြသော မိသားစု ၂၅ စု ၊ ကင်းချောင်း ကျေးရွာဘုန်းတော်ကြီးကျောင်းတွင်ခိုလှုံနေကြသော မိသားစု ၁၃ စု ကိုယ်ရင်လေးတစ်ပါး ၊ ကညင်ချောင်း ရဲကင်းတွင် ခိုလှုံနေကြသောမိသားစု ၁၇ စုတို့အား ၂၀၁၄ ခု မတ်လ ၈ ရက်နေ့မှ ၉ ရက်နေ့ထိ အမျိုးသမီးလူမှုကူညီရေးအသင်း ( မြတ်လေးအဖွဲ့ ) မှ ဥက္ကဌ ဒေါ်ခင်ဦးတို့ ဦးဆောင်သော အဖွဲ့နှင့်အတူ ဦးခင်မောင်အေးကိုယ်တိုင်ကြီးကြပ်ပြီး သွားရောက်လှူဒါန်းခဲ့ကြသည်ဟု ဆိုသည်။

အလှူပစ္စည်းများကို တစ်မိသားစုလျှင် ဆန်အိတ်တစ်ဝက် ၊ ဆီ ၁ လီတာ နှင့် ငွေသား ၅၀၀၀ ကျပ်စီ လှူဒါန်းခဲ့ကြသည်။
ထို့အပြင်နောက်ထပ်ကျန်ရှိနေသော ဒုက္ခသည်များအလှူဒါန်းနိုင်ရန်အတွက်လည်း စာရင်းများပြုစု ကောက်ယူကာ အလှူငွေများကိုလည်း ဆက်လက်ကောက်ခံရှာဖွေနေကြောင်း ဦးခင်မောင်အေးက ဆက်လက် ပြောသည်။
ဆက်လက်ပြီး ၄င်းရွှေ့ပြောင်းဒုက္ခသည်များအတွက် အလှူငွေများနှင့် အလှူပစ္စည်းများ လှုဒါန်း လိုပါက အလှူရှင်များအနေဖြင့် အောက်ပါပုဂ္ဂိုလ်များထံသို့ ဆက်သွယ်လှူဒါန်းနိုင်ကြောင်း သတင်း ရရှိသည်။
ဦးနေစိုး ၀၉၇၃၀၉၅၆၃၁ (ရန်ကုန်)
ဦးခင်မောင်သန်း ၀၉၃၁၀၅၉၆၉၇ (ရန်ကုန် )  နိရဉ္စရာ-

မောင်တော ဒုချီးရားတန်းတွင် ထပ်မံ မီးလောင်၍ အိမ်ခြေ ၁၂လုံး မီးထဲပါ

( ၉ မတ်လ ၂၀၁၄) / မောင်အေး

ဇန္န၀ါရီလ ၂၈ ရက်နေ့က ပထမ အကြိမ် ဒုချီးရားတန်းတွင် မီးလောင်နေစဉ်။

ရခိုင်ပြည်နယ် မောင်တောမြို့နယ် ဒုချီးရားတန်း အနောက်ရွာတွင် ယနေ့ နံနက်က မီးလောင်မူ ထပ်မံဖြစ်ပွားခဲ့ရာ အိမ်ခြေ ၁၂ လုံး မီးထဲပါသွားသည်ဟု ကျေးရွာ အုပ်ချုပ်ရေးမှူး တစ်ဦးက နိရဉ္စရာသို့ ပြောသည်။
“ မီးက ရှို့မီးဖြစ်တယ်လို့ သိရပါတယ်။ ဘင်္ဂလီတွေက ကိုယ်ဟာကိုယ် ရှို့တာပါ” ဟု သူက ဆိုသည်။
ယနေ့နံနက် ၁၀ နာရီခန့်တွင် စလောင်ကျွမ်းခဲ့ခြင်း ဖြစ်ကြောင်း သူက ပြောသည်။
“ မီလောင်တာက ၁၀ နာရီခန့်ကလောင်တာပါ။ မီးလောင်တာ နာရီဝက်ခန့်ရှိပါမယ်။ အပြင်လူတွေ ရွာကိုဝင်ခွင့်မရဘူး” ဟု ဆိုသည်။
မီးလောင်မှုမှာ မှန်ကန်ကြောင်း မောင်တောမြို့မှ တာဝန်ရှိသူ တစ်ဦးကလည်း အတည်ပြု ပြောကြားသည်။
“မီးလောင်တာဟုတ်ပါတယ်။ လူမနေတဲ့ နေအိမ်တစ်လုံးက စလောင်တယ်လို့ သတင်းရတယ်။ အသေးစိတ် ကိုတော့ ကျွန်တော်တို့မသိရသေးဘူး” ဟုဆိုသည်။
ယမန်နေ့ နေ့လည်ပိုင်း စစ်တွေအနီးရှိ ဘင်္ဂလီ ဒါးပိုင်ရွာတွင် ဖြစ် ပွားခဲ့သည့် မီးလောင်မှုတွင် အိမ်ခြေ ၃၆ လုံးမီးထဲပါသွားသည်။
လွန်ခဲ့သည့် ဇန်န၀ါရီလ ၁၃ ရက်နေ့ကလည်း ဒုချီးရားတန်း အလယ်ရွာတွင် ကင်းလှည့်နေသည့် ရဲတပ်ဖွဲ့တစ်ဖွဲ့ကို ဘင်္ဂလီ လူစုတစ်ခုမှ အကြမ်းဖက် တိုက်ခိုက်ခဲ့သဖြင့်  ရဲတပ်ကြပ်ကြီး အောင်ကျော်သိန်းမှာ သူကိုင်ဆောင်သည့် လက်နက်နှင့်အတူ ယနေ့တိုင် ပျောက်ဆုံးနေ ဆဲဖြစ်သည်။
ယင်းအကြမ်းဖက်မှု ဖြစ်ပေါ်ပြီးနောက် ဇန်န၀ါရီလ ၂၈ ရက်နေ့ညတွင် ဒုချီးရားတန်း အနောက်ရွာတွင် ပမထအကြိမ် မီးလောင်မှုဖြစ် ပွားခဲ့သဖြင့် နေအိမ်ပေါင်း(၁၆) လုံး မီးထဲပါသွားခဲ့သည်။
အလားတူ ဖေဖော်ဝါရီလ ၂၈ ရက်နေ့ကလည်း သရေကုန်ဘောင် ဘင်္ဂလီရွာတွင် မီးလောင်မှုတစ်ခု ဖြစ်ပွားခဲ့ သည့်အတွက် နေအိမ်တလုံး မီးထဲပါသွားခဲ့သည်။
ယခု မီးလောင်မူသည် ဒုတိယ အကြိမ် ဒုချီးရားတန်း အနောက်ရွာတွင် ထပ်မံ လောင်ကျွမ်းခြင်း ဖြစ်သည်။
                                                  နိရဉ္စရာ-

“ရိုဟင်ဂျာဆိုသူများ၏လုပ်ဇာတ်နှင့်သမိုင်းဖြစ်ရပ်များ”အမည်ရှိကျမ်းတစောင်ကိုထိုင်းနိုင်ငံမှစတင်ဖြန့်ချီနေပါပြီ။

====================================
ဂျပန်နိုင်ငံ Kanda တက္ကသိုလ် နိုင်ငံတကာလေ့လာရေးဌာနမှ သမိုင်းပါမောက္ခ
ဒေါက်တာအေးချမ်းရေးသားသော“ရိုဟင်ဂျာဆိုသူများ၏လုပ်ဇာတ်နှင့်သမိုင်းဖြစ်ရပ်များ”အမည်ရှိကျမ်းတစောင်ကိုထိုင်းနိုင်ငံမှစတင်ဖြန့်ချီနေပါပြီ။ယခုအခါကုလားများကရခိုင်သမိုင်းကိုသူတို့သမိုင်းပါလို့အရှက်မရှိသမိုင်းလိမ်များကိုကမ္ဘာအနှံ့လိမ်လည်ဝါဒဖြန့်လျှက်ရှိနေပါသည်။ဤစာအုပ်မှာ ကုလားများအကြောင်းကိုပြောဆိုရာ လက်စွဲကျမ်းတစောင်ဖြစ် သလို ကျောင်းစာကြည့်တိုက်များတွင်လည်းရှိသင့်ရှိထိုက်သောစာအုပ်ကောင်းတခုဖြစ် ပါသည်။ထိုအတွက်မြန်မာနိုင်ငံသားများအနေဖြင့်ဘင်္ဂါလီကုလားများ၏လုပ်ဇာတ်၊သမိုင်း လိမ်များကိုသိရှိနိုင်ရန်လည်းကောင်း၊မိမိတို့သမိုင်းကိုမိမိကိုယ်တိုင်သိရှိနိုင်ရန်နှင့်မိမိပတ်ဝန်းကျင်ပါသိရှိနိုင်စေရန်အမျိုးသားရေးစိတ်ဓါတ်ဖြင့်ဝယ်ယူအားပေးကြပါရန်နှိုးဆော်အပ်ပါသည်။ယခုအခါUNအမျက်နှာဖုံးစွပ်OICမှထောက်ပံ့ငွေအမေရိကန်ဒေါ်လာသန်း(၆၀)ကိုလက်ရှိအစိုးရကလက်ခံကာသန်းခေါင်စာရင်းကောက်ခံရာ၌လူမျိုးနေရာတွင် “ရိုဟင်ဂျာ”
ဟုရေးသွင်းဖေါ်ပြခြင်းပြုရန်သဘောတူထားသည်ဟုသတင်းများထွက်ပေါ်နေပါသည်။ရိုဟင်ဂျာဆိုသောစကားလုံးသည်ခိုးဝင်လာသောစစ်တကောင်းသားဘင်္ဂါလီကုလားများ
နှင့်မပတ်သက်ကြောင်းကိုဤစာအုပ်တွင်ကျမ်းအကိုးအကားများစွာဖြင့်ထောက်ပြဝေဖန်ထားပါသည်။စာအုပ်ကိုဝယ်လိုသူများအနေဖြင့်အောက်ပါပုဂ္ဂိုလ်များထံဆက်သွယ်မှာယူနိုင်ပါသည်။တအုပ်လျှင်ထိုင်းဘတ် (၂၀၀)ဖြင့်ဝယ်ယူအားပေးနိုင်ပါသည်။
(၁) ဦးဌေးဝင်း၊ ဖုန်း-၀၈၆၉၃၆၈၇၂၁၊Email: arakannews@gmail.cim
(၂) ဦးကျော်အေးသိန်း၊ဖုန်း-၀၈၄၈၃၈၁၅၆၇၊Email: kyawcoral@gmail.com
(၃) ဦးဂန္ဓသာရ၊ ဖုန်း-၀၈၉၆၃၆၅၂၃၈၊Email: gandasara009@gmail.com
                                  
Arakan News Now  facebook မှ ကူးယူသည်

ဒေါက်တာအေးချမ်းဟောပြောပွဲ မတ်လ (၉) ရက်နေ့ရန်ကုန်မြို့တွင် ပြုလုပ်မည်

 ( ၈ မတ်လ ၂၀၁၄)/ခိုင်ထူးမြတ်

(ရန်ကုန်မြို့တွင် မတ်လ ၈ ရက်နေ့က ရခိုင်လူထုနှင့် တွေ့ဆုံနေသော ဆရာ ဒေါက်တာ အေးချမ်း)

ယမန်နေ့က ရန်ကုန်မြို့သို့ ရောက်ရှိလာသော ဒေါက်တာအေးချမ်းသည် “ ရခိုင်သမိုင်းမှ ပေးသောသင်ခန်းစာ” ခေါင်းစဉ်ဖြင့် ရန်ကုန်မြို့တွင် စာပေ ဟောပြော သွားမည်ဟု သိရသည်။
၎င်းစာပေဟောပြောပွဲကို ရန်ကုန်မြို့ ရွှေတိဂုံ အရှေ့ဘက်မုဒ်ရှိ ရခိုင်ဓမ္မာရုံတွင် မတ်လ ၉ ရက်နေ့ မွန်းလွဲ ၁၂ နာရီတွင်ပြုလုပ်သွားမည် ဖြစ်သည်။
စိတ်ပါဝင်စားသူမည်သူမဆိုတ က်ရောက်နိုင်ကြောင်း အစီအစဉ် ပြုလုပ်သူများက ပြောသည်။
ယင်းဟောပြောပွဲကို ရခိုင် လူမှုရေး နယ်ပယ် အဖွဲ့အစည်းအသီးသီးမှ ခေါင်းဆောင်များလည်း တက်ရောက်ကြမည်ဟု သိရှိရသည်။    နိရဉ္စရာ

အားနည်းချက်များကြောင့် သန်းခေါင်စာရင်းကောက်ယူမူ နိုင်ငံ၏ အချုပ်အချာအာဏာကို ထိပါးနိုင်ကြောင်း RNDP ကဆို

(  ၈ မတ်လ ၂၀၁၄) / မောင်အေး မြန်မာနိုင်ငံတွင် သန်းခေါင်စာရင်း ကောက်ယူရန် စီစဉ်နေရာ၌် အခြေခံ အားနည်းချက်များရှိနေသဖြင့် နိုင်ငံတော်၏ အချုပ်အချာအာဏာကို ထိပါးနိုင်ကြောင်း ရခိုင် တိုင်းရင်းသားများ တိုးတက်ရေးပါတီ RNDP က ထုတ်ပြန်သော သဘောထား ကျေညာချက်တွင် ဖေါ်ပြသည်။
ယင်းထုတ်ပြန်ကျေညာချက်ကို မတ်လ ၄ ရက်နေ့က ထုတ်ပြန်ချက်အမှတ် ၂/၂၀၁၄ ဖြင့် ထုတ်ပြန်လိုက် ခြင်းဖြစ်သည်။
ထုတ်ပြန်ချက်ထဲတွင် လာမည့် ဧပြီလ မြန်မာတစ်နိုင်ငံလုံး လူဦးရေသန်းခေါင်စာရင်း ကောက်ယူရာ၌ အခြေခံအားနည်းချက်များ ရှိနေသဖြင့် ပြည်ထောင်စုမြန်မာနိုင်ငံ၏ အချုပ်အချာအာဏာကို ကြီးစွာ ထိခိုက်စေနိုင်သည့် သန်းခေါင်စာရင်း ကောက်ယူသည့်စနစ် ဖြစ်သည်ကို လေ့လာတွေ့ရှိရသည်ဟု ဖေါ်ပြသည်။
ယင်းအပြင် လူ့အခွင့်အရေးဦးစားပေး သန်းခေါင်စာရင်းကောက်ရန် နိုင်ငံတကာထောက်ပံ့ငွေကို လက်ခံပြီး ခိုးဝင်ဘင်္ဂါလီများအား လူဦးရေစာရင်းကောက်ယူခြင်းမှာ နိုင်ငံတကာနှင့် ပြေလည်ရေးကို ဦးစားပေးသော အစီအစဉ်သာဖြစ်သဖြင့် ဒို့တာဝန် အရေးသုံးပါးကို မျက်ကွယ်ပြုရာရောက်ပါကြောင်း သဘောထား ထုတ်ပြန်ချက်က ဆိုသည်။
ယင်းကဲ့သို့ ဒို့တာဝန် အရေးသုံးပါးကို မျက်ကွယ်ပြုပြီး သန်းခေါင်စာရင်းကောက် ယူပါက ကောင်းကျိုးထက် ဆိုးကျိုးသာ ပိုများနိုင်ကြောင်း RNDP ပါတီ အတွင်း ရေးမှူး အဖွဲ့ဝင် ဦးခိုင်ပြည်စိုးက ပြောသည်။
“ သန်းခေါင်စာရင်းကောက်ယူရေး ဇယားကွက်လပ်မှာ အခြားဆိုတဲ့နေရာတခုပါတယ်။ အဲဒီနေရာမှာ လူ့အခွင့် အရေးအရ မိမိကြိုက်နှစ်သက်ရာ နာမည်ကိုထည့်လို့ရတယ်လို့ပါတယ်။ အဲဒီ ကြိုက်နှစ်သက်ရာကို ထည့်လို့ရ တယ်ဆိုရင် ဒီကနေ့ ကျွန်တော်တို့ရခိုင်ပြည်နယ်မှာ ဘင်္ဂလီတွေက သူတို့ဘာသာသူတို့ ခေါ်ဆိုနေတဲ့ ရိုဟင်ဂျာဆိုတဲ့ နာမည်ကို သုံးပြီး လူဦးရေ စာရင်းတခု ပေါ်ပေါက်လာရင် တချိန်ချိန်မှာ ရခိုင် ပြည်နယ်မှာ ပြဿနာပေါင်းစုံ ပေါ်လာနိုင်ပါတယ်” ဟု သူက ဆိုသည်။
ယင်းသဘောထားထုတ်ပြန်ချက်တွင် “ အတိတ်ကာလမှ နိုင်ငံတကာနှင့် ပြေလည်ရေး နိုင်ငံဘဏ္ဍာငွေ မသုံးစွဲရရေးကို ဦးစားပေး၍ ပေါ့ပေါ့တန်တန် ဖြေရှင်းခဲ့မှုများကြောင့် တရားမ၀င် လူဦးရေဖောင်းပွမှုဒဏ်နှင့် လူမျိုးအတုအမည် ဖန်တီးမှု ဆိုးကျိုးကို ၂၀၁၂-ခုနှစ်တွင် ရခိုင်လူမျိူးများ ခါးစည်း၍ ခံခဲ့ပြီးဖြစ်ကြောင်း၊  ထို သန်းခေါင် စာရင်း ကောက်ယူခြင်းသည် ပြည်ထောင်စု မြန်မာနိုင်ငံအတွင်းရှိ လူဦးရေ စာရင်းဇယား အတိအကျ ရရှိရေးကိုသာ ရည်ရွယ်သည် ဟု ဆိုစေကာမူ “အခြား” ဆိုသည့် ဇယားကွက်လပ်၌ လူ့အခွင့်အရေးအရ မိမိကြိုက်နှစ်သက်ရာ ထည့်သွင်းနိုင်သည် ဟု ဆိုခြင်းနှင့် ပတ်သက်၍ နောက်နောင် မလိုလားအပ်သည့် ပဋိပက္ခများ ပေါ်ပေါက်လာနိုင်ကြောင်း”  ဖေါ်ပြသည်။
“ ကျွန်တော်တို့ ပြောလိုတာက သန်းခေါင်စာရင်းကောက်ခြင်းဟာ လူဦးရေအတိအကျ စာရင်းကိုရဖို့ဆို တာ တစ်ခုကို အခြေခံရမယ်။ နောက်တချက်က တိုင်းရင်းသားလူမျိုးတွေ မိမိလူမျိုးကို မိမိအခြေခံပြီးထည့်ရမယ်။ နိုင်ငံခြားသားတွေဆိုရင် နိုင်ငံခြားသားဖြစ်ကြောင်းကို ဥပမာ၊ ထိုင်းဆိုရင်ထိုင်း၊ ဘင်္ဂလီဆိုရင် ဘင်္ဂလီ၊ တရုတ် ဆိုလည်း တရုတ် အဲလိုနာမည်တွေကိုထည့်ပြီး သုံးနှုန်းရမယ်။ တခြားဆိုတဲ့နေရာမှာ မိမိကြိုက်နှစ်သက်ရာ နာမည်ကို ထည့်လို့ မရဆိုပြီး ကျွန်တော်တို့က ကန့်ကွက်ထားပါတယ်” ဟု သူက ဆက်ဆိုသည်။
RNDP သဘောထား ကျေညာချက်ထဲတွင် ရခိုင်ပြည်နယ်၌ ဘင်္ဂါလီများအား သန်းခေါင်စာရင်း ကောက်ယူရာတွင် “အခြား” ဆိုသည့် ကွက်လပ်ဇယား နေရာ၌ “ဘင်္ဂါလီ” ဟုသာ ထည့်သွင်းရမည် (သို့မဟုတ်) ကုဒ်နံပါတ်တစ်ခုခုကို တိတိကျကျ သတ်မှတ်ပေးရမည် ဖြစ်သည်။ “ရိုဟင်ဂျာ” ဆိုသော လူမျိုးလိမ်နာမည်ကို (လုံးဝ) သုံးခွင့်မပြုရန် တောင်းဆိုကြောင်း ဖေါ်ပြသည်။
၎င်းအပြင် ရခိုင်ပြည်နယ် (၁၀) မြို့နယ်အတွင်းရှိ ဘင်္ဂါလီများအားစာရင်းကောက်ယူရန် ဘင်္ဂါလီလူမျိုး စာရင်းကောက် စာရင်းစစ် (၁၃၀၂) ဦးကို လက်သိပ်ထိုး တာဝန်ပေးထားသည် ဟု သိရှိရသည်။ ထိုကဲ့သို့ နိုင်ငံသားဖြစ်မှု/မဖြစ်မှု မသေချာသူများက ကောက်ယူပြုစုပေးသည့် ဘင်္ဂါလီ လူဦးရေစာရင်းကို RNDP ပါတီက လုံးဝ အသိအမှတ်ပြုလိမ့်မည် မဟုတ်ဟု ဆိုသည်။
ဆက်လက်ပြီး ခိုးဝင်ဘင်္ဂါလီများနှင့် ပတ်သက်၍ နိုင်ငံတော်က လုပ်ဆောင်ရမည့် တာဝန်မှာ၊ ရခိုင်ပြည်သူများ နှင့် ပြည်ထောင်စု မြန်မာနိုင်ငံရှိ ရဟန်းရှင်လူ ပြည်သူတစ်ရပ်လုံးက တောင်းဆို ထားကြသည့် အတိုင်း၊ ၁၉၈၂-ခုနှစ် မြန်မာနိုင်ငံသား ဖြစ်ခွင့်ဥပဒေ နှင့် စစ်ဆေးပြီး နိုင်ငံသားဖြစ်ခွင့်မရှိသူများကို တိတိကျကျ အရေးယူရန် ဖြစ်သည်။ ထိုကဲ့သို့ လုပ်ဆောင်အရေးယူရန် အလေးအနက် တိုက်တွန်းကြောင်းဖေါ်ပြသည်။
နောက်ဆုံးပိုဒ်အနေဖြင့် ကျေညာချက်တွင် ဖေါ်ပြရာ ဤကဲ့သို့ လက်မခံနိုင်သည့် နည်းစနစ်များဖြင့် သန်းခေါင်စာရင်းကောက်ယူမှုကို RNDP ပါတီက ကန့်ကွက်သည်။ လိုအပ်သည်များကို အချိန်မီ ပြန်လည်ဖြည့်စွက် ပြင်ဆင်ပေးရန် RNDP ပါတီက အလေးအနက် တောင်းဆိုသည်ဟု ပါရှိသည်။
                                              နိရဉ္စရာ-

ရခိုင် အမျိုးသားညီလာခံကျင်းပရေး ဆပ်ကော်မီတီ ကျောက်ဖြူတွင် ဖွဲ့စည်း

( ၈ မတ်လ ၂၀၁၄)/ မျိုးချစ်နိုင် (ကျောက်ဖြူ) ဧပြီလ ၂၇ ရက်နေ့ ၌ ကျင်းပ ပြုလုပ်မည့် ရခိုင်ညီလာခံအတွက် ကျင်းပရေး  ဆပ်ကော်မီတီ တစ်ခုကို ရခိုင်ပြည်နယ် ကျောက်ဖြူတွင် ယမန်နေ့က  ဖွဲ့စည်းခဲ့ကြသည်ဟု သတင်း ရရှိသည်။
ယမန်နေ့ နေ့လယ် ၁ နာရီက ကျောက်ဖြူမြို့ သာသနာ့ဗိမာန်တွင် ပြုလုပ်ခဲ့သော ကျောက်ဖြူမြို့လူထု အစည်းအဝေးတွင် ထိုသို့ ဆပ်ကော်မီတီကို တက်ရောက်သူများ၏ သဘောဆန္ဒဖြင့် ဖွဲ့စည်းခဲ့ကြသည်ဟု သိရသည်။
၎င်းအခမ်းအနားသို့  လူပေါင်း ၁၁၀ တက်ရောက်ခဲ့ကြပြီး ရခိုင်အမျိုးသားညီလာခံ ကျင်းပဖြစ်မြောက်ရေး ဆပ်ကော်မီတီကို အောက်ပါအတိုင်း လူပေါင်း ၃၁ ဦးဖြင့် ဖွဲ့စည်းခဲ့ကြသည်။
ပါဝင်သူများမှာ ၁။ ဦးထွန်းလွင် (စေတီတောင်) ၂။ ဦးကျော်ငြိမ်း (အလယ်ပိုင်း) ၃။ ဦးသိန်းဇော် (ဇင်ချောင်း) ၄။ ဦးလှမျိုးကျော် (အလယ်ပိုင်း)  ၅။ ဒေါက်တာထွန်းမြင့် (အလယ်ပိုင်း) ၆။ ဦးမောင်မောင်အောင်  မြစ်နားတန်း ၇။ ဦးခင်မောင်ချို (သန်ပန်တန်း) ၈။ ဦးဝင်းတင်(ကားဂိတ်) ၉။ ဦးလှမြင့်အောင်(မြစ်နားတန်း) ၁၀။ ဦးဖိုးစံ (အနောက်ပိုင်း) ၁၁။ ဦးမင်းနောင် (ကားဂိတ်) ၁၂။ ဦးအောင်ပေါ်ထွန်း (အလယ်ပိုင်း) ၁၃။ ဒေါ်အေးခင် (အရာရှိ) ၁၄။ ဦးလှတင်အောင် (စေတီတောင်) ၁၅။ ဦးစိုးရွှေ(စေတီတောင်) ၁၆။ ဦးငြိမ်းချမ်းမောင်(အရှေ့ပိုင်း) ၁၇။ဦးထွန်းနိုင် (စေတီတောင်) ၁၈။ ဦးမောင်သန်းအေး(အနောက်ပိုင်း) ၁၉။ဦးရွှေမောင်ကြီး(အရာရှိ) ၂၀။ဦးကိုအေး (မြစ်နားတန်း)၂၁။ဦးထွန်းထွန်းနိုင်(စေတီတောင်)၂၂။ဦးကျော်စွာ( ကျော်ကဖီး) ၂၃။ကိုရန်မျိုးအောင် (သန်ပန်ချောင်း) ၂၄။ဦးမြင့်လှိုင် (အနောက်ပိုင်း) ၂၅။ဦးမြင့်လှိုင်(အနောက်ပိုင်း) ၂၆။ဦးအောင်အောင် (ဂုံးချွိန်) ၂၇။ ဦးတင်အောင်စိုး(မေဖုန်းမိုရ်) ၂၈။ဦးစန်း(ဈေးနား) ၂၉။ ဦးခင်အေးမောင် (အလယ်ပိုင်း) ၃၀။ ဦးခင်မောင်သိန်း(အနောက်ပိုင်း) ၃၁။ ဦးဘခင်ဖြူ (ဟိုတယ်ကျောက်ဖြူ) တို့ ဖြစ်ကြသည်။
 ထိုအထဲမှ ဦးကျော်ငြိမ်းအား ဥက္ကဌ အဖြစ်၎င်း၊ ဦးထွန်းလွှင်အား ဒုဥက္ကဌ အဖြစ်၎င်း၊ အထွေထွေ အတွင်းရေးမှူး  အဖြစ်၊ ဦးလှမျိုးကျော်အား၎င်း၊ တည်းခိုရေးနှင့်နေရာချထားရေးကော်မတီ တာဝန်ခံအဖြစ် ဦးကျော်စွာအား၎င်း၊  အခမ်းအနားပြင်ဆင်ရေးကော်မတီ တာဝန်ခံအဖြစ် ဦးမောင်မောင်အောင်(ခ)ဗလကြီး အား၎င်း၊ ကျန်းမာရေး ကော်မတီ တာဝန်ခံ အဖြစ် ဒေါက်တာထွန်းဝင်းအား၎င်း၊ ကျွေးမွေးရေးကော်မတီ တာဝန်ခံအဖြစ် ဦးကိုအေး၊ လုံခြုံရေးကော်မတီ ဦးမြင့်လှိုင်၊ သယ်ယူပို့ဆောင်ရေးကော်မတီ ကိုမင်းနောင် အား၎င်း ရွှေးချယ်တင်မြှောက်ခဲ့ကြသည်ဟု သိရသည်  နိရဉ္စရာ-

NCCT မှ ဦးနိုင်ဟံသာနှင့် ရက္ခိုင်တပ်မတော်မှ ဒုဗိုလ်မှူးကြီးကျော်ဟန်တို့ ရန်ကုန်မြို့ကို ရောက်ရှိ

( ၇ မတ်လ ၂၀၁၄) မြန်မာ အစိုးရနဲ့ ဆွေးနွေးဖို့ အတွက် တစ်နိုင်ငံလုံးဆိုင်ရာ အပစ်အခတ် ညှိနိုင်းရေးအဖွဲ့ NCCT ရဲ့ ခေါင်းဆောင် ဦးနိုင်ဟန်သာနဲ့ ရက္ခိုင်တပ်မတော်က ဒုဗိုလ်မှူးကြီးကျော်ဟန်တို့ဟာ ဒီကနေ့ တာချီလိတ်ကနေ ရန်ကုန်မြို့ကို ရောက်ရှိလာပါတယ်။
သူတို့အဖွဲ့ကို ရခိုင်အမျိုးသား ၁၀၀ နီးပါးခန့်က လေဆိပ်မှာ ပိုစတာတွေ၊ ပန်းစည်းတွေကို ကိုင်ပြီး ကြိုဆို နုတ်ဆက်ခဲ့ကြပါတယ်။
သူတို့ရောက်ရှိလာတဲ့ အချိန်မှာတော့ သက်ဆိုင်ရာ အာဏာပိုင်တွေက လေဆိပ်ကြိုဆိုနေသူတွေကို ရှောင်ကွင်းပြီး လေဆိပ် VIP အခန်းကနေ ခေါ်ထုတ်သွားတဲ့ အတွက် ကြိုဆိုသူတွေနဲ့ လွဲသွားခဲ့ပါတယ်။
ဒါပေမယ့်လည်း ဦးနိုင်ဟံသာနဲ့ ဒုဗိုလ်မှူးကြီးကျော်ဟန်တို့ဟာ လေဆိပ် အ၀မှာ ကြိုဆိုနေတဲ့ ရခိုင်အမျိုးသား အမျိုးသမီးတွေဆီကို လာရောက်နုတ်ဆက်ခဲ့ကြပါတယ်။  ကြိုဆိုနေကြတဲ့ ရခိုင်အမျိုးသမီးတွေကတော့ ပန်းစည်းတွေကို ပေးအပ်ခဲ့ကြပါတယ်။
အဖွဲ့ခေါင်းဆောင်ဦးနိုင်ဟန်သာကတော့ သူတို့အဖွဲ့ဟာ လောခီးလာ တိုင်းရင်းသား လက်နက်ကိုင် အဖွဲ့တွေရဲ့ ညီလာခံကနေ ထွက်ရှိလာတဲ့ ဆုံးဖြတ်ချက်တွေကို အစိုးရကို တင်ပြထားတဲ့ အတွက် ဒီအပေါ်မှာ အစိုးရရဲ့ တုန့်ပြန်မူတွေ ဘယ်လို ရှိမလဲဆိုတာကို လာရောက်နားထောင်တာ ဖြစ်တယ်လို့ ပြောဆိုသွားပါတယ်။
သူတို့အဖွဲ့မှာ ကိုယ်စားလှယ် ၁၂ ဦး ပါဝင်မှာ ဖြစ်ပြီး  ၉ ရက်နဲ့ ၁၀ ရက်နေ့တွေမှာ အစိုးရတာဝန်ရှိသူတွေ၊ မြန်မာငြိမ်းချမ်းရေး စင်တာက တာဝန်ရှိသူတွေနဲ့ တွေ့ဆုံ ဆွေးနွေးသွားမယ်လို့ သိရပါတယ်။ ၁၁ ရက်နဲ့ ၁၂ ရက်နေ့တွေမှာတော့ နိုင်ငံခြား သံတမန်တွေ၊ နိုင်ငံရေး ပါတီတွေနဲ့  အရပ်ဘက်က ခေါင်းဆောင်တွေနဲ့ တွေ့ဆုံ ဆွေးနွေး သွားမယ်လို့ ပြောပါတယ်။
                                           နိရဉ္စရာ-

OIC ဘင်္ဂလာဒေ့ခ်ျနိုင်ငံကို လာမည်

( ၇ မတ်လ ၂၀၁၄) / မောင်အေး OIC ခေါ် အစ္စလာမ်နိုင်ငံများ ပူးပေါင်းဆောင်ရွက်ရေး ကိုယ်စားလှယ် အဖွဲ့ တစ်ခုသည် မတ်လ ၄ ရက်နေ့တွင် မြန်မာ့အိမ်နီးချင်း ဘင်္ဂလာဒေခ်ျ့သို့ ရောက်ရှိမည်ဟု သတင်း ရရှိသည်။
၎င်းအဖွဲ့တွင် အဖွဲ့ဝင် ၅ ဦးပါဝင်မည်ဖြစ်ပြီး အိုင်ယက်အာမီမာဒါနီ ဦးဆောင်မည်ဟု ဘင်္ဂလာက သတင်းများတွင် ဖေါ်ပြသည်။
၎ ရက်ကြာမည့် သူတို့၏ ခရီးစဉ်အတွင်း ဘင်္ဂလားဒေ့ခ်ျနိုင်ငံဝန်ကြီးချုပ်၊ ပညာရေးဝန်ကြီး၊ ဘဏ္ဍာရေးဝန်ကြီးတို့နှင့် တွေ့ဆုံသွားမည်ဖြစ်ကြောင်း ဘင်္ဂလားအာဏာပိုင်များက ထုတ်ဖော် ပြောဆိုသည်။
OIC ကိုယ်စားလှယ် အဖွဲ့အား ဦးဆောင်သူ အိုင်ယက်အာမီမာဒါနီသည် ဆော်ဒီနိုင်ငံသားဖြစ်ပြီး ယခုလက်ရှိ OIC အဖွဲ့အကြီးအကဲရာထူးကို လွန်ခဲ့သည့်နှစ် ဇန်န၀ါရီလက ရရှိလာသူ ဖြစ်ကြောင်း သိရသည်။
အိုင်ယက်အာမီမာဒါနီမှာ OIC အဖွဲ့အကြီးအကဲဖြစ်ပြီးနောက် ယခုဘင်္ဂလာဒေခ်ျ့  ခရီးစဉ်သည် ပထမဆုံး အကြိမ်ဖြစ်ကြောင်း သတင်းများက ဆိုသည်။          နိရဉ္စရာ-

ရခိုင်အမျိုးသားပါတီ ANP ပါတီဖွဲ့စည်းတည်ထောင်ခွင့်ရပြီ

(နိရဉ္စရာ- ၇ မတ်ခ ၂၀၁၄) / မောင်အေး ရခိုင်အမျိုးသားပါတီ (Arakan National Party) တည်ထောင်ခွင့်ကို ယမန်နေ့ညနေပိုင်းတွင် မြန်မာနိုင်ငံရွေး ကောက်ပွဲ ကော်မရှင်မှ ခွင့်ပြုလိုက်ပြီဖြစ်ကြောင်း ရခိုင်တိုင်းရင်းသားများ တိုးတက်ရေးပါတီ ဥက္ကဌ ဒေါက်တာ အေးမောင်က အတည်ပြုပြောကြားသည်။
ရခိုင်အမျိုးသားပါတီ တည်ထောင်ခွင့်ပြုကြောင်း ဖုန်းနှင့် ဆက်သွယ်အကြောင်းကြားလာခြင်း ဖြစ်ကြောင်း ဒေါက်တာအေးမောင်က ယခုကဲ့သို့ပြောသည်။
“ ဟုတ်ပါတယ်။ မနေ့က ညနေ ၃ နာရီကျော်မှာ ရွေးကောက်ပွဲကော်မရှင်က RNDP ပါတီနဲ့ ALD ပါတီကို ဖျက် သိမ်းခွင့်ပြုပြီး ရခိုင်အမျိုးသားပါတီ တည်ထောင်ခွင့်ပြုတယ်လို့ အကြောင်းကြားလာပါတယ်” ဟု ဆိုသည်။
ယခုကဲ့သို့ ရခိုင်အမျိုးသားပါတီဖွဲ့စည်းခွင့်ကျလာသည့်အတွက် ယခင်ကထက်လုပ်စရာပိုများလာပြီး အစစ အရာရာ ဆင်ခြင်သတိထားဖို့လိုလာကြောင်းလည်း ဒေါက်တာအေးမောင်က ပြောသည်။
“ ရခိုင်အမျိုးသားပါတီ တခုတည်းဖြစ်လာတဲ့အချိန်မှာ ဥပဒေဘောင်အထဲက သေသေချာချာ သွားဖို့လိုလာ တယ်။ အပြောအဆိုကအစ စီစစ်သုံးသပ်ဖို့လိုလာတယ်။ တစ်ခုတည်းသော အမျိုးသားပါတီကို ကျွန်တော်တို့ အဖျက်သိမ်းမခံနိုင်ဘူး။ ဒါကြောင့် ကျွန်တော်တို့မှာ စည်းလုံးမှု ပိုလိုလာတယ်။ တကယ်စစ်မှန်တဲ့ ရခိုင်အမျိုး သားပါတီတစ်ခုလုပ်ဖို့ ကျွန်တော်တို့မှာ လိုလာပါတယ်” ဟု ဆိုသည်။
ယခုကဲ့သို့ ခွင့်ပြုချက်ကျလာခြင်းသည် ရဟန်းရှင်လူ ပြည်သူများနှင့်လက်တွဲပြီး  ရခိုင်ပြည်နှင့် နိုင်ငံရေး အနာဂတ်ကို နည်းမှန်လမ်းမှန် တစ်ဆင့်ချင်း တည်ဆောက်ရန်အတွက် ရွေးကောက်ပွဲ ကော်မရှင်မှ ပထမဆုံး ခြေလှမ်းအဖြစ် ခွင့်ပြုလိုက်ခြင်းဖြစ်ကြောင်းလည်း သူကပြောသည်။
ANP ပါတီအနေနှင့် ပထမဆုံး လုပ်သင့်သည့် လုပ်ငန်းတချို့ကိုလည်း ဒေါက်တာအေးမောင်က ယခုကဲ့သို့ ပြောသည်။
“ ကျွန်တော်တို့ ပထဆုံးလုပ်သင့်တာက နယ်တချို့မှာ RNDP-ALD ရုံးတွေရှိတယ်။ ဒါတွေကို ရခိုင်အမျိုးသား ပါတီရုံးတွေဖြစ်လာအောင် အချိန်တခုသတ်မှတ်ပြီး လုပ်သင့်တယ်။ ကျွန်တော်တို့ ANP ပါတီမှာပါတဲ့ ပုဂ္ဂိုလ် တွေ အစုအစုဖွဲ့ပြီး စည်းရုံးရေးဆင်းပြီးတော့ ANPကို ပြည်သူတွေနဲ့စတင် ထိတွေ့ပေးသင့်တယ်။ ပြီးတော့ ANP ပါတီအပြင် တတိယအင်အားစု တခုကိုဖိတ်ခေါ်ပြီး အားလုံးသော မြို့နယ်တခုစီ ရခိုင်အမျိုးသား ပါတီဝင် အဖြစ် အသိမှတ်ပြုပြီး အဲဒီလူတွေက တင်မြောက်တဲ့ ရခိုင်အမျိုးသားပါတီ မြို့နယ်အလုပ်မှုဆောင် အဖွဲ့ကို တင်မြောက်နိုင်မယ်။ အဲဒီ တင်မြောက်တဲ့ကိုယ်စားလှယ်တွေထဲက လာမည့် ပထမဆုံး ရခိုင်အမျိုးသား ညီလာ ခံကို တက်ရောက်ဖို့ မြို့နယ်ကိုယ်စားပြု ကိုယ်စားလှယ်တွေကို အချိန်တိုအတွင်းမှာ လုပ်ပေးရမှာ ဖြစ်တယ်။”
ယခုကဲ့သို့ ရခိုင်အမျိုးသားပါတီ ဖြစ်ပေါ်လာရန်အတွက် အဘက်ဘက်မှ တွန်းအားပေးတောင်းဆိုခဲ့ကြသည့် ရဟန်းရှင်လူ ပြည်သူများကိုလည်း ကျေးဇူးတင်ကြောင်း ဒေါက်တာ အေးမောင်က ယခုကဲ့သို့ ဆက်ပြောသည်။
“ ကျွန်တော်တို့ ပြည်သူလူထုကို ကျေးဇူးတင်ပါတယ်။ ပြည်သူတွေဟာ ကျွန်တော်တို့ထက် အများကြီး နိုင်ငံ ရေး အမြင်ရှိပါတယ်။ ပြည်သူတွေထဲမှာ အသက်အရွယ်ကြီးရင့်သူတွေ၊ နိုင်ငံရေးဝါရင့်တဲ့ ပုဂ္ဂိုလ်တွေ အများကြီး ရှိပါတယ်။ သူတို့ရဲ့အတွေ့အကြုံတွေအများကြီးရှိတယ်။ ရခိုင်အမျိုးသား ပါတီတည်ထောင်နိုင်အောင် အကြံ ပေး တိုက်တွန်း တောင်းဆိုတဲ့သူအားလုံးကို ကျေးဇူးတင်ပါတယ်။
ကျွန်တော်တို့လည်း ခြေလှမ်းမှန်မှန်နဲ့ လှမ်း ပြီး နောက်တက်လာမဲ့ မျိုးဆက်သစ်တွေကို လက်ပြောင်းလက်လွဲလုပ်နိုင်မယ်လို့လည်း ကျွန်တော်ယုံ ကြည်ပါ တယ်။”
ရခိုင်ဒီမိုကရေစီအဖွဲ့ချုပ် ALD နှင့် ရခိုင်တိုင်းရင်းသားများ တိုးတက်ရေးပါတီ RNDP ကိုဖျက်သိမ်းပြီး ရခိုင် အမျိုးသားပါတီ (ANP) တည်ထောင်ရန် နှစ်ဘက်ပါတီခေါင်းဆောင်များက ၂၀၁၃ ခုနှစ် ဇွန်လ ၁၇ ရက်နေ့ တွင် သဘောတူ လက်မှတ်ရေးထိုးခဲ့ကြသည်။        နိရဉ္စရာ-

ဘင်္ဂလာဒေခ်ျ့ စစ်တကောင်းဒေသမှ လူများစု ဗုဒ္ဓဘာသာဝင်များ လူနည်းစုဖြစ်သွားနိုင်ဖွယ်ရှိ

( ၇ မတ်လ ၂၀၁၄)

(ဗုဒ္ဓဘာသာဝင်အများစု နေထိုင်နေသော စစ်တကောင်းတောင်တန်းနယ်)

ဗုဒ္ဓဘာသာဝင်အများစု နေထိုင်နေသော စစ်တကောင်းတောင်းနယ်တွင် ယခုအခါ မြေပြန့်မှ ဘင်္ဂလီများ ၀င်ရောက်ပြောင်းရွှေ့ အခြေချနေထိုင်မူကြောင့် ဗုဒ္ဓဘာသာဝင်များ လူနည်းစု အဖြစ်သို့ များမကြာမီက ကျရောက်သွာံးနိုင်ကြောင်း ဒေသအတွင်းမှ လူနည်းစု လွှတ်တော်အမတ် တစ်ဦးက ထုတ်ဖေါ်ပြောကြားသည်။
၁၉၇၁ ခုနှစ် ဘင်္ဂလာဒေခ်ျ့ လွှတ်လပ်ရေး မတိုင်မှီ စစ်တကောင်း တောင်တန်းနယ်ရှိ ဘင်ဒရိုဘင် (ရွာတော်)၊ ခါကဆိုရီနှင့် ရန္ကာမတီ ခရိုင် (၃) ခုတွင် ဗုဒ္ဓဘာသာဝင်နှင့် တခြား လူနည်းစုများ၏ လူဦးရေမှာ ၇၅ ရာခိုင်နုန်း၊ မူဆလင် ဘဂီလီ လူဦးရေမှာ ၂၅ ရာခိုင်နုန်းရှိခဲ့ရာမှ အခုအခါလူဦးရေမှာ မတိမ်းမယိမ်း အခြေအနေသို့ ရောက်ရှိသွာပြီဟု သိရသည်။
ဗုဒ္ဓဘာသာ အများဆုံးနေထိုင်သော စစ်တကောင်း တောင်တန်းနယ်အတွင်းရှိ ခရိုင်သုံခုတွင်း ဗုဒ္ဓဘာသာ အပါဝင် လူနည်းစု လူဦးရေမှာ ၈၅၂၅၄၀ ဦးရှီပြီး၊ ပြောင်းရွှေ့ဝင်ရောက်နေထိုင်သူ  ဘင်္ဂလီ လူဦးရေမှာ ၇၆၁၄၄၉ ဦးရှိကြောင်း စစ်တကောင်းတောင်တန်းနယ် ကောင်စီ ဥက္ကဌ ဘီဘာဟာဒူရ် ခေါ် ဦးရွှေသိန်းက ပြောသည်။
တောင်တန်းနယ်အတွင်း ရှိနေသည့်  လူနည်းစုများပိုင်ဆိုင်သော လယ်မြေများနှင့် ဥယျာဉ်ခြံမြေများကို မြေပြန့်မှ အခြေချရန် ၀င်ရောက်လာသူ  ဘင်္ဂလီအများစုမှ အတင်းအဓမ္မ ၀င်ရောက် ကျူးကျော် သိမ်းယူထားခြင်း ၎င်းက ပြောဆိ်ုသည်။
စစ်တကောင်းတောင်တန်းနယ်ရှိ ဘင်ဒရိုဘင် (ရွာတော်)၊ ခါကဆိုရီ (ဖလံထောင်) နှင့် ရန္ကာမတီ (သက်ထောင်) ခရိုင် (၃) ခုအတွင်း မြေနေရာ အငြင်းပွားအများအပြား ပေါ်ပေါက်နေရာ ၎င်းပြဿနာကို ဖြေရှင်းပေးရန် အတွက် ဘင်္ဂလာအစိုးရမှ ၂၀၀၁ ခုမှ စတင် လုပ်ဆောင်ခဲ့သော်လည်း လက်တွေ့တွင် တစ်စုံတရာ အကောင် အထည်ဖော်နိုင်ခြင်း မရှိသေးဘဲဖြစ်နေကြောင်း သိရသည်။
ဖေဖော်ဝါရီလ ၂၅ ရက်နေ့က ဒါကာမြို့တွင် The Kapaeeng Foundation  က ပြုလုပ်သည့် အခမ်းအနားတခုတွင် စစ်တကောင်းတောင်တန်းဒေသတွင် ၂၀၁၂ ခုနှစ်တွင်း မြေယာသိမ်းယူမှု ပိုများပြားလာနေဟု ပြောဆိုကြောင်း  http://www.banglanews24.com ဆိုသည်။
၎င်းသတင်းတွင်ပင် လတ်တလော အတွင်း စစ်တကောင်းတောင်တန်းနယ်တွင်  အမျိုးသမီး ၄ ဦးအပါအ၀င် လူနည်းစု ၁၁ ဦးသတ်ဖြတ်ခံရပြီး လူနည်းစုပေါင်း ၄၁ ဦး မတရားသဖြင့်ဖမ်းဆီးခံရကာ ၃၄၆ မိသားစု ဖျက်ဆီးခံခဲ့ရသည်ဟု ဆိုသည်။
ယင်းပြင် လုယက်ခံရခံရပြီး အိမ်ထောင်စုပေါင်း ၄၇ ခု မီးရှို့ခံရကာ၊ မိသားစုပေါင်း ၄၀၀ မှ လူပေါင်း ၂၀၀၀ ကျော် ဘင်္ဂလား-အိန္ဒိယနယ်စပ်ကို ဖြတ်ကျော် ထွက်ပြေးခဲ့ရကြောင်း ဖော်ပြသည်။နိရဉ္စရာ-

facebook မှာ tag လုပ်ကာလေ ဖြေရှင်းဖို့ 

ကို facebookမှာ  လူတယောက်က  ကို့ ကို tag လုပ်လာပါက
အခု ပိုင် ဖြေချင်း ပါဖို့ 

ပြီးကေ (၂) ပုံ့ ကို ဆက်ကြည့် ပါ

အောက်မှာ သုံးက ပုံ မှာ ok ကိုနှစ်လိုက်ပါ

 ok နှစ်လိုက်စွာနှင့်    facebook ကို home ကို တခါနှစ်လိုက်ပါ  ပြီးကေ အခု နက tag လုပ်ထားရေ ပုံကို
တွိသိလား ရှာ ကြည့် ပါ   ...................   မတွိကေ ပျက်လား ပါ ယာ ကျေးဇူးတင်ပါရေ
                      ကျားနက်ကန်သားချေ

မြန်မာ ပြက္ခဒိန်

မြန်မာ ပြက္ခဒိန် ကို ကျွန်ပျူတာထဲမှာ  လိုချင်ရေ လူတိတွက် တင်းပီးလိုက်စော်ပါယာ
ဒေါင်း လို့  ယူချင်ကေ  အေမှာ  ယူပါယေ

ရခိုင်အမျိုးသားညီလာခံ အကြိုညှိနိုင်းဆွေးနွေးပွဲ ကျောက်ဖြူမြို့တွင် ပြုလုပ်

(  ၂ မတ်လ ၂၀၁၄)

ကျောက်ဖြူတွင် ညီလာခံအတွက် အကြိုညှိနိုင်းပွဲ ပြုလုပ်နေစဉ်။ (ဓါတ်ပုံ- နိရဉ္စရာ)

ရခိုင်အမျိုးသားညီလာခံ အကြိုညှိနိုင်းဆွေးနွေးပွဲကို ကျောက်ဖြူတွင် ယနေ့ နေ့လည်က ကျင်းပ ပြုလုပ်ခဲ့သည်။
၎င်းဆွေးနွေးပွဲကို ကျောက်ဖြူမြို့ မြို့တော်ခန်းမ (ရမ္မာဝတီခန်းမ) တွင် ကျင်းပပြုလုပ်ခဲ့ပြီး ဒေသခံ ပြည်သူ ၃၀၀ ကျော်တက်ရောက်ခဲ့သည်ဟု ကျောက်ဖြူရှိ နိရဉ္စရာ သတင်းထောက်က ပြောသည်။
အဖွင့်မိန်းခွန်း စကားကို ကျောက်ဖြူမြို့မှ ဆရာဦးညီလိူင်က ပြောကြားကြောင်း၊ ပြောကြားရာတွင် ကျောက်ဖြူမြို့ သမိုင်းနှင့် ရခိုင်ပြည်နယ် သမိုင်းကြောင်းများကို ရှင်းလင်း ပြောကြားကြောင်း၊ ရခိုင် အမျိုးသားညီလာခံကို ကျင်းပရန် လိုအပ်ကြောင်း စသည်တို့ကို ပြောဆိုခဲ့သည်ဟု သိရသည်။
ရခိုင် အမျိုးသားညီလာခံ ကျင်းပရမည့် ရည်ရွယ်ချက်ကို RNDP အထွေထွေ အတွင်းရေးမှူး ဦးလှစောမှ ရှင်းလင်းပြောကြားပြီး ညီလာခံ ကျင်းပရန် အဆင့်ဆင့် စီစဉ်ဆောင်ရွက်လာပုံနှင့် ဘဏ္ဍာရေး အခြေအနေများကို ALP အထွေထွေ အတွင်းရေးမှူး ခိုင်သုခမှ ရှင်းလင်း ပြောကြားသည်ဟု ဆိုသည်။

ရခိုင်အမျိုးသားညီလာခံ အကြိုညှိနိုင်းဆွေးနွေးပွဲကို ကျောက်ဖြူတွင် ယနေ့ နေ့လည်က ကျင်းပ ပြုလုပ်ခဲ့သည်။

ယင်းနောက်ပိုင်းတွင် ကျောက်ဖြူလူမူကွန်ယက် ဥက္ကဌ ဦးလှမြင့်ကျော်မှ ညီလာခံကျင်းပရေး ကော်မီတီ ဖွဲ့စည်းရန် အဆိုတင်သွင်းရာ တက်ရောက်လာသူများမှ တစ်ယောက်ပြီး တစ်ယောက် အဆိုပြု ဆွေးနွေးခဲ့သည်ဟု သိရသည်။
ညီလာခံ ကျင်းပရေး အတွက် ကျောက်ဖြူမြို့တွင် အဖွဲ့ဝင် (၃၀) ပါ ကော်မီတီ တစ်ရပ်ကိုလည်း လာမည့် (၁၀) ရက်အတွင်း ဖွဲ့စည်းရန်လည်း သဘောတူ ဆုံးဖြတ်ခဲ့ကြသည်ဟု ဆိုသည်။
အခမ်းအနားတွင် ကျောက်ဖြူလူထုမှ အမျိုးသားညီလာခံကို ကြိုဆိုခဲ့ကြပြီး ၀ိုင်းဝန်းကူညီရန် ကတိစကား ပြောဆိုခဲ့ကြသည်ဟု နိရဉ္စရာသတင်းထောက်က ပြောဆိုသည်။
အကြိုညှိနိုင်းဆွေးနွေးပွဲကို နေ့လယ် တစ်နာရီမှ ညနေ သုံးနာရီထိ ပြုလုပ်ခဲ့သည်ဟု သိရသည်။
                                                                   နိရဉ္စရာ-

စစ်တွေကောလိပ် ကျောင်းသား/သူဟောင်းများ၏ မြတ်ဆရာ ပူဇော်ပွဲကျင်းပမည်

( ၂ မတ်လ ၂၀၁၄)
စတုတ္ထအကြိမ်မြှောက် စစ်တွေ ကောလိပ် ကျောင်းသားကျောင်းသူဟောင်းများ၏ အာစရိယ ပူဇော်ပွဲနှင့် မိတ်ဆုံစားပွဲကို ကျင်းပ ပြုလုပ်သွားမည် ဖြစ်ကြောင်း သတင်း ရရှိသည်။
ယနေ့ မတ်လ ၂ ရက်နေ့ နံနက် (၉) နာရီက ရန်ကုန်မြို့ ပြည်သူ့ရင်ပြင်ရှိ My Garden စားသောက်ဆိုင်တွင် စစ်တွေကောလိပ် ကျောင်းသူ ကျောင်းသားများ တွေ့ဆုံပွဲတွင် ထိုသို့ ဆုံးဖြတ်ခဲ့ကြခြင်း ဖြစ်သည်ဟု ကျောင်းသားဟောင်းတစ်ဦးက နိရဉ္စရာက ပြောသည်။
လာမည့် မတ်လ ၈ ရက်နေ့တွင် ရွှေတိဂုံ အရှေ့မုတ်ရှိ ရခိုင်ပြည်နယ် ဓမ္မာရုံတွင် ၎င်းအခမ်းအနားနှင့် ပတ်သက်ပြီး ပိုမိုကျယ်ပြန့်သော ဆွေးနွေးပွဲကို ဆက်လက် ပြုလုပ်သွားမည်ဖြစ်ကြောင်း၊ ကျောင်းသား ကျောင်းသူဟောင်းများကို ဖိတ်ကြားသွားမည် ဖြစ်ကြောင်း၊  ကျောင်းသား ကျောင်းသူဟောင်းများ အနေဖြင့် မဖြစ်မနေ တက်ရောက်ကြစေလိုကြောင်း ၎င်းမှ ဆက်လက် ပြောကြားသည်။
စစ်တွေ ကောလိပ် အာစရိယ ပူဇော်ပွဲနှင့် မိတ်ဆုံစားပွဲမှာ အကြောင်းအမျိုးမျိုးကြောင့် ရပ်တန့်နေခဲ့သည်မှာ (၄) နှစ်ခန့် ရှိနေပြီဟု သိရသည်။          နိရဉ္စရာ-

အိမ်နီးချင်းနိုင်ငံနှစ်ခုက ဘ၀တူညီအစ်မပါဟုဆိုသူ နိုင်ငံခေါင်းဆောင် တစ်ဦးက ဒေါ်အောင်ဆန်းစုကြည်ကို တွေ့မည်

( ၂ မတ်လ ၂၀၁၄)/ မောင်အေး အိမ်နီးချင်းနိုင်ငံ နှစ်ခုမှ ဘ၀တူ ညီအစ်မ နှစ်ဦးပါဟု မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား တင်စားပြောဆိုသူ ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာသည် သူမ၏ မြန်မာပြည် ခရီးစဉ်အတွင်း ဒေါ်အောင်ဆန်းစုကြည်နှင့် တွေ့ဆုံသွားမည်ဟု သိရသည်။ ထိုသို့ တွေ့ဆုံမည်ကို ဘင်္ဂလားဒေ့ခ်ျနိုင်ငံတွင် နာမည်ကြီးသတင်းဌာနတခုဖြစ်သည့် BD News24 အွန်လိုင်းစာ မျက်နှာတွင် ဘင်္ဂလီဘာသာဖြင့် ယနေ့ ရေးသားဖေါ်ပြသည်။
“ တနင်္လာနေ့ညနေ ၄ နာရီတွင် ဒေါ်အောင်ဆန်းစုကြည်နှင့် ဘင်္ဂလာဝန်ကြီးချုပ် ရှိတ်ဟာဆီးနာတို့ တွေ့ဆုံဆွေးနွေးမှာ ဖြစ်ပါတယ်” ဟု သတင်းက ဆိုသည်။
ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာ၏ ဖခင် ရှိတ်မူဂျီဘူရာဟာမန်သည် ဘင်္ဂလာဒေခ်ျ့ နိုင်ငံ လွတ်လပ်ရေး ဖခင်ဖြစ်ပြီး ဒေါ်အောင်ဆန်းစုကြည်သည်လည်း မြန်မာ့ လွတ်ရေး ဖခင် ဗိုလ်ချုပ်အောင်ဆန်း၏ သမီးဖြစ်သည်။
ယင်းပြင် သူမ၏ ဖခင် ရှိတ်မူဂျီဘူရာဟာမန်သည် လွတ်လပ်ရေး ရပြီး (၄) နှစ်အကြာ ၁၉၇၅ ခုနှစ် သြဂတ်စ်လ ၁၅ ရက်နေ့တွင် မသမာသူ စစ်ဗိုလ်တစ် တစ်စု၏ လုပ်ကြံသတ်ဖြတ်ခြင်းကို ခံခဲ့ရပြီး ဒေါ်အောင်ဆန်းစုကြည်၏ ဖခင် ဗိုလ်ချုပ်အောင်ဆန်းသည်လည်း လွတ်လပ်ရေး မရမီ တနှစ်အလို ၁၉၄၇ ခုနှစ် ဇူလိူင်လ ၁၉ ရက်နေ့တွင် လုပ်ကြံသတ်ဖြတ်ခံခဲ့ရသည်။
ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာသည် ၁၉၉၁ ခုနှစ်က သူမ အတိုက်အခံ ခေါင်းဆောင်ဘ၀နှင့် ရှိနေစဉ် ၈၈ အရေးအခင်းကြောင့် ဘင်္ဂလာသို့ ထွက်ပြေးလာကြသူ ရခိုင်ပြည်နယ် ကျောင်းသား လူငယ်များနှင့် ဒက္ကားမြို့ သူမနေအိမ်တွင် တွေ့ဆုံစဉ်  “ ဒေါ်အောင်ဆန်းစုကြည်မှာ မိမိနှင့် ဘ၀တူ အိမ်နီးချင်းနိုင်ငံ နှစ်ခုမှ ညီအစ်မ နှစ်ဦးပါ”  ထုတ်ဖေါ်ပြောကြားခဲ့သည်။
ထိုအချိန်က မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်မှာ ရန်ကုန်မြို့တွင် အကျယ်ချုပ်ဘ၀ဖြင့် ထိန်းသိမ်းခံနေခဲ့ရသည်။          နိရဉ္စရာ-

နေပြည်တော် သန်းခေါင်စာရင်း ကောက်ယူခြင်း အထိမ်းအမှတ် အခမ်းအနားသို့ ရခိုင်ခေါင်းဆောင် (၄) ဦးတက်ရောက်

( ၂ မတ်လ ၂၀၁၄)/ တင့်ဆွေမောင်

( ဓါတ်ပုံ- Eleven)

နေပြည်တော်တွင် ပြုလုပ်သော ပြည်လုံးကျွတ် လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူခြင်း အထိမ်းအမှတ် အခမ်းအနားသို့ ရခိုင်ခေါင်းဆောင် (၄) ဦးတက်ရောက်ခဲ့ကြောင်း အခမ်းအနားသို့ ကိုယ်တိုင် တက်ရောက်ခဲ့သူ ALD ဗဟိုအလုပ်အမူဆောင်ကော်မီတီဝင် ဦးမျိုးဆွေက နိရဉ္စရာသို့ ပြောသည်။
တက်ရောက်ခဲ့ကြသူများမှာ ALD မှ ဥက္ကဌ ဦးအေးသာအောင်၊ ဗဟိုအလုပ်အမူဆောင်ကော်မီတီဝင် ဦးမျိုးဆွေ၊ RNDP ဥက္ကဌ ဒေါက်တာအေးမောင်၊ ရသေ့တောင်ပြည်သူ့လွှတ်တော်ကိုယ်စားလှယ် ဒေါ်ခင်စောဝေတို့ ဖြစ်ကြသည်။
၎င်းအခမ်းအနားတွင် နိုင်ငံတော် သမ္မတ ဦးသိန်းစိန်၊ လွှတ်တော် ဥက္ကဌများ၊ ပြည်ထောင်စုဝန်ကြီးများ၊  ပြည်နယ်နှင့် တိုင်း ၀န်ကြီးချုပ်များ၊ ဌာနဆိုင်ရာ အကြီးအကဲများနှင့် တိုင်းရင်းသားပါတီများမှ တာဝန်ရှိသူများ တက်ရောက်ခဲ့ကြသည်။
အခမ်းအနားတွင် နိုင်ငံတော် သမ္မတ ဦးသိန်းစိန်မှ မြန်မာနိုင်ငံမှာ ရေမြေတောတောင် သဘာဝ အလှအပများ၊ သယံဇာတ ပစ္စည်းများ အထူး ပေါကြွယ်ဝပြီး တိုင်းရင်းသား လူမျိုးပေါင်းစုံနေထိုင်ရာ တိုင်းပြည် တစ်ပြည် ဖြစ်သဖြင့် အထူးပနံရလှပါကြောင်း၊ ယခု ကောက်ယူမည့် သန်းခေါင်စာရင်းမှာ တိုင်းပြည် ဖွံ့ဖြိုးတိုးတက်ရေး အတွက် များစွာ အထောက်အကူ ပြုနိုင်မည် ဖြစ်ကြာင်း ပြောဆိုသည်ဟု သိရသည်။
အခမ်းအနားသို့ တက်ရောက်ခဲ့သူ ဦးမျိုးဆွေမှလည်း သန်းခေါင်စာရင်း ကောက်ယူမူနှင့် ပတ်သက်ပြီး သူ့အမြင်ကို ယခုလို ပြောကြားသည်။
“ သန်းခေါင်စာရင်း ကောက်ယူမယ့် အလုပ်ဟာ နိုင်ငံအတွက် အကောင်းဆုံး လုပ်ဆောင်ရမယ့် အလုပ်တစ်ခု ဖြစ်ပါတယ်။ ဘာကြောင့်လဲဆိုရင် အသက်၊ အရွယ်၊ ကျားမ ပညာအရည်အချင်းတွေကို တိကျစွာ သိနိုင်မှ တိုင်းပြည်ရဲ့ လိုအပ်ချက်၊ အားသာချက်တွေကိ်ု အဖြေထုတ်နိုင်မှာ ဖြစ်ပီး နိုင်ငံတော်ရဲ့ စီမံကိန်းတွေကို တိကျစွာ ရေးဆွဲ အကောင်ထည် ဖေါ်နိုင်မှာ ဖြစ်တဲ့ အတွက် ဖြစ်ပါတယ်” ဟု သူက ဆိုသည်။
သို့သော်လည်း သန်းခေါင်စာရင်း ကောက်ယူရာတွင် ရခိုင်ပြည်နယ် အတွက်မူ ပြဿနာဖြစ်ပေါ်နိုင်သဖြင့် သူ့အနေဖြင့် စိုးရိမ်စရာ ဖြစ်မိကြောင်း ပြောဆိုသည်။
“ ဘာကြောင့် စိုးရိမ်စရာလဲဆိုတော့ သန်းခေါင်စာရင်း ကောက်ယူတဲ့ အခါ ရခိုင်ပြည်နယ်မှာ ပြသနာတွေ ပေါ်ပေါက်နိုင်တဲ့ အတွက် ဖြစ်ပါတယ်။ ရခိုင်ပြည်နယ်ထဲမှာ တဘက်နိုင်ငံကနေ ခိုးဝင်လာတဲ့ ဘင်္ဂလီတွေက အများကြီးဆိုတော့ သန်းခေါင်စာရင်းကောက်ယူတဲ့အခါ စာရင်း အတိအကျကို သိရှိလာရမယ် ဖြစ်တယ်။ အဲသလို သိရှိလာတဲ့အခါ  ပြသနာ ပေါ်ပေါက်နိုင်တဲ့ အတွက် စိုးရိမ်မကင်း ဖြစ်မိပါတယ်” ဟု သူက ဆိုသည်။
ယမန်နေ့က ပြုလုပ်သော ပြည်လုံးကျွတ် လူဦးရေနှင့် အိမ်အကြောင်းအရာ သန်းခေါင်းစာရင်း ကောက်ယူခြင်း အထိမ်းအမှတ် အခမ်းအနားအား နေပြည်တော် မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာန ( MICC) တွင် ညနေ ၄ နာရီခွဲမှ ၉ နာရီထိ ပြုလုပ်ခဲ့ကြောင်း သိရသည်။                           နိရဉ္စရာ-

စစ်တပ်က လယ်ကို စွန့်သော်လဲ မူလပိုင်ရှင်လယ်သမားများ ပြန်မရ

( ၂ မတ်လ ၂၀၁၃) ရခိုင်ပြည်နယ် ပုဏ္ဍားကျွန်းမြို့နယ် ကုန်းတန်းကြိမ်ချောင်းကျေးရွာ အုပ်စုတွင် စစ်တပ်က သိမ်းထားသော လယ်မြေဧက ၅၀ ကို တပ်မှ စွန့်လွှတ်လိုက်ဟု သတင်းရသော်လည်း မူလပိုင်ရှင် လယ်သမားများလယ်သမားများ အနေဖြင့် ၎င်းလယ်မြေများကို ပြန်မရရှိသေးဘဲ ဖြစ်နေကြောင်း လယ်ပိုင်ရှင်၏ သားဖြစ်သူ ကိုမျိုးနိုင်က နိရဉ္စရာသို့ ပြောသည်။
ကုန်တန်းကြိမ်ချောင်း ကွင်းအမှတ် ၅၁၉  (မြောင်းဝကွင်း) ရှိ လယ်မြေဧက (၅၀) ကို ကျောက်တော်အမှတ် ၅၃၉ ခြေမြန်တပ်ရင်းမှ ၂၀၀၀ ခုနှစ်က သိမ်းယူသွားပြီး ဒေသအတွင်းမှ ကျေးရွာ အာဏာရှိသူများနှင့် ပူးပေါင်းကာ ပုဇွန် မွေးမြူရေး လုပ်ငန်းများ လုပ်ကိုင်နေသည်ဟု သူက ဆိုသည်။
၎င်းလယ်မြေများကို လယ်ယာမြေများနှင့် တစ်ခြားမြေများ စုံစမ်း စစ်ဆေးရေး ကော်မရှင် ရခိုင်ပြည်နယ် တာဝန်ခံ ဦးစောရွှေ၊ မြေပုံမြို့နယ် ပြည်သူ့ လွှတ်တော်ကိုယ်စားလှယ် ဦးဖေသန်းတို့မှလည်း လွန်ခဲ့သောနှစ်က လာရောက် စစ်ဆေးခဲ့ပြီ ဖြစ်သည်ဟု ဆိုသည်။
၎င်းလယ်မြေများမှာ ခမရ ၅၃၉ မှ မိုင် (၃၀) အကွာတွင် တည်ရှိပြီး မည်သည့် အစိုးရပိုင် အဆောက်အဦးများကို တစ်စုံတစ်ရာ ဆောက်လုပ်ထားခြင်း မရှိဟု ဆိုသည်။
သို့အတွက် မူလပိုင်ရှင်လယ်သမားများမှ သက်ဆိုင်ရာ ကျေးရွာအုပ်စု လယ်ယာမြေ စီမံခန့်ခွဲမူ ကော်မီတီတွင်  ၎င်းလယ်မြေများကို တရားဝင် မှတ်ပုံတင်ခွင့် လျှောက်ထားရာငြင်းပယ်ခံခဲ့ရသည်ဟု သူက ဆက်ဆိုသည်။
“  ကျွန်တော်တို့က လယ်ယာမြေ ဥပဒေ လုပ်ထုံး လုပ်နည်းအညီ ဆောင်ရွက်နိုင်ဖို့ တရားဝင် လွဲပြောင်း ပေးစေလိုပါတယ်။ ကျွန်တော်တို့က တရားဝင် သားစဉ် မြေးဆက် လုပ်ကိုင်စားသောက်နိုင်ဖို့ သက်ဆိုင်ရာ ကျေးရွာအုပ်စု လယ်ယာမြေ စီမံခန့်ခွဲမူ ကော်မီတီမှာ တရားဝင် မှတ်ပုံတင်ခွင့် လျှောက်ပါတယ်။ အဲသလို လျှောက်တဲ့အခါ ကုန်းတန်းကြိမ်ချောင်း ကျေးရွာအုပ်စု အုပ်ချုပ်ရေးမှူး ဦးထွန်းနိုင်က လယ်မြေတွေကို စစ်တပ်က တရားဝင် လွဲပြောင်းတဲ့ စာ မရောက်သေးတဲ့ အတွက် လျှောက်ထားလို့ မရဘူးလို့ ဆိုပါတယ်” ဟု ပြောသည်။
၎င်း လယ်မြေဧက (၅၀) ကို ပုဏ္ဍားကျွန်းမြို့နယ် ကုလားချောင်းကျေးရွာအုပ်စုမှ ဦးလယ်မောင်ဦး၊ ဦးဆတ်တောင်း၊ ဦးအင်္ဂါအောင်၊ ဦးစံထွန်းသိန်းနှင့် ဦးသာမောင်တို့က ပိုင်ဆိုင်သည်ဟု သိရသည်။
၎င်းလယ်မြေများကို စစ်တပ်က မလုပ်ကိုင်တော့ကြောင်း၊ သို့သော်လည်း ၎င်းလယ်မြေများကို ကုန်းတန်းကြိမ်ချောင်း ကျေးရွာအုပ်စု အုပ်ချုပ်ရေးမှူး အဖွဲ့မှ လုပ်ကိုင် စားသောက်နေကြောင်း သူက ဆိုသည်။
၎င်းကိစ္စနှင့် ပတ်သက်၍ လယ်သမားများက ပုဏ္ဍားကျွန်း မြို့နယ် အုပ်ချုပ်ရေးမှူးအား သွားရောက် မေးမြန်းရာ အထက်မှ တစ်စုံတစ်ရာ အကြောင်းကြားစာ မရောက်ရှိသေးကြောင်း ပြောကြားသည်ဟု သိရသည်။             နိရဉ္စရာ-

ဆောဝှဲချေတိ ပါယေ

usbကနီ ကျွန်ပျူတာကိုကူးခါ ယှံရေဆောဝှဲ

ကိုင် usb ကနီကျွန်ပျုတာ ကျွန်ပျူတာကနီ usb ကိုကူးခါ
ပိုပြီးမြန်စီရေ ဆောဝှချြေတခုဖြစ်ပါရေ
လိုချင်ကေ အေမှာ ဒေါင်းပါ 
password တောင်းပါက linnlinniloveyou@gmail.com
ကို ထည့် ပီးလိုက်ပါ ကျေးဇူးတင်ပါေ၇

ကို့ ကျွန်ပျူတာကို ဇာ တိ လုပ်ထားခလဲပြန်ကြည့်နှိုင်ရေဆောဝှဲ

aအေဆောဝှဲ ကတောခါ ကို့ ကျွန်ပျူတာကို  ဇာ တိ လုပ်ထားခလဲ
ပြန်ကြည့် နှိုင်ရေ ဆောဝှဲ အသစ်ချေတခုပါ
လိုချင်ကေ ယူ ထားကပ်ပါယေ
password တောင်းကေ linnlinniloveyou@gmail.com
ကို ထည့်ပီးလိုက်ပါ
အေမှာ          ဒေါင်းပါ

မလေးသွား အမျိုးသမီး ၄ ဦး အပါအ၀င် လူ ၇၂ ဦး ဘင်္ဂလာဒေခ်ျ့ ကမ်းခြေစောင့်တပ်ဖွဲ့က ဖမ်းဆီး

( ၁ မတ်လ ၂၀၁၄)

Caption: file photo.

မလေးရှားနိုင်ငံသို့ တရားမ၀င် ခိုးသွားသူ ဘင်္ဂလီ ၇၂ ဦးကို စက်လှေ တစ်စီးနှင့်အတူ ဘင်္ဂလာဒေခ်ျ့ ကမ်းခြေစောင့်တပ်ဖွဲ့က ယနေ့ နေ့လည် ၁၂ နာရီ မိနစ် ၃၀ တွင် ဖမ်းဆီးလိုက်သည်။
ဖမ်းဆီးခံရသူများထဲတွင် အမျိုးသမီး ၄ ဦးပါဝင်သည်ဟု ကမ်းခြေစောင့်တပ်ဖွဲ့မှ ဗိုလ်အဆင့်ရှိသူ  Kazi Harunor Rashid က မီဒီယာသို့ ပြောသည်။
သူတို့အား စိန်မာတင် (ရခိုင်အခေါ် အုန်းကျွန်း) မှ ၅ မိုင်အကွာ ငါးဖမ်းစက်လှေ တစ်စီးပေါ်တွင် ဖမ်းဆီးမိခြင်း ဖြစ်ပြီး စက်လှေကိုပါသိမ်းယူလိုက်သည်ဟု ဆိုသည်။
ဖမ်းဆီးရမိသူများအား တက်ကနက် ရဲစခန်းသို့ ချက်ချင်း လွှဲပြောင်း ပေးအပ်လိုက်သည်ဟု သိရသည်။
ဘင်္ဂလာဒေခ်ျ့ နိုင်ငံသား အများအပြားသည် သူတို့နိုင်ငံတွင် တစ်နေ့ထက် တစ်နေ့ များပြားလာသော လူဦးရေနှင့် အတူ အလုပ်လက်မဲ့နုန်းများပြားလာရာမှ ယခုလို ပွင့်လင်းရာသီတွင် စက်လှေစီးပြီး မလေးရှားကို တရားမ၀င် အလုပ် လုပ်ရန် သွားရောက်လေ့ရှိကြသည်။     နိရဉ္စရာ-