ဖေဖေါ်ဝါရီ ၂၀ ရက်၊ ၂၀၁၄ ခု။
လူဝင်မှုကြီးကြပ်ရေးနန့် ပြည်သူ့အင်အားဦးစီးဌာန ပြည်ထောင်စုဝန်ကြီး ဦးခင်ရီ ဘင်္ဂလီဘာသာရေးခေါင်းဆောင်တိနန့် တွိ့ဆုံဇိုင်
လူဝင်မှုကြီးကြပ်ရေးနန့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီက ဖေဖေါ်ဝါရီလ ၁၇ ရက်နိန့်က ဘင်္ဂလီဘာသာရေးခေါင်းဆောင်တိနန့်တွိ့ဆုံစော်မှာ ၀န်ကြီးဦးခင်ရီက ဘင်္ဂလီတိကို အသုံးပြုလားဖို့ဖြစ်တေလို့ ဘင်္ဂလီခေါင်းဆောင် တိကို ပြောဆိုခရေလို့ သိရပါရေ။
ယင်းပိုင်ဘင်္ဂလီတိကို အသုံးပြုလးဖို့ရည်ရွယ်ချက်က ဘာသာစကားအခက်အခဲနန့် လုံခြုံရေးအခြေအနေတိကြောင့် ယင်းပိုင် ဘင်္ဂလီတိကို ထည့်သွင်းအသုံးပြုလားဖို့ဖြစ်တေလို့ သိရပါရေ။
ပြည်ထောင်စုဝန်ကြီး ဦးခင်ရီ၏ ရခိုင်ပြည်ခရီးဇိုင်မှာ ရခိုင်မြို့မိမြို့ဖတိနန့် ဘင်္ဂလီဘာသာရေးခေါင်းဆောင်တိကို သီးခြားစီခွဲလို့ တွိ့ဆုံခရေလို့ သိရပရေ။
“ဒေပိုင်လုပ်ရရေ ရည်ရွယ်ချက်က ဘင်္ဂလီတိကိုယ်တိုင်ကောက်တေအတွက် သူရို့အချက်အလက်တိကို တိတိကျကျသိရဖို့ ဇာဖြစ်လို့လဲဆိုကေ ကျွန်နော်ရို့အနိန်နန့်လားကေ အချက်အလက်အမှန်ကို တိတိကျကျသိရဖို့မဟုတ်” လို့ ၀န်ကြီးဦးခင်ရီက ဆိုပါရေ။
ယင်းပိုင်ဘင်္ဂလီတိကို ဘင်္ဂလီကိုယ်တိုင်ကောက်ယူစော်နန့်ပတ်သတ်လို့ စစ်တွေမြို့ခံတစ်ယောက်က “ယင်းသူအရိုးနန့်ယင်းသူပြန်ထိုးစော်ကောင်းပါရေ။ ယေကေလည်း လုံခြုံရေးကိုအကြောင်းပြ၊ ဘာသာစကားကို အကြောင်းပြဆိုစော်က အကြောင်းပြချက်ခိုင်ခိုင်လုံလုံမဟုတ်ပါ။ ယင်းပိုင်ရာလုပ်ဖို့ဆိုကေ အချက်အလက် မှန်မှန်ကန်ကန်မရနိုင်ပါ။ အလိမ်အညာလူမျိုးတိက လိမ်ညာဖို့စော်ကို လုံးဝမကြောက်ပါ။ ယင်းသူရို့ လိမ်ဖို့စော် အသေ အချာပါ” လို့ ဆိုပါရေ။
၂၀၁၄ ခုနှစ် သန်းခေါင်စာရင်းကို တစ်နိုင်ငံလုံးအတိုင်းအတာအနိန်နန့် မတ်လ ၃၀ ရက်နိန့်က ဧပြီလ ၁၀ ရက်နိန့်အထိ ၁၂ ရက်ကြာ တစ်ပြည်လုံးမှာ ကောက်ယူလားဖို့လို့ သိရပါရေ။
လေးဝတီ (စစ်တွေ)
No comments:
Post a Comment