ဖေဖေါ်ဝါရီ ၂၄ ရက်၊ ၂၀၁၄ ခု
ဘင်္ဂလာကို တင်ပို့ဖို့ပြင်ဆင်န်ိန်ကတ်တေ ဆန်အိပ်တိ
အယင်က အများဆုံးတင်ပို့ရေ ရီငန်ပုစွန်တိ တင်ပို့စော်မှာ မဟိသလောက် နည်းပါးနိန်ပြီးကေ ဆန်တိကို ၂၀၁၄ နိုဝင်ဘာလက စလို့ ဘင်္ဂလာက ၀ယ်ယူဖို့ ကမ်းလှမ်းလာရေနောက်ပိုင်းမှာဒေဂုပိုင်တင်ပို့နိန်စော်ဖြစ်တေလို့ သိရပါရေ။
ဆန်စလို့ တင်ပို့ရချိန်က တစ်တန်ကို အမေရိကန်ဒေါ်လာ ၃၈၅ ဒေါ်လာ နှုန်းရဟိခကေလည်း ဒေဂုအခါ တစ်တန်ကို ၃၇၅ ဒေါ်လာနန့် တင်ပို့နိန်ရရေလို့ သိရပါရေ။ ဘင်္ဂလာမှာ ဒေနှစ်မှာ အထွေထွေရွီးကောက်ပွဲကြောင့် ဒေသတွင်း မတည်မငြိမ်မှုတိဖြစ်လာရေအတွက် အိန္ဒိယက နှစ်စိုင်တင်ပို့နိန်ရေ အခြီခံစားသောက်ကုန်တင်ပို့မှုတိကို ၂၀၁၃ ခုနှစ်မှာ
ရပ်ဆိုင်းလိုက်ပြီးကေ ရခိုင်ပြည် မောင်တော နယ်စပ်ကုန်သွယ်ရေးနန့် စစ်တွေနယ်စပ်ကုန်သွယ်ရေးစခန်းတိကနိန် တင်ပို့ကတ်စော်ဖြစ်တေလို့သိရပါရေ။
လက်ရှိ တင်ပို့နိန်ရေဈီးဖြစ်တေ ၃၇၅ ဒေါ်လာဈီးမှာ ဘင်္ဂလားဒေရှ့်ကိုအရောက် ဈီးနှုန်းဖြစ်ပြီးကေ တင်ပိုရေဆန်အမျိုးအစားမှာ ဧည့်မထ ဆန်အမျိုးအစားတိဖြစ်တေလို့သိရပါရေ။ ဘင်္ဂလားဒေရှ့်ဈီးကွက်ကို ဆန်တင်ပို့နိန်ရကေလည်း ရခိုင်ပြည်မှာ စပါးဈီးကွက်မှာ တင်းတစ်ရာကို ကျပ် ၃ သိန်းဝန်းကျင်ဈီးရာဟိပြီးကေ နယ်စပ်ဆန်ဈီးကွက်မှာ ဆန်တိက ဈီးအတက်အကျ
မဟိလို့သိရပါရေ။
ရခိုင်ပြည်က ဆန်တိကို ဘင်္ဂလားဒေရှ့်အပြင် ရိုးတဖက်က ပြည်၊ အောင်လံ ဈီးကွက်ကိုလည်း တင်ပို့နိန်ကတ်တေလို့သိရပါရေ။ လေးဝတီ (မောင်တော)
No comments:
Post a Comment