ရာစုတိလေ့ အလီလီပြောင်း
နှင်းမြူအလှက မြောက်ပြန်လီကိုမျှော်
ထော..ဥပတ္ခာ ပြု့လားရေ သစ်ရွက်ချေတိကြောင်း
ကြွီကွဲမျက်ရည်စက်နန့် အထီးကျန် သစ်ခြောက်ပင်ကြီးထက်
ဖူးပွင့်ကတ်ရဖို့ သဇင်ချေရို့ အဖြစ်က
နီပူကြီးထဲက ရီနည်းငါးချေတိပိုင်
ထိုယိုင် ဒေယိုင် ယိုင်ပနာ လဲလားဖို့
ခြောက်လှန့်နီရေ အပူလှိုင်းတိကြောင်း
လန့် အော်သံချေတိကို နဝင်ချေချို ပီတိပိုပြီး
မကြားပါလို့ အာလူးစားချင်ကေ
အားရေကြားက တခေါက်ချေ ကြည့်ပါ
အို..ဘုရား ဘုရား အလကားရရေ အောင်ဆီဂျင်ကို
“ဝ”အောင် မရှူနိုင်ရေ သဇင်ချေရို့ ဘဝ
မလှပရေ ဒေ ရသချေတိ ကြားမှာ
ဒေရင်ချေကို ကွဲအောင် ထုပြီး ဇာလောက် ငိုရပါဖို့သိမ့်လည်း.........
ရာဇဝင် ဆိုးကြီးက ပီးရေ အမွီဆိုးကြီးလား
ကံ ဇာတ်ဆရာကြီး၏ အလိုတော် အတိုင်းလား
ပြောချင်ပိုင် ပြောပါဖိ
မဟိရေ အားချေနန့် အန္တရာယ်တိ ကြားမှာ
နာကြင်စီရေ စူးချေတိကို နှုတ်ဆက်ပြီး
လားနီကတ်တေ ခြီလှမ်းချေတိက
ဦးတည်ရာ မဟိရေ ကောက်စလီ(ဗေဒါ)ပင်ချေပိုင်
ကိုင်ဆွဲစရာ မဟိရေ ဒုက္ခပင်လယ် ကြီးထဲ
မင်း ဇနကကြီးကို အားမကျကေလေ့
အကြင်နာ တရားအတွက် အိပ်ဆီး စားထားရေ
မေခလာကြီး ကြောင်းလား
စဉ်းစားပီးကတ်ပါ မောင်ကြီးသျှင်ရို့............
ယေဓမ္မာ ဟေတု ပဘာဝါ အကြောင်းချေက အကျိုး ဆိုကေ
အကျိုးချေ၏ ရက်စက်ခြင်းက ဇာအကြောင်းချေကြောင်း ဆိုစွာကို
အို..ဟောင်းနီရေ လမ်းဟောင်းချေက ခွဲထွက်လိုက်ပါ
ရင်သွီးချေရို့၏ အနာဂတ် လှပစီဖို့
သီအိုရီ အသစ်ချေနန့် နိယာမ လမ်းသစ်ချေထက်
ငါဆိုရေ အတ္တချေကို ခဝါချပြီး
ကွဲနီကတ်တေ ဂေါင်းချေတိကို
လွဲနီကတ်တေ အတွေး အပ်ချေတိနန့် ခြုပ်ဖို့
မျက်နှာချေဆိုင်ပြီး အဖြေချေတခု
ရှာသင့်ပါဗျာလ် မောင်ကြီးသျှင်ရို့.............၊၊
လေးစားစွာဖြင့်(နွယ်)
အစ်မချေ လှလေးနွယ် ရီးထားစော် tag မလုပ်ပါယာ အသိမပီးဂေ့ ဆိုလို့ 
No comments:
Post a Comment